مطلوب دكتور اوبل لحل المشكله

[tiwfekBASHA]

شاكر

هو موضوع غريب جدااااا وبصراحة انا توهت لكن بس احب اديك معلومة,,,, ايام العذاب (قبل ما ابيع الفيكترا بى بتاعى) كنت بدور على الماف ده نفس الشكل اللى انت عايزة ولاقيت منه كتييييير جداااا فى الوكالة عند واحد اسمة احمد مش فاكر احمد ايه بصراحة بس انت ممكن تدخل الوكالة وتسال على احمد بتاع الاوبل,,,, هتلاقي عندة كمية بالعبيط وكان بيتكلم فى 550 جنية تقريبا حاجة زى كدة ممكن تشوفة لو كنت عايز تشترى ماف وربنا يعينك عليها ....
انا بصراحة ما استحملتهاش وحبت اخرى معاها بدرى بدرى هههههههههههه

الف شكر للمشاكره لو ممكن بس توضيح اكتر احمد دة فيين وانه وكاله بالظبط لو ممكن توضيح اكتر للمكان لانى لو كدا ممكن اروح للراجل دة طالما انها كدا كدا استيراد واجرب من عندة ماف ظبط العربييه خير وبركه مظبطتش يبقا مخسرناش حاجا

[tiwfekBASHA]

شرح المشكله

نعيد شرح المشكله تانى عشان تكون واضحا للجمييع
العربييه اوبل فكترا 95 اتوماتيك 2000 سىسى على السلنسيه العربييه بترتل اكنها شغاله على 3 بوجيه مثلا بترعش لدرجه انى من مكان الفتيس كدا بحس ان الشكمان بيخبط فى العربييه من تحت متخيليين معايا الكلام ماشى ازاى
طيب اجى اطلع العربييه بتطلع اكنها بتقطع حاجا كدا اكنك راكب سيت قديمه وفيين عبال ما ربنا يكرمها وتبدا تسحب طبعا خلاص بتمشى عادى مفيش مشكله هى دة بس المشكله
وانا قلت عشام متعبش الناس بردة ومش تقليل من قدر احد والله ابدا بس لو حد يالى روح عند فلان او مركز فلان مثلا يحط العربييه على الكمبيوتر ويالى فييها كذا وكذا يتغيرو من المكان الفلانى بكذا والعربييه دة تظبط معاك
والله انا الى مصبرنى انى عارف العربييه دة لما بتكون مظبوطا بتكون عامله ازاى
او لو حد يقدر يساعد باى طريقا او اقتراح يتفضل يالوة بس رجاء الى فاهم بس لانى اخوكم خلاص تعب
مع الشكر

[فادى محمد]

الفرامل عندك اخبارها ايه؟؟
من حيث القوه - ناشفه ولا طريه؟

[tiwfekBASHA]

تحيياتى يا كبيير

الفرامل عندك اخبارها ايه؟؟
من حيث القوه - ناشفه ولا طريه؟

تحياتى ليك الاول يا برنس
والسوال دة انت جيت على الجرح فعلا
الفرامل وانا كاسر العجل بحس انها ناشفا جدا لكن على العدل مفيش مشكله بس ساعات بتهرب منى وبردة مش عارف لييه انا عارف ان سواللك دة واراة حاجا خش علييا بالتايله بقا يا مسهل

[tiwfekBASHA]

متابــــــــــــــع

[amrosaroukh]

بص يا باشا
الموضوع اللي ها يقولهولك فادي باشا هو السيرفو بس بردوا ميمنعش انك عندك حاجة تانية (كهربية) هي اللي مبوظة الدنيا معاك هو انا معلوماتي المحدودة ان العطل اللي عندك دا سببه برجلة كهربا يعني عدم وجود سحب فى الطالعة و بعد كدا العربية فلة !! يبقا في مشكلة في سنسور ما مبوظ الدنيا انا عشان معايا البي فمعلوماتي محدودة فى الa لكن تزامن عطل السنسور اللي انا مش عارفه دا مع السيرفو الفرامل يبرجل اتخنها عربية و بردوا كل دا مش هيبان غير لما تحل المشاكل مشكلة مشكلة عشان تحاصر العيب و تعرف مكانة

و شكراً
عمرو الشريف

[tiwfekBASHA]

مع الشكر

بص يا باشا
الموضوع اللي ها يقولهولك فادي باشا هو السيرفو بس بردوا ميمنعش انك عندك حاجة تانية (كهربية) هي اللي مبوظة الدنيا معاك هو انا معلوماتي المحدودة ان العطل اللي عندك دا سببه برجلة كهربا يعني عدم وجود سحب فى الطالعة و بعد كدا العربية فلة !! يبقا في مشكلة في سنسور ما مبوظ الدنيا انا عشان معايا البي فمعلوماتي محدودة فى الa لكن تزامن عطل السنسور اللي انا مش عارفه دا مع السيرفو الفرامل يبرجل اتخنها عربية و بردوا كل دا مش هيبان غير لما تحل المشاكل مشكلة مشكلة عشان تحاصر العيب و تعرف مكانة

و شكراً
عمرو الشريف

مع الشكر استاذ عمرو

[فادى محمد]

