خرط طنابير الفرامل

[gomgom3]

اول حاجه السلام علي كل الرجاله المحترمه الي هنا
دلوقتي الطنابير عندي حاسس خلاصانه في واحد صاحبي مهندس ميكانيكي هو
قالي دة بئا ليها شفه وعايزه تتخرط
الشفه ديه حولان داير الطنبوره من بره كدة عند الحدود بتاعت تيل الفرامل
المهم قالي انها عايزه تتخرط وترجع تمام
ايه موضوع الخرط دة والجديد منها بكام
موضوع الي هنا علي المنتدي اسعار فطع الغيار لقيت زميل كاتب الطنابير الاماي 200 ج sk
بس معرفتش الجوز ولا الواحده ب 200
ويارت تيل الفرامل محترم
عشان غلبت من المضروب الي بيصفر وبيهبب الجنظ دة

[mohamedbook]

انا شاري الجوز الماني للفولكس بورا بمسطرات الفرامل بتيل الفرامل كان لسة جديد كانوا ب 300ج
رغم ان الطنابير جديدة لوحدها ب 1100ج
وتيل الفرامل تمنة 350ج
والمسطرات مش عارف تمنها جديد كام
انصحك هات جوز دوشم كاملين المساعدين مع الطنابير مع المسطرات تكون نازلة من عربية استيراد حالتهم حلوة هما عندي يعملوا 700ج الجوز
وبكده تريح دماغك من كل حاجة ولا خرط ولا غيرة لانك مهما خرط هتوصل لسمك مينفعش عنده الخرط وبالتالي هتحتاج تغير الطنابير

[Mohamed Fahmy]

اول حاجه السلام علي كل الرجاله المحترمه الي هنا
دلوقتي الطنابير عندي حاسس خلاصانه في واحد صاحبي مهندس ميكانيكي هو
قالي دة بئا ليها شفه وعايزه تتخرط
الشفه ديه حولان داير الطنبوره من بره كدة عند الحدود بتاعت تيل الفرامل
المهم قالي انها عايزه تتخرط وترجع تمام
ايه موضوع الخرط دة والجديد منها بكام
موضوع الي هنا علي المنتدي اسعار فطع الغيار لقيت زميل كاتب الطنابير الاماي 200 ج sk
بس معرفتش الجوز ولا الواحده ب 200
ويارت تيل الفرامل محترم
عشان غلبت من المضروب الي بيصفر وبيهبب الجنظ دة

فى كل الأحوال أن يأقلق من خرط الطنابير لأنها بتضعف الطنبورة علشان بتاكل منها طبعا فى المخرطة .. جوز الطنابير فى الكورسا سيدان فى ش المرسيدس بالحرفيين كان عامل حوالى 330 جنية و تيل الفرامل أمامى أنا إشتريته الشهر إللى فات بـ 180 جنية ماركة ريمسا أسبانى و كان فيه تركى بـ 150 جنية و تيل خلفى ريمسا أسبانى 190 جنية

[Hesham.H]

الخرط مافيش منه مشكله طالما الطنابير عندك كويسه .. لانه بيخرط الجزء الزائد فقط اللى فوق التيل على طول
انا عملتها عندى من شهر لما غيرت تيل خلفى

[فادى محمد]

بيبقي في علامه في الطنبوره بيتعرف منها لسه ممكن نخرط ولا خلاص لازم نغير ..
الجديد ب300ج وطالع
التيل دور علي نوع اسمه روود هاوس . ممتاز

[Amr_650]

غير على طول و ريح نفسك .، انا لسه جايبهم ب ٢٢٠ sk المانى

[gomgom3]

وانا اعرف من اين موضوع العلامه دة الي علي الطنبورة
انا غالبا ان شاء الله اما انزل الحرفين هجيب جديد بس خايف ليكونوا ضعاف ويتاكلوا بسرعه

[hagagatc]

بيبقي في علامه في الطنبوره بيتعرف منها لسه ممكن نخرط ولا خلاص لازم نغير ..
الجديد ب300ج وطالع
التيل دور علي نوع اسمه روود هاوس . ممتاز

هل التيل ده بيصفر

[فادى محمد]

هل التيل ده بيصفر

لا خالص

[hagagatc]

لا خالص

والله يا فادي باشا انا مركبه عندي وكنت جايبه ب 200 جنيه ومزال بيصفر مش عارف هو ركبلي نوع تاني ولا ايه من عند مركز الشيخ هيثم هل بيبقي محفور عاليه الماركه

[Hesham.H]

والله يا فادي باشا انا مركبه عندي وكنت جايبه ب 200 جنيه ومزال بيصفر مش عارف هو ركبلي نوع تاني ولا ايه من عند مركز الشيخ هيثم هل بيبقي محفور عاليه الماركه

الرود هاوس جبته بعد ما كلمت فادى وشكرلى فيه ... بصراحه تيل محترم جدااا ومش بيصفر خااااالص
هو بينزل سواد ( هباب ) وده عادى
مش عارف بيصفر ليه عندك

[ahm_fa2002]

السلام عليكم
بالنسبة للخرط انا منصح بيه عن تجربة بيبهدل السيارة لما تيجي تمسك فرامل بتلاقي العربية بتترجرج والفرامل نفس الشيء بتلاقي دواسة الفرامل بتطلع وتنزل تحت رجليك وده يبقي من المخرطة مبيعرفش يخرط الطنابير بنفس القيمة بيبقي فيه عالي وواطي
ارجو اكون فدتك بشيء
احمد