فلتر هواء جديد ... وتغيير جذرى

[Hesham.H]

إخوانى الأعزاء
يوم الجمعه اللى فات كنت مسافر القاهره ... شيكت على العربيه غسيل وكاوتش وميه وفرامل
وكان عندى فلتر هواء جديد ... صاحبى اللى كنت شارى منه العربيه لقاه عنده بكرتونته من شهر كده وإداهونى
المهم ركبت الفلتر وعينك ما تشوف الا النور
سحب العربيه اتحسن بشكل ملحوظ جدااا والعربيه بقت تجرى عن الأول كتير ... مع إن الفلتر اللى فيها يعتبر جديد من أربع شهور وهو بالمناسبه كورى
الفلتر اللى ركبته وظبط العربيه جداا مصرى ماركه فاك
ده من ناحيه السحب والجرى
بالنسبه للبنزين ... العربيه داخل البلد مع التكييف كان معدلها ٨.٥ كيلو/ لتر ..... حوالى ١٧٠ كيلو فى الصفيحه
بعد تركيب الفلتر وصلت داخل البلد لمعدل ٩.٥ كيلو / لتر .... يعنى حوالى ١٩٠ كيلو فى الصفيحه مع التكييف
مع السفر الطوالى العربيه كانت بتعمل ٢٧٠ كيلو فى الصفيحه ... بس لسه ما حسبتهاش بعد الفلتر الجديد وهبقى أبلغكوا بأمر الله
دى كانت ملاحظاتى ويارب تكون بالفايده
تحياتى

[hagagatc]

ممكن تقلنا استهلاكك جو البلد يعني طرق مفتوحه ولا زحمه ولا دائري بتفرق ونوع الموتور ؟
اصل بحسب استهلاكي وبقارنه بعربيات ايكوتك واشوف طبيعي ولا لا

[Hesham.H]

ممكن تقلنا استهلاكك جو البلد يعني طرق مفتوحه ولا زحمه ولا دائري بتفرق ونوع الموتور ؟
اصل بحسب استهلاكي وبقارنه بعربيات ايكوتك واشوف طبيعي ولا لا

جوه البلد عندى يعنى بدون مبالغه كل ٥٠٠ متر مطب ... يعنى كل ٥٠٠ متر لازم تقف وتجيب من الغيار الأولانى وده طبعا زى ما حضرتك عارف بيستهلك بنرين
عربيتى فيكترا ٢٠٠٢ الموتور الأسود ١٦٠٠ سى سى مانيوال
تحياتى

[Silent~Dream]

شكرا لنقل التجربه

[فادى محمد]

ع البركه يا H ...
لو ركبت بقي فلتر رياضي
هتلاقي العربيه بتتعفرت عاوزه تجري
وتسمع احلي صوت من الموتور
بس في المقابل زياده استهلاك بنزين
وبصراحه صوت الموتور بيسخن الواحد جامد
جربت الموضوع ده ودي كانت تجربتي معاه
وشيلته ورجعت الكيت الاصلي بتاع الشركه حقنا للدماء
دي كانت صورته

[MaaM]

هشام ، الفلتر اخره يوم أو يومين معاك وبعد كدا هاترجع ريما لعادتها القديمة

ماعتقدش يافادي انه ممكن يعمل حاجة مع الموتور بتاعنا لأن في الآخر الأداء مرتبط بقوة الحصان والعزم
للأسف كان اختيار سئ جدا من اللي فكر يحط موتور 75 حصان على الاوبل

وللعلم: جربت الموتور الايكوتيك 1.6 وباردوا مكانتش نتيجته مرضية بالنسبة لي

مع انه نفس الموتور على الأسترا ، لكن فرق الوزن كان لصالح الأسترا ، سنة بنزين تحس ان العربية عايزة تهجم
أما الفيكترا سنة البنزين معاها تحس اكنك بتزقها وكمان ساعات بتحتاج تزود سنة كمان عشان كدا كنت سألت عن استهلاك البنزين بالنسبة للعربية ديه ,وهل استهلاكها اعلى من الـ 2000cc

http://www.nilemotors.net/Nile/344899-1600cc-2000cc.html

النظري بيقول الـ 2.0 أعلى لكن لما تبقى العربية تقيلة على الموتور ساعتها هنا القوانين ديه بتتغير
ومثال على كدا الكارينز 1.6 بيقولوا عليها بلاعة بنزين

وفكرت اني اعملها remap بس كنت قريت كلام للعضو Unkown وعلى ما اتذكر قال انه هايعمل فرق حوال من 8 ـ 10% من قيمة خرج الحصان يعني ممكن يزود 7 حصان اخره ، يعني مالهاش لازمة باردوا

[Hesham.H]

هشام ، الفلتر اخره يوم أو يومين معاك وبعد كدا هاترجع ريما لعادتها القديمة

ماعتقدش يافادي انه ممكن يعمل حاجة مع الموتور بتاعنا لأن في الآخر الأداء مرتبط بقوة الحصان والعزم
للأسف كان اختيار سئ جدا من اللي فكر يحط موتور 75 حصان على الاوبل

