الباشا طناني (تجربتي الصغيرة )

[pilot544]

بداية الراجل ده بيخدم ومش منتظر حاجة بأمانة ربنا !!
الموضوع كالتاتي
العفشة عندي متدمرة... فقولت اروح اظبط العفشة وعمل سيرقيس وأطمن على العربية, روحت المركز بتاع الأستاذ طناني ( ماسترز اوتو) في المعادي والحق يتقال: المركز باين عليه ان الناس اللي فيه فهمة, المهم روحنا جربنا العربية وقالي على كذا حاجة عيزة تتغير, واتفقت اروح بعديها بيومين علشان نبتدي الشغل
ملوحظة بقى: على الرغم اني معرفش الرجل ده قبل كده لكن كل ما كنت اتصل أسأل على حاجة, الراجل ميبخلش علية في الرد, ومش بس كده, كمان بيقول كلام مظبوط مش زي الفتي بتوع الميكانيكية !!
والراجل فعلن مبيتأخرش
وفي انتظار انشاء الله تظبيط العفشة والتكيف عند الباشا طناني !!

[hagagatc]

الاستاذ طناني رجل ولا كل الرجال فعلا كلامك مظبوط كلنا كلمناه وعمره متاخر علينا في معلومه او انشاء الله لازم يكون ليه زياره حتي لو مفيش شغل في العربيه برغم ان المشوار بعيد علي شويه بس حجيلك يا طنطن

[ayman hamdy]

فعلا الاستاذ محمد من الناس المحترمة جدا قولا وفعلا وخدوم لوجه الله تعالى علشان كدة ان شاء الله ربنا هيكرمه اخر كرم وتحياتى لك يا استاذ محمد وربنا يوفقك يا رب

[m7med_dola]

ربنا يكرمو و يديلو علي قد نيتة

[cayman69300]

الحاجة الجميلة اللى فية كصاحب مركز
انه مبيرضاش يغيير اى حاجة كويسة - الا بعد ضغط علية - تخيلوا ان صاحي العربية هو اللى يضغط علية علشان يرضى يغيير
يااااااااااااااه
دا احنا اتظبطنا من الصنايعية
اقسم بالله لو عندى الخبرة دى فى العربية كنت وفرت فوق الـ 10000 جنية اشتغالات
ربنا يسامحهم

[meko0o]

بداية الراجل ده بيخدم ومش منتظر حاجة بأمانة ربنا !!
الموضوع كالتاتي :c_laugh[1]:
العفشة عندي متدمرة... فقولت اروح اظبط العفشة وعمل سيرقيس وأطمن على العربية, روحت المركز بتاع الأستاذ طناني ( ماسترز اوتو) في المعادي والحق يتقال: المركز باين عليه ان الناس اللي فيه فهمة, المهم روحنا جربنا العربية وقالي على كذا حاجة عيزة تتغير, واتفقت اروح بعديها بيومين علشان نبتدي الشغل
ملوحظة بقى: على الرغم اني معرفش الرجل ده قبل كده لكن كل ما كنت اتصل أسأل على حاجة, الراجل ميبخلش علية في الرد, ومش بس كده, كمان بيقول كلام مظبوط مش زي الفتي بتوع الميكانيكية !!
والراجل فعلن مبيتأخرش
وفي انتظار إن شاء الله تظبيط العفشة والتكيف عند الباشا طناني !!

والله انا محصليش الشرف و اني اقابله بس بجد كل اعضاء المنتدي بتشكر في زوقه و خبرته في العربيات ومش بيبخل علي حد بالمعلومات

[ahmed.tayeh]

فعلا والله راجل محترم جداااااااااااااااا وعلي الرغم من اني ماتعملتش معاه قبل كدة بس والله كل ما اتصل بيه في التليفون عشان اي استفسار كان بيجاوبني بمنتهي الذوق والاحترام وان شاء الله انا رايحله بكرة السبت عشان اظبط حبة حاجات في العربية

[Dent86]

يا جماعه حد يقولى المركز فين ومحتاج رقم التليفون

[tananybasha]

يا جماعه حد يقولى المركز فين ومحتاج رقم التليفون

ربنا يخليكم
و عنوان المركز 27 شارع 105 المعادى
01003222021

[amgad saada]

ربنا يخليكم
و عنوان المركز 27 شارع 105 المعادى
01003222021

واضح من كلام كل الأعضاء ان حضرتك انسان خلوق ومحترم والواحد بصراحه يتشرف بمعرفتك .....

بس استفسار صغير .... حضرتك مفيش مركز صيانه ليك فى الجيزه قريب من الهرم أو فيصل ؟؟؟؟؟ أصل أنا ماعرفش أى حاجه فى المعادى بصراحه .

أنا بصراحه لسه شارى عربيه (opel astra 2004 1600cc A/T ) قريب وفيها شوية حاجات كده عاوزه تتظبط منها ( بغير لها تيل اكتر ما بحط بنزين - وكمان بترعش عند سرعة 120 - ولمبة ( ABS ) بتنور ساعات مع انى لسه مغير سرة العجله اليمين قدام من حوالى 3 شهور ) هى بصراحه العربيه زى الفل فى المشى ما عدا الحاجات دى لدرجة انها خنقتنى وعاوز اغيرها ......