أخوانى الأعزاء من فضلكم

[ENG\AHMED]

ana lesa ma bastesh be sra7a bas hashof we 2a2olko we shokran ya noname
bel monasba ba2a t3raf 7ad 2ageeb menoh farsh we 2arekeboh 3andoh seroogi ya3ni we 3ayez 2a3mel el sa2f kaman 3ashan fak men el shams 2asl ana 3arabeti 24 sa3a fi el shams

من غير لما تبص انت مش 1.6 مانيوال !!
فى عندك دوس ناحية ميدان سانت فاتيما فى مصر الجديدة بس دة هتلاقية غالى شوية وفى شارع دمشق واحد عند البنزينة "محل كبير فى وش السجان" والسجان بردو متهيألى عندو فرش

هتعمل اية فى السقف؟!!!

[ahmedmaklad]

mmm howa tab3a lazem kol 7aga teb2a be3eed ana kerht october
ma 3alena hashoof keda yom we 2anzel we 2ashoof eih el 2a7`bar
bel nesba lil sa2f msh 3aref walahe shoft wa7ed fi el 7erafyeen bas kan 3ayez yekbsoh we haytkalef 200 gneh
we fi wa7ed tani 2ali el 2omash eli 3ala el sa2f dah ma yenfa3sh we lazem ye3`ayroh we yelza2oh we haytkalef 250 gneh
we el 3aydai 2ali el sa2f koloh be 350 gneh
lesa bafakar we 2ashoof howa msh gamed 2aw bas ana mesh ba7eb 7aga fi el 3arabya

[ENG\AHMED]

هات استيراد احسن وانضف
وبعدين حد قالكو روحو اسكنو الاقاليم مالها العاصمة كل حاجة جنبك اخو :p:p
:d

[ahmedmaklad]

اقالبم ايه بس ده استقلال اناس الكبيرة لقت اكتوبر و حلوان زياده شالوها هي و اللي فيها
يا رب بكرة تبقي مدينة نصر تبع القليوبية

[ENG\AHMED]

بردو اقاليم :p
حتى لو مدينة نصر بقت تبع السودان ولا يهمنى انا مصر الجديدة الناس بتاعت مدينة نصر ترد بقى :p :p

[ashrafhosnyy]

أخى العزيز الفاضل
Ahmad Allawy
مش عارف أقول ايه
الحقيقة أنك أكرم من أى كلمات ممكن أن تصف كرمك
أولا أنا آسف على التأخير فى الرد بس والله غصب عنى وقتى ضيق جدا
ثانيا طبعا ألف شكر على أهتمامك وردك
بص ياسيدى
أنا أتصلت ب طارق حمودة
ده من أكبر مستوردى قطع غيار ال أوبل وهو صديق شخصى
بس هو حاول وأتصل بناس فى الوكالة والحرفيين وبرضه ما لاقاهاش
أتصلت ب واحد أسمه عمرو فى مدينة نصر هو كان شغال فى مركز صيانة منصور فى مدينة نصر ودلوقتى عنده ورشة هو رد قاللى أنه بيصلح النظام ده كله ويرجعه شغال تانى
بس أنا قلقان ومش مقتنع قوى
خصوصا أنه استغرب أن اللوك مش شغال
وكمان مافيش فرصة أنك تجرب السيستم وأنت بتستلمه اذا كان شغال ولا لأ
وكمان أنا لى تجربة مع عمرو سايبة فى أثر سلبى من ناحيته
بس الحقيقة هو ذكى وعبقرى جدا
وأنا بأقول أن مافيش ما يمنع من التجربة والمغامرة خصوصا أن السيستم بايظ خلاص
بس المشكلة ان فعلا ماعنديش وقت
أنا عايز أسالك هل اللوك عندك بيقفل على الحزام رغم طلوع الكارت الأصفر ؟
المشكلة عندى أن اللوك كمان مش بيقفل على الحزام أنا بأركب السيارة وبأركب الحزام فى الكرسى اللى جنبى
ةلما بيبقى راكب جنبى حد بتبقى مشكلة والمسألة اليومين دول مش مستحملة حد يوقفك ويقول كلام مالوش لازمة
الحقيقة الموضوع ده مضايقنى جدا ومأثر على نفسيتى بشكل وحش
خصوصا أن أنا باهتم جدا بعربيتى وباحافظ عليها
والعربية ما اتعملش فيها أى حاجة ولا أى مشاكل قبل كده ولا سمكرة ولا دهانات
مافيش غير الصيانة العادية فقط
حتى لما أشتريتها من منصور كانت ب أسبشيال أوردر وكل حاجة زيادة أتركبت فيها كانت الأصلية وفى المصنع فى جنرال موتورز
حتى الستائر الخلفية والرير بانل وجهاز الأنذار
حتى جهاز الأنذار ماركبتش غير النوع اللى بعتوا سألوا المصنع فى ألمانيا عليه واللى أقره ونصح بيه المصنع
مافيش غير الفرش وكان عند مرجان لأن التوكيل هو اللى رشحه وقتها

