Tweet
طلب من وحوووووووش الاوبل
معلش ياجماعه أو ياعصابه الاوبل باللذات انا عندى استفسار كبييييييييير لانى بقالى ٥ ايام قاعد بقرا المواضيع بتاعتكم اللى زى الفل وبالامانه اشيد جدا لكل الأشخاص اللى فى العصابة خصوصا tanany bash والأستاذ فادى بجد ربنا يديكم على قد نيتكم ........! ادخل بقى فى الموضوع العبد لله اللى هوه انا ادمانى العربيات الاوبل منذ الصغر يعنى والله وأنا صغير كان ليا واحد جارى معاه اوبل فيكترا b2 كنت اققعد اتفرج عليها بالساعات وكنت لسه مبعرفشى أسوق حتى المهم بدأت علاقتى بالاوبل من سنه ٢٠٠٣ جبت اول عربيه اوبل ليا كانت اوبل كورسا ١٩٩٩ وكانت ١٠٠٠ سى سى وطبعا أنا من رشيد وكانت دى بالنسبالى معاناه ربنا اللى يعلم بيها بالنسبة للصنايعيه مافيش اى حد فاهم اى حاجه فى البطيخ كنت بعانى بالامانه بس الحمد لله انا محافظ بطريقه مش طبيعيه لحد ما جبت عربيتى التانيه اوبل كورسا ٢٠٠٥ سيدان الحمد لله أتضحك عليا فيها ولقيتها فيها عيوب كتيير قمت بعتها وجبت معشوقه السنيييييييين اوبل فيكترا b 2 بس كانت الموتور ايكوتك ١٦٠٠ اوتوماتيك الكلام ده سنه ٢٠٠٩ المهم بجد فى حياتى مش هركب زيها ابدا بغض النظر عن العيوب اللى انتم قولتوها انا عمرى ماظهر عندى اى عيب فيها المهم كان لونها زيتى وحش كده وكان مجرب لانها كانت فابريكا فبينى وبينكم واحد لعب فى دماغى وقاللى بيعها وهات ميجان فعلا بيعتها سنه ٢٠١١ أيام الثوره بعتها ب ٧١٠٠٠ ألف جنيه ( ده دليل بس قد ايه انا محافظ جدا باذن الله ) برضك ماطولش عليكم الميجان معايا بقالها سنتين حتى الآن وطبعا مش عارف أقاوم الاوبل فى دمى ياجماعه مافيييييييش ثبات فى الدنيا زى العربية دى وخامات عاليه جدا وعربية منتهى الروعه والميجان بتاعتى صعبانه عليا اوى فقاعد فى المحل عندى جالى واحد معرفه من البلد عندنا لاقيت معاه عربيه اوبل فيكترا ٢٠٠٣ و ماتورها ٢٠٠٠ سى سى استوك طبعا اخدتها منه وش جربتها وهوبببببببببا رجعت قولت لنفسى ( وربنا مانا نازل منها ) قولتله بياع قاللى اه المهم العربية فيراني فابريكا كلها الحالة ٨٠ ٪ عربيه جميله كل حاجه شغاله المهم خلصت معاه على ٦٤٥٠٠ بالعافيه ودفعت ١٠ آلاف والباقى كمان شهر ومش هبيع الميجان باذن الله لان هيا أحسن من فلوسها من رأى الخاص فانا مش عايز أطول عليكم من الآخر عندى طلبين :- ١ - عايز انضم معاكم للعصابه ده بعد ازنكم طبعا ! وعايز رايكم فى العربية الاوبل فيكترا دى نظامها ايه لانى جديد جدا فى ٢٠٠٠ سى سى بس هوه مش طبيعى أرجو الرد وعذرا وعفوا للاطاله 
Comment