الحقونى يا عباقرة الاوبل

[tito_amara2002]

اولا السلام عليكم ورحمة الله وبركاته
ندخل فى الموضوع
كنت قرأت موضوع عن كيفية تنظيف دورة المياه فقررت انى انظفها وبالفعل اتبعت كل الخطوات وغيرت الدورةونظفتها وحبيت امشى بالعربية بعد كدة وانا باسافر كل يوم125 كلم ذهاب وزيهم عودة والطريق من الطور لشرم مطالع جبلية وكدة كانت الحرارة على الطريق قبل ما انظف بتتراوح من 85 ل92 وفى المطالع الجبلية كانت ممكن توصل 97 بعد مانظفت دورة التبريد الحرارة عالية جدا وتتراوح من 95 ل 100 وفى المطالع الجبلية باضطر اقف علشان الحرارة بتوصل الحمر بالرغم من انى باسافر الساعة 12 بالليل والمياه مش بتقل والمراوح بتشتغل ومش عارف المشكلة فين

[dedo_ryo]

كده ممكن يكون في دوره التبريد هواء و ده اللي بيعمل كده ده لو مفيش تسريب او اي حاجه و للامان خدلها هواء من دوره التبريد و سؤال هو سائل التبريد اللي حضرتك حاطه نوعه ايه ؟

[eng.salama93]

أقل سبب ممكن يكون الهوا

[MaaM]

والعربية مبطلة افتح غطاء القربة براحة كدا ، لو سمعت صوت تنفيس يبقى فيه هواء في الدورة

[hossamalsadik]

دورة التبريد عندك وخدا هوا
ازاى تفرغ الهوا ؟
- تشيل خرطوم الراجع وتحطه داخل زجاجه ودور العربيه لحد ما تحس ان السائل ( سائل التبريد) بينزل من الخرطوم منتظم وليس متقطع
- تبطل العربيه وترجع تركيب الخرطوم مكانه
- السائل الى فى الزجاجه ترجعه تانى للقربة المياه وتغلقها بأحكام

اقفل الكبوت وأنطلق

ملاحظات :
أستخدم زجاجه واحد لتر
تأكد من مراوح الريداتير انها شغاله وبتفصل تمام

بالتوفيق

[Hesham.H]

حاول تاخد الهوا اللى فى دوره التبريد وتظبط مستوى مياه القربه

[tito_amara2002]

أخذت الهواء وكل شىء كما هو

[tito_amara2002]

هو ممكن يكون الريداتير مسدود؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ولو ماهى طريقة تنظيفه وياسلام لو فى موضوع مصور

[tito_amara2002]

شكرا لكل من ساهم وهاحاول اخد الهواء تانى

[hossamalsadik]

تنظيف دورة التبريد

بشكل عام ....
-لو العربيه فيها رادياتير فقط بدون قربه ميه زي البيجو وكل القديم ..هتحط في الرادياتير سائل التنظيف الخاص به او ممكن تستغني عنه وتحط 2 زجاجه خل مطبخ من اي ماركت وتشغل الموتور لما يسخن وبعد كده لما يبرد هتفك العصفوره بتاعه الرادياتير (الطبه) علشان تنزل الميه المصديه وتقفل وتبدا تملي ميه نظيفه .

-لو العربيه فيها دوره تبريد مغلقه زي معظم الجديد حط مزيل الصدا او الخل وبعد ماالعربيه تبرد شيل الخرطوم الرفيع اللي جاي من الرادياتير وداخل ع القربه وخرج بوزه لبره وحط ميه متدفقه من خرطوم في القربه نفسها والموتور شغال وبكده ميه الخرطوم هتحل محل الميه المصديه واللي هتخرج من بوز الخرطوم الرفيع اللي فكناه .يارب اكون افدتك ..

[tito_amara2002]

تنظيف دورة التبريد

انا عندى الدورة المغلقة وهو ده بالظبط اللى عملته بس مش عارف ايه سبب ارتفاع الحرارة المية مش بتنقص واخدت الهواء والمراوح شغالة ومفيش فايدة

[فادى محمد]

فك ترموستات الكوع ممكن يكون قافل علطول مش بيفتح وطبعا ده يعلي الحراره جدا.
فكه واختبره في البيت بوضعه في حله ميه بتغلي شوف هيفتح ولا لا؟
ده في حاله ان مفيش تسريب وانت متاكد من ده..

[hossamalsadik]

فك ترموستات الكوع ممكن يكون قافل علطول مش بيفتح وطبعا ده يعلي الحراره جدا.
فكه واختبره في البيت بوضعه في حله ميه بتغلي شوف هيفتح ولا لا؟
ده في حاله ان مفيش تسريب وانت متاكد من ده..

ده سبب مرجح جداااا

[almhandes]

انا عندى نفس المشكلة فى اوبل استرا 2005 كل ما افتح القربة الاقى هواء وحرارة العربية بتعلى
احاول اجرب الحلول دي وربنا يسهل
وشكرااااااااااااا