اسف علي التاخير..
فعلا زي مااخونا عمرو قال في علاقه بين سيرفو الفرامل وان الموتور يبرجل ويتلت..
السيرفو بيشتغل بفاكيوم هوا من الموتور . لو السيرفو او وصلته بيسرب الهوا ده ,الموتور كده
هياخد هوا اكتر من الطبيعي والنتيجه انه هيبرجل ويهبب..
-تقدر تشخص العطل ده لما تفك وصله او خرطوم السيرفو من الموتور وتكتم الفتحه كويس وتدور الموتور , لو ضبط معاك يبقي السيرفو بايظ او خرطومه او البلف اللي في نص الخرطوم ,,
-لو مفيش اي تغير يبقي مشكله كهربا يعني حساس واغلب الظن الماف وبرده تتاكد منه لو العربيه بتظبط معاك في السرعات العاليه بس والبرجله بتبقي ع السلانسيه + استهلاك بنزين بغباء..

[Astra Lovers]

بآختصار من غير دوشه دا ماف لمواتير الكورسا ال ١٠٠٠ سي سي والاسترا ١٢٠٠ فقط لا غير
ركب ازاي ذا عندك انا مش فاهم واتحدي اي خبير فالموضوع دا لان كل الفيكترا نازله بماب او ماف قذيم شويه بيشتغل ميكانيزم مش كهربا زي ذا

[فادى محمد]

بآختصار من غير دوشه دا ماف لمواتير الكورسا ال ١٠٠٠ سي سي والاسترا ١٢٠٠ فقط لا غير
ركب ازاي ذا عندك انا مش فاهم واتحدي اي خبير فالموضوع دا لان كل الفيكترا نازله بماب او ماف قذيم شويه بيشتغل ميكانيزم مش كهربا زي ذا

من فضلك فهمني وجهه نظرك بالتفصيل ..
الراجل عربيته فيكترا ايه وعنده ماف .
ايه الفرق بين الماف والماب؟
ايه الفرق بين الماف الميكانيكي والكهربي؟
مشكور مقدما..

[tiwfekBASHA]

تمام

بآختصار من غير دوشه دا ماف لمواتير الكورسا ال ١٠٠٠ سي سي والاسترا ١٢٠٠ فقط لا غير
ركب ازاي ذا عندك انا مش فاهم واتحدي اي خبير فالموضوع دا لان كل الفيكترا نازله بماب او ماف قذيم شويه بيشتغل ميكانيزم مش كهربا زي ذا

من غير تحدى ولا حاجا الموضوع بسيط لان مغير الدفيرة كلها بالماف عشان كدا ركب الماف الكهرباء دة ولغيت التانى عادى بتتعمل كتير وفى ناس كتير اوى عامله كدا لان الماف الميكانيزم رخم اوى انت عارف

[tiwfekBASHA]

تمام

اسف علي التاخير..
فعلا زي مااخونا عمرو قال في علاقه بين سيرفو الفرامل وان الموتور يبرجل ويتلت..
السيرفو بيشتغل بفاكيوم هوا من الموتور . لو السيرفو او وصلته بيسرب الهوا ده ,الموتور كده
هياخد هوا اكتر من الطبيعي والنتيجه انه هيبرجل ويهبب..
-تقدر تشخص العطل ده لما تفك وصله او خرطوم السيرفو من الموتور وتكتم الفتحه كويس وتدور الموتور , لو ضبط معاك يبقي السيرفو بايظ او خرطومه او البلف اللي في نص الخرطوم ,,
-لو مفيش اي تغير يبقي مشكله كهربا يعني حساس واغلب الظن الماف وبرده تتاكد منه لو العربيه بتظبط معاك في السرعات العاليه بس والبرجله بتبقي ع السلانسيه + استهلاك بنزين بغباء..

اعتقد انك كلامك كدا تمام يا فادى لان من اخر مرة انا جبت العربييه من عند الله يباركله الميكانيكى سامع فييها زى صوت تسريب هوا من البلف الى فى النص الى طالع على الفرامل بس مكنش فى دماغى خالص انه يعمل كدا عاما انا هعمل زى منتا قلت ولو افترضنا ان الكلام صح وهو ان شاء الله صح نرجع بقا للحاله الاولنيه قبل ما اوديها للميكانيكى بتكون على السريع زى الفل وعلى السلنسيه مبرجله يبقا كدا دة اكيد الماف ولا ايه وازاى اتاكد من انه هو الى فعلا بايظ ولازم يتغير لو بيتعرف بطريقا يا ريت تعرفهالى ولو سلمان انه هوا الى بايظ اجيبه منين لانى لفييت فى الحرفيين وفى شارع دمشق وسالت عند ناس كتير اوى كلهم بيالللو مش موجود مع الشكر

[فادى محمد]

خلينا الاول بس نحل مشكله السيرفو لانه متعلق بالفرامل اللي ماينفعش نغض البصر عنها للامان.
-طالما سامع تسريب هوا من بلف السيرفو فك الوصله اللي في نصها البلف مره من الموتور واكتم بايدك ومره فكها من السيرفو نفسه (شدها لبره بالراحه) وسدها برده بايدك وقيم النتيجه ممكن يكون البلف بايظ او الخرطوم مقطوع
والسيرفو سليم..شوف كده واحنا معاك ان شاء الله..

[tananybasha]

عملت جوان المانفول و لا لأ