مرحبا بيا فى عالم الاوبلاويه

[karim elhawary]

بسم الامه

قررنا نحن المهندس كريم الهوارى التخلى عن 128 اللعينه وتتطليقها طلاق ثلاثى الابعاد على ان يكون مصيرها الركنه تحت البيت مع حظر تجوال شامل عليها

وبعد مدفعنا دم قلبنا قررنا ان ندخل عالم الاوبل والسيرات اللى فيها سينسورز
ب opel vectra A 2000 cc model 1996 Manual gear
وعليه

الفرق شاسع
128
تلات سنين مشفتش العداد وصل 100 كم / ساعه
اكل المطب فى عمودى الفقرى النور مش موجود عادى مطلع على 30 والموتو بينحر طبيعى
مفيش اسبوع اما ميكانيكى او كهربائى او عفشجى بوهيجى سمكرى مش فاكر اسبوع مقضتش فيه الراحه الاسبوعيه عن واحد من دول بدفع قليل بس قليل مع قليل يجمع
الفكترا
4 شهور مروحتش فيهم اى حته مشاوير سفرى 100 فل و 19
اكتشفت ان 140 كم/ساعه مع اول مره اركبها شىء طبيعى
انك تاخد المطب على التالت والعربيه تقوم مفيهاش حاجه
ابقى مسافر على طريق الكريمات 190 الى 200 والاربع عجلات على الارض شىء مذهل بس عادى
تكيفك سماعاتك كستك تامر عاشورك ازازك كهربتاك وضع الكرسى فى 4 محاور نورك ولا تعبأ بالاخرين ممكن
لكن الحلو ميكملش
بعد حوالى 5000 كم من مشاوير وسفر ظهرت الفاجعه الكبرى

بربريز امامى مكسور فردتين كاوتش متهالكين تكيف انتحر تزيق فى العفشه اليمين يالهوى يالهو العربيه بتسخن دخنه بيضه عند الدواره الصبح ولما بقرص على الماتورالاكصدامين بقو معوقين
عايزين نعمل الصح قاللك حسام اوبل صقر قريش برنس وهما هما قاللوللك اصل الشيخ هيثم فى الحرفيين تمام التمام بردوا طيب

وعليه تم الاتى
الطلعه الاولى
1- بطاحه يمين مساعد امامى 75 ج
2-بطاحه يمين وسوسته مساعد خلفى 225 ج
3 تيل فرامل 130 ج لا المانى ولا راح حتى هجره غير شرعيه بيصفر لما خرم ودنى
4- 200 ج مصنعيه
الطلعه التانيه
1- سنكرى ثبت الاكصدامين 100 ج
الطلعه التالته
1- راديتير صينى 450ج خلص 420
2- كهربائى انوار ومراوح وكتاوت وعك ازلى وفردتين كلاكس تركى 200 ج بالبضاعه
الطلعه الرابعه
1- طقم اصلاح كمبريسور 350 ج
2- شحن وخلافه 150 ج
3- مقاومه سرعات 250 ج
4- سويتش فصل الكمبريسور لعدم وجود فريون 250 ج
الطلعه الخامسه
1- فردتين كوتش 2*460 لاسا تركى + 40 ترصيص+50 ظبط زاوايا
الطلعه السادسه
1- بطاريه جافه 66 امبير 450 والقديمه
الطلعه السابعه
بربريز امامى 350 ج
الطلعه التامنه
اشوف الدخه دى بقى

الله يكرمه ابو السماسم 1- عمره يا باشا 4000 ج قبل ما نشتغل يبقو فى جيبك
الله يكرمه بردوا ابو السماسم 2- يا باشا اصل البلوك عنك 2000 والوش 1600 والتوزيع 1600 بيركب بقى 2 جوان وش عشان يظبط والجوان طحن كده 1000 ج
الله يكرمه بردوا ابو السماسم 3- قاللك ايه بقه مش هى عند الدواره ولما بتقرص هى يا نجم كاوتش صباب 125 ج وجوان وش واحد 240 ج ونأخر الكتينه سنتين

وبعد العك اللى فوق ده معرفتش اعمل ايه بقى احط امارات مصر 3000 واغيره على 1000 عشان الزيت مينقصش ودمتم لحد ما الاقى حد يقنعنى بالصح
وقررت اتباع السياسه الامريكيه If it is not broken don't fix it

[tananybasha]

هههههههههههه
الف مبروك
و ربنا يكرمك فيها

[karim elhawary]

نسيت

نسيت اقلوكو على الطلعه بتاعت النحاسه المعفنه اللى تحت الطاره اللى بتشغل النور العالى الرعاش والكلاكس الريس حمو جبهالى ب 100 جندى و10 جنيه خراط لزوم الفك والتركيب

ايه رأيكوا فى الدوامه اللى دخلتها وهل كنت زبون ولا نص زبون

والدخنه دى بقى اسيبها وامشى زى ما انا ماشى ولا ايه مع العلم انها مش مأثره معايا فى اى حاجه حتى الان
ولكم منى افضل التحيه

[karim elhawary]

طنانى باشا ربنا يعزك ان شاء الله ميرسى على الرد
انا بقالى 3 ساعات بتصفح المنتدى لحد صفحه 51 بس
وسمعت كثير من الاستغاثات بأسمك وانت ومستر فادى
ايه رايك فى اللى انافيه ده

[tananybasha]

انا اسف فى الكلمة
بلغة الصنايعية
انت زبون سوقع

بص يا باشا
موضوع الموتور ده غريب
بلوك 2000 سى سى ركب عليه وش 1600
ده يبقى عبقرى
دى حاجة جديده

لو فيها تعب ليك
و من غير اى تكاليف عليك
اكشف عليها فى المركز عندى ده بعد اذنك يعنى
و اللى فيها بامانة ربنا هاقولك عليه و تشوف تعمله عند اضمن واحد ليك

[karim elhawary]

حبيبى ان شاء الله هجيللك اول الشهر عشان خارجين من عيد وخلافه
انا قريت موضوع المركز ده قريب اوى من بيت العيله عندنا انا اصلا من احمد زكى عند بنزينه اسو و 105 مش بعيد عنى

[karim elhawary]

عارف كمان انا اصلا مهندس ميكانيكا بس مكنتش بزاكر ايام الجامعه هههههههههه
لا لا انا بتاع ميكانيكا انتاج مصانع ومكن بس

[tananybasha]

تشرف يا باشا
و تنور

[saddam]

مبروك.يا صديقي المواطن بس طلعة غير متوقعة من 128 إلى أوبل ده إنت عديت كباري ومراحل كتيييير من 128 العرة حتى وصلت فيكترا ربنا يوفقك ودمتم للنضال

[karim elhawary]

ايها الرفيق العزيز صدام هل تعلم ان لغرابه القدر و الفكر المصرى المتعفن
ان اوبل فكتر 96 بسعر شاهين نضيفه 97 او 98 بسر دايو لانوس 2000 او 2001 معفنه

انا كان معايا الفلوس وقعدت ادرس السوق 6 شهور مش كل يوم الواحد هيشتر عربيه