آسف يا أخوانى الأعزاء على الأطالة
ها أحاول أظبط وقتى وأشوف موضوع التصليح عند عمرو ده وأشوف ها يعمل ايه بالضبط وأقولكم
ألف ألف شكر ومع خالص حبى وتقديرى وكل أحترامى
أخوكم أشرف حسنى

[ashrafhosnyy]

أخى الكريم الفاضل
ahmedmaklad
مهما قلت فكل كلمات الشكر لن تكفى لتعبر لك عن مدى شكرى وأمتنانى
شكرا جزيلا لك يا أخى الكريم على المساعدة
بس الحقيقة أنا مش لاقى وقت حاليا للذهاب الى الحرفيين
ياريت لو معك تليفونات الناس دى عشان أحاول أكلمهم وأسألهم
أكون شاكر جدا فضلك وكرمك

وعلى فكرة موضوع الكارت الأصفر وجهاز الشد موجود فى الفيكترا ال 1600 و ال 2000 الشكل القديم والجديد
وبالنسبة للفرش أنا كنت ركبت فرش بس عند مرجان اللى كان فى أول شارع شمس الدين الدهبى فى كلية البنات مصر الجديدة
بس أنا معرفش اذا كان لسة موجود ولا لأ
وهو كمان أنا فاكر أنه فك الكرسى أياميها (الكلام ده كان سنة 96 وانا لسة شارى السيارة)
بس هو فاهم والتوكيل هو اللى رشحهولى
وهأقولك معلومة كمان
لما تفك الفبرة اللى على شمال الكرسى جنب العتب هتلاقى جزء أحمر عامل زى الشوكة أو التيل سايب ومربوط بسلك بلاستيك أبيض
ده بيتحط فى مكان معين قبل فك أو تركيب الكرسى عشان يوقف السيستم ويمنعه أنه يضرب
بس ده مش كل حاجة
لأن الكرسى لو وقع أو أتخبط خبطة جامدة الوير ها يفلت من مكانه ويخلى الكارت يطلع برضه
فالمسألة عايزة حرص وخبرة من اللى بيفك الكرسى

أتمنى لك وللجميع النوفيق
كل عام وأنتم طيبين حميعا ورمضان كريم
أخوكم / أشرف حسنى

[farahat]

أستاذ أشرف ، أنا متخيل إن دول مشكلتين غير بعد ، يعني حضرتك في عندك مشكلة بتاعة الكبسولة (إلي هي ال-pre tensioner يعني ) إلي ضربت و دي ملهاش حل غير التغيير ، و فعلاً صعب تلاقيها بسهولة بس دور و ربنا يسهل لك .
المشكلة التانية هي الحزام و اللوك بتاعه ، و دة واضح إن اللسان بتاع اللوك محشور أو سايب لسبب ما ، و دي حلها بسيط جداً انها تتفك و تتظبط أو حتى تغير اللوك كله على بعده (الجراب الاسود إلي بيدخل فيه الحزام ) و دة هتلاقيه بسهولة إن شاء الله ،
بس شوف الاول إمكانية إن يتصلح لأن دي مش مربوطة بالكبسولة و أكيد في حاجة محشورة فيه أو مخلياه سايب

تقبل تحياتي و ربنا معاك

[ashrafhosnyy]

أخى العزيز
NoNaMe
ألف شكر على المتابعة
مع أرق تحياتى وأطيب أمنياتى القلبية للجميع
رمضان كريم عليكم جميعا أن شاء الله تعالى
ألف شكر
أخوكم أشرف حسنى

[farahat]

اه بالمناسبة صحيح .. رقم تليفون النواصرة هو 0123459685

[ashrafhosnyy]

أستاذ أشرف ، أنا متخيل إن دول مشكلتين غير بعد ، يعني حضرتك في عندك مشكلة بتاعة الكبسولة (إلي هي ال-pre tensioner يعني ) إلي ضربت و دي ملهاش حل غير التغيير ، و فعلاً صعب تلاقيها بسهولة بس دور و ربنا يسهل لك .
المشكلة التانية هي الحزام و اللوك بتاعه ، و دة واضح إن اللسان بتاع اللوك محشور أو سايب لسبب ما ، و دي حلها بسيط جداً انها تتفك و تتظبط أو حتى تغير اللوك كله على بعده (الجراب الاسود إلي بيدخل فيه الحزام ) و دة هتلاقيه بسهولة إن شاء الله ،
بس شوف الاول إمكانية إن يتصلح لأن دي مش مربوطة بالكبسولة و أكيد في حاجة محشورة فيه أو مخلياه سايب

