محتااااااااااااااااااااار أخونا

[ويكا المصرى]

السلام عليكم ,,, يا رجالة الاوبل كنت عايز استفيد من حضرتكم الايام دى كنت بدور ع عربيه بس محتار ما بيين الاوبل خصوصا بين الكورسا و الفيكترا خصوصا ان تقريبا سعر الاوبل فيكترا من 97-2000 تقريبا نفس سعر الاوبل كورسا سيدان موديل 2005 و خوصا انى بعشق الاوبل عموما و نفس السعر تقريبا ممكن يجيب عربية جيبن تو موديل من 2005:2007 و فعلا المقارنة انا شايفه صعبة و كنت اعايز استفيد من خبرة حضراتكم خصوصا و انى نفسى فى عربية سهلة متتعبنيش ان شاء الله و مشوارى كل يوم من الجيزة للتجمع و اكبر خبرة ليه بالعربيات هى فيات 132

[Ahmed_Mega]

الاوبل فيكترا لسهولة التعامل وقطع الغيار وابعد عن الكورسا
جين تو قلة قطع غيار لكن اداء ممتاز
وجهة نظر الفيكترا

[MaaM]

انت معاك كام ؟
انت راجل صاحب مزاج ولا مش فاضي ؟
واجابة السؤال التاني
- لو انت صاحب مزاج هات أوبل
- لو مش فاضي ابعد عن الأوبل
ومافيش اختيار منهم يعيب صاحبه

[islamhossam]

انت معاك كام ؟
انت راجل صاحب مزاج ولا مش فاضي ؟
واجابة السؤال التاني
- لو انت صاحب مزاج هات أوبل
- لو مش فاضي ابعد عن الأوبل
ومافيش اختيار منهم يعيب صاحبه

معلش يا باشا بس يعني ايه لو مش فاضي ابعد عن الاوبل ؟؟؟

[MaaM]

الأوبل ياباشا مرض ، عايز تفرح بيها لازم تعاملها أكنها عيل من عيالك
هحكيلك باختصار على اللي بعمله عشان دا مش قانون وكل واحد وليه وجهة نظر

لما بروح عند ميكانيكي أوبل بفضل واقف معاه خطوة بخطوة ينام تحت العربية انزل معاه تحت واقعد اتفرج ولما يقولي عايزة كذا واروح اشتري ، اسئل بتوع الغيار عندك الحتة الفلانية ؟ اه ، طاب نوعها ايه وبكام واشتري اللي قلبي ارتاحلها انها أصلي أو ماركة نضيفة (كلمة الماني مابتأثرش معايا لازم اعرف ماركتها ايه يعني ممكن أشتري نوع ماركة تركي ولا اشتري نوع مالوش ملة ألماني)

دا غير المنتدى اللي هاريه بحث وأسئلة ليل ونهار واٌقرا في اللي بدور عليه واللي مش بدور عليه و اديني بستفاد

حطيتلك تحت ميكانيكي أوبل خط
ماينفعش اروح لميكانيكي لمجرد حاطط يفطة مكتوب عليها اوبل ، لازم أسئل عنه الأول أو ناس كانت قالتلي عليه
وحتى لما أروحله مرة والتانية ، بيشتغل بايده ؟ طاب عنده صنايعي شاطر ؟
فيه أسامي مشهورة هنا في المنتدى ذكرت وهى صيت على الفاضي وفيه منهم بقى باشا وحاطط رجل على رجل

انا من عزبة النخل الشرقية وروحت لمحمد طناني في المعادي (مشوار ابن لذين) لمجرد اني عايز اعمل سيرفيس للعربية ! سيرفيس يعني اي صنايعي اوبل يعمله عادي ، ولكن عشان واثق في الراجل روحتله والمشوار جيه بفايدة
كنت حاطط 1000جنيه في جيبي ، خلاني أصرف 50 جنيه ! وانا عمال اتحايل عليه يغيرلي أي حاجة في العربية

وعندك كريم عضو معانا هنا في المنتدى كان بيسافر من الزقازيق للقاهرة عشان صوت عبيط في العربية

فلو انت مش من النوعية ديه (وده لا ينقص شئ البتة من احترامك وتقديرك) ومن النوع اللي تودي العربية عند اي ميكانيكي وتقعد تشرب شاي لغاية أما العربية تستلمها وانت زي الباشا وتجيب قطع الغيار من البقال اللي جنب البيت ، فنصيحة لوجه الله ابعد عن الأوبل وامثالها

