أسأل أستشير عن التكييف

[sameh_se]

يا جماعة عربيتى اشتريتها و التكييف موش شغال تقريبا فاصل كهرباء . المهم نويت اصلحة روحت لواحد قالى الاتى :-
هو -التكييف دة عايز يتشحن
انا -يا ريس دا اصلا فاصل مبيجبش اى حاجه
هو - ايوة لانه مفيهوش فريون
انا - يا عمى انا مبشتكيش من البرودة دا اصلا قاطع مفيش اى حاجة بتطلع منة
هو - انا عارف لان الكمبروسر فية حساس و موش هيشتغل الا لما يتشحن
ان - يعنى اشحنة و لقينا بعد كدا مشكلة و هنغير اى حاجة يبقى شحنا اونطة
هو - يبقى نصيبك كدا

المهم اان مقتنعتش و مشيت ممكن لو حد يعرف الموضوع ده صح ولا غلط ولا ممكن يكون المشكلة دى من ايه
شكرا و اسف للتطويل

[saddam]

صديقي المواطن
إصلاح التكييف كالتالي تروح لكهربائي يراجع كل دورته وزرايره وكتاوتاته الكهربائية ومراوحه ثم تطلع على بتاع التكييف بس يكون بيحترم نفسه مش واحد شغال تحت الكوبري وتخليه يفكلك الكويل أي الثلاجة وتتغسل ولو فيه فلتر يتغير ثم وش من غير فصال حتى لو قال لك ﻷ تخليه يغيرلك فلتر الفريون واﻷكستنشن ثم يكبس ظغط 310 هواء ويفحص لو مفيهاش حاجة تروح بالعربية وترجع تاني يوم لو لسه فيها 308 مثلا يفضي ويحط زيت في الكباس ويحط فريون كويس ويحط صبغة فسفورية مع الفريون ويشحن وتأكد إنه شحنه كويس ثم تدور وتفحص الكباس ﻷن الكباس لو مفيهوش فريون مش حيلقط وبكده تعرف تتأكد من كباسك ولو مشتغلش خليه يديه كهربا مباشر لو مشتغلش يبقه كباسك محروق حتغيره ومش غالي الكباسات دلوأتي بقت رخيصة جدا ملحوظة إوعه تشغل التكييف وهو مشحون هواء في اليوم اللي حتبيتها فيه للفحص ولا تنسى تركب مروحة أمامية على ثرنوستات وكتاوت لوحدها حتى لو عربيتك فيعا مروحتين جنب بعض لرفع الكفاءة العامة ودمتم للنضال

[فادى محمد]

310 بار كتير قوي , كفايه 200 بار
فك التلاجه صعب قوي ومؤرف
ممكن يدور الكباس بوصله خارجيه للتاكد من كونه شغال مش بايظ
وبعد كده ضغط الهوا لاختبار الشجر والخراطيم ....

[sameh_se]

دمتم سالمين ذخرا لنا اوجزتم فانجزتم شكرا لكم

[MaaM]

ان - يعنى اشحنة و لقينا بعد كدا مشكلة و هنغير اى حاجة يبقى شحنا اونطة
هو - يبقى نصيبك كدا

ماهو ياسرقة علني واستخفاف بعقول الناس يا إما غباء وكلاهما مٌر
والله ينور عليك انك ماسبتش دماغك ليه وخليته يجرب فيك وسبته ومشيت

ولو كلامه صح انه عايز يتشحن فعلا ، طيب ايه اللي خلاه يفضى ؟ أكيد فيه تسريب
يبقى الصح يكشف على كل حاجة الأول ويتأكد قبل ما يتكلم وخلاص ولو رفضت تصلحه عنده ، ياخد تمن كشفه طالما تعب واكتشف المشكلة فين
بدل ما يعالج المشكلة يروح يحلها مؤقت وترجعله تاني وتبقى زبون وهلم جرا !

نصيحتي ليك تروح لـ واحد تثق فيه وان ماتعرفش يبقى تروح عمياني لـ محمد طناني لأنه عنده اجهزة كويسة بخصوص التكييف زي ضخ المادة المشعة (على حسب كلام عضو هنا في المنتدى) واللي بيعرف من خلالها التسريب المحتمل دا غير جهاز شحن التكييف بالكمبيوتر

ولو مكانش من استطاعته انه يحل المشكلة فعلى الأقل هايحدد العيب فين ويرشدك تروح فين وتعمل ايه

[sameh_se]

ماهو ياسرقة علني واستخفاف بعقول الناس يا إما غباء وكلاهما مٌر
والله ينور عليك انك ماسبتش دماغك ليه وخليته يجرب فيك وسبته ومشيت

ولو كلامه صح انه عايز يتشحن فعلا ، طيب ايه اللي خلاه يفضى ؟ أكيد فيه تسريب
يبقى الصح يكشف على كل حاجة الأول ويتأكد قبل ما يتكلم وخلاص ولو رفضت تصلحه عنده ، ياخد تمن كشفه طالما تعب واكتشف المشكلة فين
بدل ما يعالج المشكلة يروح يحلها مؤقت وترجعله تاني وتبقى زبون وهلم جرا !

نصيحتي ليك تروح لـ واحد تثق فيه وان ماتعرفش يبقى تروح عمياني لـ محمد طناني لأنه عنده اجهزة كويسة بخصوص التكييف زي ضخ المادة المشعة (على حسب كلام عضو هنا في المنتدى) واللي بيعرف من خلالها التسريب المحتمل دا غير جهاز شحن التكييف بالكمبيوتر

ولو مكانش من استطاعته انه يحل المشكلة فعلى الأقل هايحدد العيب فين ويرشدك تروح فين وتعمل ايه

كلام مظبوط و دا الى انا ناوى اعمله ان شاء الله الى مأخرنى انى شرقاوى و بحاول افضى نفسى يوم
.