اوبل استرا ٢٠٠١ زييييرو للبيع

[walidtony]

للبيع اوبل استرا ٢٠٠١
لونها سماوي
١٤٠٠ cc من ثلالث شهور بحاله الًزيرو لم يثبت بعد على الرخصه
فابريكه بالداخل ومعظم الخارج
فتحه سقف كهرباء
تكيف تلاجهبمعنى الكلمه
طاره مالتتي فنكشن و كاسيت الفابريقه
Airbags
Immobilizer
معاها المفتاحين الاصلين المشفرين و جميع الكتالوجات
صيانه في مركز خدمه معتمد بالفواتير
بور
سنتر
زجاج كهرباء تاتش
جنوطاسبور ١٥ ياباني
التابلوه و الصالون بحاله المصنع. مع التاكيد العربيه من الداخل كانها لسه ًزيرو
بطاريه جافه جديده
السياره لا تحتاج لاي مصاريف
بها زجاج امامي به شرخ
ماشا ١٨٠ ك
السعر نهائي ٥٣٠٠٠
ملحوظه السياره الكامله وليست الفاضيه + السياره ٢٠٠١ التابلوه الاسود والفرش الجراي في اسود
السعر نهاااااائي وغير قابل للتفاوض
المعاينه في العباسيه
موبيل 01227688625
م وليد

[Gelgel2004]

الصور
و ماشيه 180 كلم و مانيوال و الا اوتو علشان حضرتك بتقول الصيانه فى مركز معتمد
و الا 180000
تحياتى

[haniakar]

هيه غيرت المتور ليه

[احمد فهمى]

غيرت متور وماشيه 180 الف وزيرو؟!!!

[walidtony]

اه غيرت موتور
والموتور اللي فيها مفكوك من نص
والعربيه بحاله الزيرو من جوه زي ما قلت تابلوه و صالون والعفشه ممتازه
واتمني ان الناس اللي بتقول العربيه بحاله الزيرو تيجي تتفرج عليها. وتحكم. انما كلام على الفاضي ملوش لزمه
انا عارف انا بتكلم ازاي
وياريت اللي حابب يتفرج على عشر عربيات استرا. نفس الموديل ويخليني في الاخر. وانا الحمد لله متاكد من عربيتي
انا من الاسكندريه ومقيم في القاهره و بسافر مرتين اسبوعيا. يعني تقريبا ١٠٠٠ كم في الاسبوع سفر
وشكرا
واسف والله مفيش صور
وياريت الجديه
السياره بالعباسيه

[walidtony]

وبعدين اللي عايز يشتري عربيه مش بيقعد يكتب على النت و اي كلام على الفاضي

الموضوع سهل جدا رقم التليفون موجود و سعر الدقيقه تقريبا قروششش. امال حيشتري عربيه بكام الف ازاي

[exact]

انما كلام على الفاضي ملوش لزمه
انا عارف انا بتكلم ازاي

وبعدين اللي عايز يشتري عربيه مش بيقعد يكتب على النت و اي كلام على الفاضي

الموضوع سهل جدا رقم التليفون موجود و سعر الدقيقه تقريبا قروششش. امال حيشتري عربيه بكام الف ازاي

ونعم الاحتــــــــــــرام... ونعم حسن الكلام

[hugan]

الاخ الفاضل
ماتزعلش مني
بس اسلوبك لو العربيه بنصف سعرها
مش هاتخلي حد يفكر يشتريها
موفق في البيع

[عمارمطر]

سياره ممتازه وسعر معقول جدا وموفق ان شاء الله فى البيع

[samyyousef]

هل السيارة اوتوماتيك

[unl0veable]

موفق ان شاء الله فى البيع

[احمد فهمى]

ونعم الاحتــــــــــــرام... ونعم حسن الكلام

مش مشكله الحمد لله حسن الكلام عنوان صاحبه

الاخ الفاضل
ماتزعلش مني
بس اسلوبك لو العربيه بنصف سعرها
مش هاتخلي حد يفكر يشتريها
موفق في البيع

والله لو ببلاش مش بنص الثمن

وبعدين اللي عايز يشتري عربيه مش بيقعد يكتب على النت و اي كلام على الفاضي

الموضوع سهل جدا رقم التليفون موجود و سعر الدقيقه تقريبا قروششش. امال حيشتري عربيه بكام الف ازاي

يفضل تراجع اسلوبك فى الحوار والنقاش انتهى ، وبالتوفيق فى البيع..

[ayman hamdy]

وبعدين اللي عايز يشتري عربيه مش بيقعد يكتب على النت و اي كلام على الفاضي

الموضوع سهل جدا رقم التليفون موجود و سعر الدقيقه تقريبا قروششش. امال حيشتري عربيه بكام الف ازاي

اولا مفيش حد هنا بيكتب اى كلام ثانيا الكلام اللى حضرتك كاتبه مش منطقى ثالثا حضرتك رديت رد هجومى على شخص من الناس المعروف عنها بالخبرة هنا فى المنتدى انا بقى لية سؤال لحضرتك طيب وهو ليه حضرتك بتكتب على النت !!!!!!!!!!!!!!

[Gelgel2004]

سبحان الله و بحمده
حضرتك داخل منتدى سيارات معروف و بتعلن عن عربيتك
المنتدى له ضوابط و قواعد فى موضوع البيع
يعنى تملا الاستماره اللى بتوصف العربيه و تنزل الصور الحقيقيه علشان ربنا يبارك ليك و لصاحب نصيبها
و الناس اللى ردت بتسال زى اى اسئله عن واحد بيشترى خصوصا ان اعلانك موش كامل ومبهم
الرد الجاف ملوش لزمة لان الزملاء بالمنتدى ناس محترمة و اصحاب سيارات
عموما ربنا يحسن سوقها
انتهى..

[walidtony]

مش عارف اقول ايه.
غير الف شكر للرجاله. المحترمه
وباكد المحترمه.
ياريت اللي يكتب كومنت في الموضوع الخاص بي يكون للاستفسار عن السياره
ودون الدخول في اراء شخصيه. اللي يقول بنص السعر او ربع السعر. كل واحد يخليه في حاله
انا عامل الموضوع للبيع مش كل واحد فاضي يخش يكتب كلمتين وشكرا للاعضاء الافاضل اللي بيفهواا في العربيات