زيت الفتيس ناقص

[medo111]

امبارح العربيه كانت بتمشي تالت بس ولمبه زرار ال s مش بتنور ابطل العربيه وادورها ترجع طبيعيه لقيت الزيت ناقص بس مش عارف ناقص ليه هل ممكن يكون بيتبخر ؟
مش هو مفروض يبقي عند الماكس ؟
عندي حاجه تانيه مش عارف سببها لما بكسر الدركسيون شمال للاخر وانا بلف مثلا بحس ان العجلتين زويتهم مش زي بعض بحس ان العجله اليمين كاسره زياده حتي بسمع صوتها واحس انها بتزحف او مجروره بس الزوايا مظبوطه ظابطها قريب

[medo111]

الفتيس اوتوماتيك

[saddam]

صديقي المواطن نعم زيت الفتيس ممكن يتبخر بس بنسب بسيطة وغالبا حتلاقي رشح بسيط من مكان إنت مش شايفه بس الفتيس بيتفحص والعربية دايرة وسخنة مش وهي مبطلة.زوده عادي بس نوع مفتخر لا يقل سعره عن 50 جنيه أما موضوع الزوايا فتروح تظبطها عند حد تاتي عشان أحيانا من تحت بدل ميفك الدركسيون ويعدله من فوق فيعدلو من تحت توفيرا للوقت والجهد ومش عايز يتعب نفسو فيلعب في الخلوص من تحت أكثر من اللازم مما يؤدي حتلف جهة أكبر من الجهة الثانية بفرق بسيط ولا تقلق مشاكلك بسيطة ودمتم للنضال

[cayman69300]

بص يا باشا
خلى بالك - مقاس الزيت للفتيس فى علامتين
العلامة الاولى و هى ناحية درجة الحرارة الاقل و هتلاقى رقم قليل عليها تقريبا 20
العلامة التانية و دى على الناحية التانية من المقاس و بتبقى تقريبا 80
احس طريقة لقياس الزيت
الصبح تتشطف و تفطر و تنزل تفتح العربية و تفتح الكبود
و تدور و تروح ساحب المقاس و تنشفة بفوطة نضيفة و تحطة تانية و تسحبة و تشوف الزيت واصل على العلاقة الاولى لغاية فين ( العلامة اللى بتكون على 20 و هى تعنى ان العربية باردة )
لو الزيت موجود بحد مسموح يبقى انت كدة بيس
لو اقل يبقى تزودها نص كيلو و شوف تانى يوم
و النص كيلو مش هيخرب الدنيا معاك

[medo111]

انا شفت المقاس كان علي العلامه الي مكتوب عليها ماكس هل كدا مظبوط؟؟؟