انا نفسي أعمل كدا بس مش قادر ، عشان كد قولتلك في الأول انها مرض

حاولت اختصرلك على قد ما أقدر لأن الأمثلة اللي عندي عايزلها صفحات :)

ملحوظة:
الكلام هنا عن فئة معينة من العربيات والحالة المادية في نفس الوقت ، يعني لا ينطبق على الناس اللي بتصلح عربياتها في التوكيل سواء أوبل أو غيره

[aw2100]

الأوبل ياباشا مرض ، عايز تفرح بيها لازم تعاملها أكنها عيل من عيالك
هحكيلك باختصار على اللي بعمله عشان دا مش قانون وكل واحد وليه وجهة نظر

لما بروح عند ميكانيكي أوبل بفضل واقف معاه خطوة بخطوة ينام تحت العربية انزل معاه تحت واقعد اتفرج ولما يقولي عايزة كذا واروح اشتري ، اسئل بتوع الغيار عندك الحتة الفلانية ؟ اه ، طاب نوعها ايه وبكام واشتري اللي قلبي ارتاحلها انها أصلي أو ماركة نضيفة (كلمة الماني مابتأثرش معايا لازم اعرف ماركتها ايه يعني ممكن أشتري نوع ماركة تركي ولا اشتري نوع مالوش ملة ألماني)

دا غير المنتدى اللي هاريه بحث وأسئلة ليل ونهار واٌقرا في اللي بدور عليه واللي مش بدور عليه و اديني بستفاد

حطيتلك تحت ميكانيكي أوبل خط
ماينفعش اروح لميكانيكي لمجرد حاطط يفطة مكتوب عليها اوبل ، لازم أسئل عنه الأول أو ناس كانت قالتلي عليه
وحتى لما أروحله مرة والتانية ، بيشتغل بايده ؟ طاب عنده صنايعي شاطر ؟
فيه أسامي مشهورة هنا في المنتدى ذكرت وهى صيت على الفاضي وفيه منهم بقى باشا وحاطط رجل على رجل

انا من عزبة النخل الشرقية وروحت لمحمد طناني في المعادي (مشوار ابن لذين) لمجرد اني عايز اعمل سيرفيس للعربية ! سيرفيس يعني اي صنايعي اوبل يعمله عادي ، ولكن عشان واثق في الراجل روحتله والمشوار جيه بفايدة
كنت حاطط 1000جنيه في جيبي ، خلاني أصرف 50 جنيه ! وانا عمال اتحايل عليه يغيرلي أي حاجة في العربية

وعندك كريم عضو معانا هنا في المنتدى كان بيسافر من الزقازيق للقاهرة عشان صوت عبيط في العربية

فلو انت مش من النوعية ديه (وده لا ينقص شئ البتة من احترامك وتقديرك) ومن النوع اللي تودي العربية عند اي ميكانيكي وتقعد تشرب شاي لغاية أما العربية تستلمها وانت زي الباشا وتجيب قطع الغيار من البقال اللي جنب البيت ، فنصيحة لوجه الله ابعد عن الأوبل وامثالها

انا نفسي أعمل كدا بس مش قادر ، عشان كد قولتلك في الأول انها مرض

حاولت اختصرلك على قد ما أقدر لأن الأمثلة اللي عندي عايزلها صفحات :)

ملحوظة:
الكلام هنا عن فئة معينة من العربيات والحالة المادية في نفس الوقت ، يعني لا ينطبق على الناس اللي بتصلح عربياتها في التوكيل سواء أوبل أو غيره

كلنا كده ياباشا ده طبع فى الأنسان خصوصا لو فاهم فى الميكانيكا والعربيات وده طبعا بيتعب ويخنق اى ميكانيكى حرامى او غشاش لكن فى الأخر انت بتكسب خبرة فى عربيتك وبتطمن للشغل ونوعية قطعة الغيار اللى بتركب وده لكل انواع وموديلات العربيات مش الأوبل بس تحياتى زميل الكفاح !!

