حد يلحقنى ... شكلى اتغبيت :(((((((

[Amr_650]

السلام عليكم ..

دلوقتى بعد محطيت ابرو بتاع الصدا .. و ركبت خرطوم مية بس مفكتش الاربه .. و طلعت كل الوساخة و المية الصفرا اللى كانت فى الماتور ..

قفلت الخرطوم وسبت العربية شغالة شوية لحد متطرد كل المية اللى كانت فيها من الخرطومين الراجع عشان احط مية ابرو خضرا .. و بعدين ركبت الخرطومين بتوع الراجع و كدة الدورة اتقفلت تانى .. و العربية مفيهاش مية

سبتها شوية تهدى و بعدين قمت فاتح كانزتين اابرو و حططهم فى القربة .. و 2 ازازة مية مقطرة للتخفيف .. و العربية مش دايرة ..

المية قعدت تتشفط فى القربة خفيف لحد موقفت ,, قمت مدور العربية عشان الطلمبة تشتغل و تشفط و لا الهوا مش بتشفط خاللللللللللص ,, ادوس بنزين مفيش , تحس انها عايز تطرد المية اساسا . معنا كدة انها خدت هوا ....

المفروض لسه فاضلها 3 لتر مية

دلوقتى انا سايبها على الحال دة اللى فى الصورة و مش عارف اعمل اية ..






حد يلحقنى يا رجالة :(((((((((((

[mafify]

المفروض تدور وتحط مية لغاية ما الراجع يطلع مية

[Amr_650]

طيب اعمل اية .. اية الحل ؟

[Hesham.H]

أولا انت لما سبت العربيه شغاله عشان تطرد مياه التنظيف ماخرجتش الميه كلها اللى فى المكنه ... عشان تخرج الميه اللى فى الريادتير لازم حاجه تزقها من جوه وهى الميه الجديده اللى بتحطها فى القربه
المفروض انك كنت تحط المياه المقطره لغايه اما تحس ان الميه القديمه خرجت وبعد كده تحط الكانزات
غلط طبعا انك تحط الكانزات الاول
والغلط التانى انك حطيت المياه المقطره والكانزات بعد اول عمليه غسيل ... لازم تغسل مرتين كمان عشان كل الصدا يطلع
المطلوب من حضرتك انك هاتدور عربيتك وتفك خرطوم الراجع اللى جنب الرفرف على طول ... وتبدأ تزود ميه لغايه اما الخرطوم يجيب ميه معاك وبعدها تظبط عيار القربه اللى هو لغايه فوق النص بحاجه بسيطه وتعيد تغير الميه كمان يومين وتقولنا خرجت لونها ايه
ماتستعجلش على خروج الميه من خرطوم الراجع ... اهم حاجه القربه ما تفضاش وانت بتزود عشان الهوا ... وهى غالبا مش هاتبدأ تخرج ميه غير بعد حراره ٩٠
إن شاء الله تعمل كده وقولنا وباقى الخطوات اما تنظف تانى بأمر الله
تحياتى

[amagroup]

أولا انت لما سبت العربيه شغاله عشان تطرد مياه التنظيف ماخرجتش الميه كلها اللى فى المكنه ... عشان تخرج الميه اللى فى الريادتير لازم حاجه تزقها من جوه وهى الميه الجديده اللى بتحطها فى القربه
المفروض انك كنت تحط المياه المقطره لغايه اما تحس ان الميه القديمه خرجت وبعد كده تحط الكانزات
غلط طبعا انك تحط الكانزات الاول
والغلط التانى انك حطيت المياه المقطره والكانزات بعد اول عمليه غسيل ... لازم تغسل مرتين كمان عشان كل الصدا يطلع
المطلوب من حضرتك انك هاتدور عربيتك وتفك خرطوم الراجع اللى جنب الرفرف على طول ... وتبدأ تزود ميه لغايه اما الخرطوم يجيب ميه معاك وبعدها تظبط عيار القربه اللى هو لغايه فوق النص بحاجه بسيطه وتعيد تغير الميه كمان يومين وتقولنا خرجت لونها ايه
ماتستعجلش على خروج الميه من خرطوم الراجع ... اهم حاجه القربه ما تفضاش وانت بتزود عشان الهوا ... وهى غالبا مش هاتبدأ تخرج ميه غير بعد حراره ٩٠
إن شاء الله تعمل كده وقولنا وباقى الخطوات اما تنظف تانى بأمر الله
تحياتى

