شويةحاجات من التوفيقية

[MaaM]

امبارح عديت على التوفيقية وقولت اما انزل اجيب كلاكس بـ 65 ولا 80 جنيه لاقيت نفسي صارف فوق الـ 450 جنيه ، فعشان كدا يفضل لأي حد يروح التوفيقية انه يحط في جيبه فلوس الحاجة اللي رايح عليها بالظبط

واللي اشتريته :
- كوريك التمساح 2 طن بـ 150 جنيه
- غطاء عربية وواتر بروف بـ 150 جنيه
- كلاكس ميسكو بـ 89 جنيه
- كابلين بطارية بـ 65 جنيه
- فرش طابلوه اسود قطيفة بـ 12 جنيه ، وعمال يتزحلق كل شوية فبرميه ورا !

[akmm]

مبروك وفعلا الفلوس نخليها على الاد ولكن نعمل حساب مبلغ تانى يكون معاك لظروف العوده .

[Hesham.H]

ههههههههههه انا عملت زيك يوم السبت اللى فات ودخلت فى ٤٥٠ جنيه
بس أحلى حاجه جبتها يومها كانت طقم الستاير الكبس السوداء ... عامله منظر حلو للعربيه

[MaaM]

كنت هاجبها بس قولت اخليها المرة الجاية
بالنسبالي اللي بتنزل مع الازاز أحسن

[Amr_650]

- فرش طابلوه اسود قطيفة بـ 12 جنيه ، وعمال يتزحلق كل شوية فبرميه ورا !

لولللل .. تعسيفة على الفاضى .

يا بية طابلوة الفكترا بعد مغسلتو كيماوىى .. بقى تحفة و بيبرق ماشاء الله .. جرب و ادعيلى

[MaaM]

ههههه ماهو ده اللي مخليني احط عليه فرش بسبب انه بيلمع لأنه عامل عاكس في المرايا ومش بشوف الطريق منه

[Mostafa.Ismail]

طيب الكلاكس الميسكو دة صوتة حلو؟ يعنى قريب من الاسترا كدة؟

[MaaM]

قريب منه شوية
كنت اشتريت قبل كدا كلاكس للاسترا وطلع نفس القديم بالظبط هابقى ابصلك على العلبة لأن تقريبا كذا نوع/اسم مختلف على العلبة لكن نفس الاسم على الكلاكس "kakaxcar" فرنساوي

[Mostafa.Ismail]

شكرا :)

[محمود الشافعى]

ههههههههههه انا عملت زيك يوم السبت اللى فات ودخلت فى ٤٥٠ جنيه
بس أحلى حاجه جبتها يومها كانت طقم الستاير الكبس السوداء ... عامله منظر حلو للعربيه

مبروك بس الستاير بكام واسم المحل