[saddam]

صديقي المواطن
اﻹجابة فكترا وإبعد عن الكورسا أما الجين 2 فتعقيداتها أقل لكن الفيكترا أوقر و اأركز

ودمتم للنضال

[ويكا المصرى]

بجد شكرا لردود حضراتكم جميعاً .... انا برضو بفضل الاوبل فيكترا اكتر بس فى ناس قالولى انها بتسخن و مشكلها اكتر بكتيير من الجين تو و طبعا اكيد السبب اللى اى حد بيقولة لما بيتسال ع الالمانى ابعد عنها عشان قطع غيارها نااااااااااار و مش متوفرة

[Tiar]

الأوبل ياباشا مرض ، عايز تفرح بيها لازم تعاملها أكنها عيل من عيالك
هحكيلك باختصار على اللي بعمله عشان دا مش قانون وكل واحد وليه وجهة نظر

لما بروح عند ميكانيكي أوبل بفضل واقف معاه خطوة بخطوة ينام تحت العربية انزل معاه تحت واقعد اتفرج ولما يقولي عايزة كذا واروح اشتري ، اسئل بتوع الغيار عندك الحتة الفلانية ؟ اه ، طاب نوعها ايه وبكام واشتري اللي قلبي ارتاحلها انها أصلي أو ماركة نضيفة (كلمة الماني مابتأثرش معايا لازم اعرف ماركتها ايه يعني ممكن أشتري نوع ماركة تركي ولا اشتري نوع مالوش ملة ألماني)

دا غير المنتدى اللي هاريه بحث وأسئلة ليل ونهار واٌقرا في اللي بدور عليه واللي مش بدور عليه و اديني بستفاد

حطيتلك تحت ميكانيكي أوبل خط
ماينفعش اروح لميكانيكي لمجرد حاطط يفطة مكتوب عليها اوبل ، لازم أسئل عنه الأول أو ناس كانت قالتلي عليه
وحتى لما أروحله مرة والتانية ، بيشتغل بايده ؟ طاب عنده صنايعي شاطر ؟
فيه أسامي مشهورة هنا في المنتدى ذكرت وهى صيت على الفاضي وفيه منهم بقى باشا وحاطط رجل على رجل

انا من عزبة النخل الشرقية وروحت لمحمد طناني في المعادي (مشوار ابن لذين) لمجرد اني عايز اعمل سيرفيس للعربية ! سيرفيس يعني اي صنايعي اوبل يعمله عادي ، ولكن عشان واثق في الراجل روحتله والمشوار جيه بفايدة
كنت حاطط 1000جنيه في جيبي ، خلاني أصرف 50 جنيه ! وانا عمال اتحايل عليه يغيرلي أي حاجة في العربية

وعندك كريم عضو معانا هنا في المنتدى كان بيسافر من الزقازيق للقاهرة عشان صوت عبيط في العربية

فلو انت مش من النوعية ديه (وده لا ينقص شئ البتة من احترامك وتقديرك) ومن النوع اللي تودي العربية عند اي ميكانيكي وتقعد تشرب شاي لغاية أما العربية تستلمها وانت زي الباشا وتجيب قطع الغيار من البقال اللي جنب البيت ، فنصيحة لوجه الله ابعد عن الأوبل وامثالها

انا نفسي أعمل كدا بس مش قادر ، عشان كد قولتلك في الأول انها مرض

حاولت اختصرلك على قد ما أقدر لأن الأمثلة اللي عندي عايزلها صفحات :)

ملحوظة:
الكلام هنا عن فئة معينة من العربيات والحالة المادية في نفس الوقت ، يعني لا ينطبق على الناس اللي بتصلح عربياتها في التوكيل سواء أوبل أو غيره

عزبة النخل فين دي :)

ده انا من المرج


عاوزين نتعرف


طيار

[hesham ahmed]

انا من عزبة النخل الشرقية

دا احنا جيران :)
انا من عين شمس الشرقيه .. من عند المزلقان ..

[MaaM]

المنتدى كله جاري ولا ايه :)
عزبة النخل الشرقية تقع بين عين شمس الشرقية والمرج الشرقية وليها محطة مترو عزبة النخل يعني الحمد لله مذكورة على الخريطة

[احمد فهمى]

اول مره اسمع عن عزبة النخيل خلاص نجيب القسم كلو ونتغدى عندك ...
وبالنسبه لسؤال الاخ ابعد عن الجين 2 بكل الاشكال ومفيش منها 2005 هى ابتدت 2006 وخليك فى الفيكترا بى مانيوال عربيه اسهل من الكورى فى صيانتها وارخص قطع غيار ومفيش لها مشاكل بس تشترى حاله كويسه