تمام كلام سليم

[Amr_650]

أولا انت لما سبت العربيه شغاله عشان تطرد مياه التنظيف ماخرجتش الميه كلها اللى فى المكنه ... عشان تخرج الميه اللى فى الريادتير لازم حاجه تزقها من جوه وهى الميه الجديده اللى بتحطها فى القربه
المفروض انك كنت تحط المياه المقطره لغايه اما تحس ان الميه القديمه خرجت وبعد كده تحط الكانزات
غلط طبعا انك تحط الكانزات الاول
والغلط التانى انك حطيت المياه المقطره والكانزات بعد اول عمليه غسيل ... لازم تغسل مرتين كمان عشان كل الصدا يطلع
المطلوب من حضرتك انك هاتدور عربيتك وتفك خرطوم الراجع اللى جنب الرفرف على طول ... وتبدأ تزود ميه لغايه اما الخرطوم يجيب ميه معاك وبعدها تظبط عيار القربه اللى هو لغايه فوق النص بحاجه بسيطه وتعيد تغير الميه كمان يومين وتقولنا خرجت لونها ايه
ماتستعجلش على خروج الميه من خرطوم الراجع ... اهم حاجه القربه ما تفضاش وانت بتزود عشان الهوا ... وهى غالبا مش هاتبدأ تخرج ميه غير بعد حراره ٩٠
إن شاء الله تعمل كده وقولنا وباقى الخطوات اما تنظف تانى بأمر الله
تحياتى

اصلى لما عملت حوار الصدا ,, ملقتش عك كتير نزل و دة اللى طمنى . قفلت احط المية الخضرا على طول خصوصا انى مشغول الاسبوع دة و صعب انى اعمل الحوار دة تانى ..

دلوقتى انا عملت زى منتا قولت .. فكيت الخرطوم و سبت القربة مفتوحة لحد مالعربية سخنت و بعدين لقيت الخرطوم بدا بنزل مية كتير .. قمت حبسو و ركبتو مكانو و المية مقاسها مظبوط ..

فهل كدة صح ؟؟

بس انا حاسس انها لسة عايزة مية انا محطلهاش ال4 لتر كلهم .. هل كدة معناة ان لسة فى مية قديمة و اخدة مساحة ؟

و ازاى اتاكد ان الدورة مش واخدة هوا برضو بعد الحوار دة ؟

[ENG\AHMED]

- المية فى الاول منزلتش لأن الثرموستات كان قافل فابتقلب مية من الموتور
- لما سخنت والثرموستات فتح المية قلت
- انت كنت من الاول فضلت تزود مية خضرا لحد لما تلاقى المية اللى طالعة من خرطوم الراجع خضرا وبعدين تقفل انما دلوقتى هتلاقى كله اتخلط جوة

- بالنسبة لمستوى المية طالما المية عند نص القربة فا كده مظبوطة , مش هتقدر تحسبها اوى الا لو متأكد ان دايرو المية بالكامل فاضية تماما
- بالنسبة للهوا اقفل القربة وزود بنزين لحد لما المراوح تشتغل وافتح غطا القربة حاجة بسيطة هتلاقى صوت هوا خارج لحد لما تبدأ تجيب ميه اقفل الغطا .... كرر العملية دى مرتين تلاتة وخلاص

[Amr_650]

متشكرين اوى يا رجالة .. انا النهاردة و امبارح اتلسوعت و اتحرقت و اتظبط بصراحة من المية السخنة اللى كانت طالعة من الخراطيم .. بس فى الاخر عرفت اظبطها الحمد لله ..

كنت فى مشوار قى مصر الجديدة النهاردة فى عز الظهر و مشغل التكيف و بعدين لقيت العربية عند ال 92 -95 .
فكدة معناة انها سخنت فنزلت ابص على المراوح لقيت المروحة بتاعت الرادياتير واقفة ..

عديت على ميكانيكى لقيت السلك بتاعها اللى هما بيعملوة دة مهرى فركبلى سلك جديد اشتغلت و بالمرة قولتلو بص لو الدورة واخدة هوا .. طلعت مش واخدة :)))

يعنى اخيرا اتظبطت .. هسيب المية الخضرا دى كام شهر كدة و اعمل الحوار تانى .

متشكرين يا رجالة :)