تقبل تحياتي و ربنا معاك

أخى العزيز المحترم
farahat
أشكرك جدا على أهتمامك وعلى الرد
أنا سألت على الجزء اللى فيه ال لوك اللى بيقفل على الحزام وبرضه مش لاقيه ولا عند التوكيل ولا عند بتوع قطع الغيار
هل تعرف أحد أمين يستطيع أصلاحه ؟
شكرا جزيلا لك على كرم أخلاقك
ألف شكر
مع أرق تحياتى وأطيب أمنياتى القلبية
وكل عام والجميع بألف خير
رمضان كريم
أخوكم أشرف حسنى

[ashrafhosnyy]

اه بالمناسبة صحيح .. رقم تليفون النواصرة هو 0123459685

شكرا جزيلا أخى الكريم ألف شكر
سأحاول الأتصال بهم بأذن الله تعالى ويمكن ألاقى عندهم حل أن شاء الله
ِشكرا

[Ahmad Allawy]

استاذي الفاضل اشرف..
انا الحزام عندي شغال عادي جدا كويس جدا جدا..
و اللوك كمان شغال مظبوط..
انت ممكن تعمل حاجة عادية جدا..
انك تغير منة حزام الامان كله.. تركب واحدة استيراد..
من غير ما تغير كبسولة الامان دي.. اللي هي المكبس..
اللي هي مش موجوده كتير..
و الحمد لله احمد نو نيم.. و فرحات .. قاموا بالواجب و زيادة جدا..
و ان شاء الله المشكلة تتحل..و ابقي طمنا عملت ايه..

[ENG\AHMED]

أخى الكريم الفاضل
ahmedmaklad
مهما قلت فكل كلمات الشكر لن تكفى لتعبر لك عن مدى شكرى وأمتنانى
شكرا جزيلا لك يا أخى الكريم على المساعدة
بس الحقيقة أنا مش لاقى وقت حاليا للذهاب الى الحرفيين
ياريت لو معك تليفونات الناس دى عشان أحاول أكلمهم وأسألهم
أكون شاكر جدا فضلك وكرمك

وعلى فكرة موضوع الكارت الأصفر وجهاز الشد موجود فى الفيكترا ال 1600 و ال 2000 الشكل القديم والجديد
وبالنسبة للفرش أنا كنت ركبت فرش بس عند مرجان اللى كان فى أول شارع شمس الدين الدهبى فى كلية البنات مصر الجديدة
بس أنا معرفش اذا كان لسة موجود ولا لأ
وهو كمان أنا فاكر أنه فك الكرسى أياميها (الكلام ده كان سنة 96 وانا لسة شارى السيارة)
بس هو فاهم والتوكيل هو اللى رشحهولى
وهأقولك معلومة كمان
لما تفك الفبرة اللى على شمال الكرسى جنب العتب هتلاقى جزء أحمر عامل زى الشوكة أو التيل سايب ومربوط بسلك بلاستيك أبيض
ده بيتحط فى مكان معين قبل فك أو تركيب الكرسى عشان يوقف السيستم ويمنعه أنه يضرب
بس ده مش كل حاجة
لأن الكرسى لو وقع أو أتخبط خبطة جامدة الوير ها يفلت من مكانه ويخلى الكارت يطلع برضه
فالمسألة عايزة حرص وخبرة من اللى بيفك الكرسى

أتمنى لك وللجميع النوفيق
كل عام وأنتم طيبين حميعا ورمضان كريم
أخوكم / أشرف حسنى

ال pre tensioner اعتقد موجود انما الكارت الاصفر لأ , انا معايا 1.6 98 مش شايف اى حاجة تدل ان ممكن يطلع منها كروت صفرا
القفل بتاع حزام الامان فى الفكترا فى منة شكلين واحد عادى نفس الحجم اللى فى اى عربية وواحد كبير شوية اعتقد دة اللى فية الكارت

ميتهيألى لو لفيت فى الحرفيين هتلاقى او فى بورسعيد , انا سمعت ان فى ناس بترجعة تانى "بتدخل الكارت" علشان لو عربية عملت حادثة ولا حاجة محدش يعرف بس معرفش تقاصيل

[Ahmad Allawy]

انا عندي حجم القفل عادي صغير..
و هتلاقي فيه شق صغير كده عرضه حوالي 2 او 3 سم... بالكتير..
هو ده اللي بيطلع منه الكارت..
و ده موجود عندي و في موديل 94 و 95 كمان..
يبقي اكيد موجود في كل الفيكترا.. باختلاف حجم القفل..
كون الكارت يرجع تاني ده مش بيحصل.. بس ممكن تقصه..
لأنه بلاستيك خفيف.. بس مش بيدخل تاني.. (بس ممكن نفك قفل من دول و نتأكد برضه)
انا ممكن اتبرع بقفل بس لما اغيره..
ولو العربية عملت حادثة.. غير القفل و ريح دماغك.. بدل ما تدخله تاني..