بجد محتار و احتمال افقد عقلي قريب

[meko0o]

لموضوع من الاول فاستحملوني شويه
"
كان معايا اوبل كورسا 98 و الحمد لله بعتها
و بدات حيره اشتري عربيه ايه انا مش مقتنع بالانوس ولا الفيرنا بحس انها عربيات علي ما تفرج فدورت و استقريت علي الاوبل كورسا السيدان(2003-2007)
دخلت علي النت اشوفها لقيت سعرها حلو بالنسبه لعربيه الماني و موديل عالي يعني احسن من 98 المهم روحت اتفرج علي واحده العربيه حلوه و عجبتني اكتر و تكيفها حلو بس طلع ت رشه شنب مش دي المشكله قلت اروح الفراهده علشان كان ليا فلوس عند واحد بتاع قطع غيار ايام العربيه فقلت اعدي و انا عنده بساله علي قطع غيار الكورسا استيراد لقيته بيقولي غااااااااااااااااااااااااااااااااااااااااااااااااا اااااااااااااااااااااااااااااااااااليه
وعملي قصيده نار يا حبيبي نار وبيقولي فيها كارته الدواره 3000 و الباب الامامي1200 و يقلي العربيه دي بتمن 3عربيات من التانيه عليه و ندي اخوه مكنش حاضر الكلام ساله عليه قال نفس الكلام استغربت لاني لما سالت هنا في المنتدي ردو عليا انها رخيصه مش معقده كان معايا واحد صاحبي يعرف واحد معاه العربيه دي طلبه ساله قاله مافي الخمر انها حوضها ضيق و لما بيحاول يصلح حاجه في المكنه لازم حاجه تانيه تبوظ و قطع الغيار الموجوده في السوق كلها مضروبه بجد زهقت لاني كنت حابب العربيه دي دلوقتي بقي انا مش عارف كلام مين الصح
و محتار اجيب عربيه ايه

بجد محتاج كل عضو عنده ولو حتي معلومه صغيره يفدني لاني بقيت محتااااااااااااااااااااااااااااااااااااااااااااار

[sniperfox]

بالنسبه اللي بيقول قطع الغيار غليه هو بيقرنها ب الكورسا 98 فطبيعي الاسترا فئه اعلي من الكورسا دي حاجه و الحاجه التانيه مينفعش اقارن اسعار عربيه موديل تسعينات بموديل الفينات اكيد حيكون فيه فرق ف السعر بحكم الفئه و الموديل ؟
مشكلت الحوض ديق و انه كل ميصلح حاجه حاجه تنيه تبوظ معلش ده كلام غلط علشان ممكن يكون بيصلح عند واحد مشفاهم شغله وبيعك في ف المنتدا هنا موضوع عن صنيعيت الاوبل تقدر تبص عليه
و في النهايه اقولك نصيحه قبل متشتري اكشف علي العربيه كويس في التوكيل او عند مقار لان الالماني عربيات ركوبه بس لو صحبها اللي حتشتري منه كان مهمل فيها حططلع عينك وتكفر سيئتك ف اكشف عليها كويس ابل متشتري ولو في حاجه ابعتلي وانا اروض عليك انشاء الله

[mohamed_rhem]

فعلا عربية حتتعبك كانت عندنا موديل 2002 الموتور الصغير مش ال 1600

دور علي حاجه ثاني

[ashourashour]

اولا هيا جي ام برازيلي مش الماني

ثانيا في موضوع مفصل عن العربيه دي في المنتدى دور عليه وانا عجبني جدا و متفق مع كلامه

اللي سألتهم دول لامؤاخذه

[meko0o]

بالنسبه اللي بيقول قطع الغيار غليه هو بيقرنها ب الكورسا 98 فطبيعي الاسترا فئه اعلي من الكورسا دي حاجه و الحاجه التانيه مينفعش اقارن اسعار عربيه موديل تسعينات بموديل الفينات اكيد حيكون فيه فرق ف السعر بحكم الفئه و الموديل ؟
مشكلت الحوض ديق و انه كل ميصلح حاجه حاجه تنيه تبوظ معلش ده كلام غلط علشان ممكن يكون بيصلح عند واحد مشفاهم شغله وبيعك في ف المنتدا هنا موضوع عن صنيعيت الاوبل تقدر تبص عليه
و في النهايه اقولك نصيحه قبل متشتري اكشف علي العربيه كويس في التوكيل او عند مقار لان الالماني عربيات ركوبه بس لو صحبها اللي حتشتري منه كان مهمل فيها حططلع عينك وتكفر سيئتك ف اكشف عليها كويس ابل متشتري ولو في حاجه ابعتلي وانا اروض عليك إن شاء الله

اولا شكرا لاهتمامك بالموضوع

ثانيا انا بتكلم علي الكورسا السيدان ال من2003-2007 مش الاستر


انا بازن الله نازل بكره اتفرج علي عربيه بس هوه مش عايز يوديها في حته قالي هاتل مكانيكي يتفرج عليها مش عارف اعمل ايه انا كلمت اكتر نت واحد علشان اكشف علي العربيه في التوكيل ما يرداش علشان معندوش وقت والي يقولي مش كل الي يجي ابهدل العربيه لف واضيع وقتي وفي الاخر ما يشتريش رايك ايه

[mexmarine]

العربيه دى موتور كويس فقط لاغير !! الجسم برازيلى و نسبة البارومه فيها عاليه و انا كنت رايح اشترى واحده و الكلام كان سنة 2009 و العربيه كانت 2006 و كانت عامله 35 الف كيلو و لاقيت فيها بارومه فى السقف!! و فيها مشاكل طلمبة البنزين ..خلاصة الكلام لو بتحن للأوبل شوف لك واحده استرا 2000 - 2002 حنينه و كويسه و المانى اللى هى موديل 2000 و موديل 2001-2002 اسبانى .. 1200 سى سى لكن عافيه و ممتازه ..المهم الحاله

[meko0o]

فعلا عربية حتتعبك كانت عندنا موديل 2002 الموتور الصغير مش ال 1600

دور علي حاجه ثاني

يا باشا انت بتتكلم علي الهاتش باك كان معايا واحده و مسقطلها ماتور1400 كانت حلوه الي انا بتكلم عليها دي من 2003-2007سيدان

[meko0o]

اولا هيا جي ام برازيلي مش الماني

ثانيا في موضوع مفصل عن العربيه دي في المنتدى دور عليه وانا عجبني جدا و متفق مع كلامه

اللي سألتهم دول لامؤاخذه

والله انا شوفت الموضيع دي وعجبتني و مالكتش عيب فيها غير تغير دسك و اسطوانه

[meko0o]

العربيه دى موتور كويس فقط لاغير !! الجسم برازيلى و نسبة البارومه فيها عاليه و انا كنت رايح اشترى واحده و الكلام كان سنة 2009 و العربيه كانت 2006 و كانت عامله 35 الف كيلو و لاقيت فيها بارومه فى السقف!! و فيها مشاكل طلمبة البنزين ..خلاصة الكلام لو بتحن للأوبل شوف لك واحده استرا 2000 - 2002 حنينه و كويسه و المانى اللى هى موديل 2000 و موديل 2001-2002 اسبانى .. 1200 سى سى لكن عافيه و ممتازه ..المهم الحاله

طيب كل العربيات فيها برومه ولا الي انت شفتها حاله خاصه لانها كانت مع واحد قريبي كانت زي الفل

[المنسي]

بعد اذن صاحب الموضوع هتابع معاك لانى فى مرحلة التفكير فى العربية الكورسا موديل 2007

[meko0o]

بعد اذن صاحب الموضوع هتابع معاك لانى فى مرحلة التفكير فى العربية الكورسا موديل 2007

يا باشا تنور و ربنا يزيد ويبارك في ملاكها علشان نتشارك خبرتنا فيها علي العموم انا باذن الله حخلص في واحده يوم الاحد 2004 و باذن الله حقولكم علي تجربتي معاها

[amrelsaqqa]

ما تركب لانسر كرستالة ، وماتقولليش يابانى واوروبى
الكورسا مش الاوربى اللى بالك فيه عشان تبقى عارف ....

[المنسي]

يا باشا تنور و ربنا يزيد ويبارك في ملاكها علشان نتشارك خبرتنا فيها علي العموم انا باذن الله حخلص في واحده يوم الاحد 2004 و باذن الله حقولكم علي تجربتي معاها

اولا الف مبروك مقدما وثانيا فى انتظار تقريرك ومتنساش تقول على كام هتخلصها

[meko0o]

ما تركب لانسر كرستالة ، وماتقولليش يابانى واوروبى
الكورسا مش الاوربى اللى بالك فيه عشان تبقى عارف ....

الكرستاله حلوه مافيش كلام
بس هيا موديل قديم

انا كنت محتاج عربيه موديل عالي و تكون اوربي
انا عارف انها برازيلي بس علي الاقل احسن من الفيرنا و الدايو صح ولا انا غاطان

[amrelsaqqa]

الكرستاله حلوه مافيش كلام
بس هيا موديل قديم

انا كنت محتاج عربيه موديل عالي و تكون اوربي
انا عارف انها برازيلي بس علي الاقل احسن من الفيرنا و الدايو صح ولا انا غاطان

هى احسن من الفيرنا والدايو طبعا في الركوبة بس ليها مشاكلها برضه
مشاكلها المتكررة تتمثل في تغيير طقم الدبرياج كل فترة قصيرة و كسر عمود الكامة في الموتور !
ودى اتكررت فعلا مع ناس كتير

ربنا يوفقك للى فيه الخير ، هى عربية حلوة اجمالا