وللعلم: جربت الموتور الايكوتيك 1.6 وباردوا مكانتش نتيجته مرضية بالنسبة لي

مع انه نفس الموتور على الأسترا ، لكن فرق الوزن كان لصالح الأسترا ، سنة بنزين تحس ان العربية عايزة تهجم
أما الفيكترا سنة البنزين معاها تحس اكنك بتزقها وكمان ساعات بتحتاج تزود سنة كمان عشان كدا كنت سألت عن استهلاك البنزين بالنسبة للعربية ديه ,وهل استهلاكها اعلى من الـ 2000cc

http://www.nilemotors.net/nile/344899-1600cc-2000cc.html

النظري بيقول الـ 2.0 أعلى لكن لما تبقى العربية تقيلة على الموتور ساعتها هنا القوانين ديه بتتغير
ومثال على كدا الكارينز 1.6 بيقولوا عليها بلاعة بنزين

وفكرت اني اعملها remap بس كنت قريت كلام للعضو unkown وعلى ما اتذكر قال انه هايعمل فرق حوال من 8 ـ 10% من قيمة خرج الحصان يعني ممكن يزود 7 حصان اخره ، يعني مالهاش لازمة باردوا

محمود أنا شايفك مضايق أوى من سحب العربيه مع إنها نوعا ما مرضيه فى البدايه لو العربيه مظبوطه ومعاك فلتر هوا وبوجيهات كويسين ... إنما على الطريق السريع يا عم محمود فالعربيه دى حكايه والحمد لله العربيه دى بتعمل معايا عمايل حلوه جدا جدا على الصحراوى .. ممكن المشكله معاك ان معظم مشيك داخل القاهره
انما بصراحه انا شايف تجميع عربيتى مرضى لحد كبير الحمد لله ... ولما اشوفك ان شاء الله نشوف عربيتك سحبها عامل ازاى
تحياتى

[Hesham.H]

ع البركه يا h ...
لو ركبت بقي فلتر رياضي
هتلاقي العربيه بتتعفرت عاوزه تجري
وتسمع احلي صوت من الموتور
بس في المقابل زياده استهلاك بنزين
وبصراحه صوت الموتور بيسخن الواحد جامد
جربت الموضوع ده ودي كانت تجربتي معاه
وشيلته ورجعت الكيت الاصلي بتاع الشركه حقنا للدماء
دي كانت صورته

الله يبارك فيك يا عم فادى ... بس عاوزك تقولنا الفلتر الرياضى ده بيستهلك بنزين زياده قد ايه يعنى
وسعره كام ... وهل هو بيأثر بالسلب على العربيه ولا إيه عشان أنا سمعت كده
وسمعت انه بيزود حراره العربيه
تحياتى يا جميل

[فادى محمد]

الفلتر اللي في الصوره ده صيني ب45ج
الاصلي معدي . وله كيت معين علشان يحمي الفلتر
من حراره الموتور..
-الاداء بالفلتر افضل كتير برغم انه مش اوريجنال
وبالذات في الشتاء , لان الصيف الموتور حرارته عاليه بياثر ع الفلتر
اللي بيتملي هوا سخن ومالوش حل غير اني احطه في علبه الفلتر الستوك كده
-زياده استهلاك البنزين بنسبه 20% تقريبا بس الحقيقه ده نتيجه هوس بصوت الفلتر
اللي كل ما بتدوس بنزين وترفع الار بي ام صوته يعلي كانك في need 4 speed
ويخليك ماشي تسابق طوب الارض وتجر شكلهم . كان شر بصراحه في النقطه دي.

[MaaM]

ممكن المشكله معاك ان معظم مشيك داخل القاهره

انت قولت الخلاصة يا اتش
زائد معلومة صغيرة
عربية كورسا كانت هاتجبني وعمالة تعافر معايا ، وانا ادوس بنزين ومش حاسس بـتغيير
أما الأسترا ، يا سلام على الأسترا ، مكانش فيه حد بيشوفني أصلا

[Hesham.H]

انت قولت الخلاصة يا اتش
زائد معلومة صغيرة
عربية كورسا كانت هاتجبني وعمالة تعافر معايا ، وانا ادوس بنزين ومش حاسس بـتغيير
أما الأسترا ، يا سلام على الأسترا ، مكانش فيه حد بيشوفني أصلا

اوعى تكون بتحطلها بنزين ٨٠ وعاوزها تجرى معاك ؟!!
لو فلتر البنزين والهوا ماتغيروش من فتره غيرهم وأطلع على طريق نضيف وقولنا عملت ايه معاك

[MaaM]

80 ايه بس ياعم
غيرت فلتر الهواء والبنزين من فترة ، وزي ما قولتلك حسيت بيهم أول وتاني يوم وبعد كدا لا جديد
اما موضوع الكورسا ده ، فبيديلك مثال ان العربية حتى بعد 100 كيلوا باردوا عادي ، مابتجبش 140 بسرعة ، هي بتجيب الـ 120 بسرعة وبعد كدا تروح لـ 140 بشويش بشويش على الهادي على الهادي :) لحد اما يكون الحتة النضيفة في الطريق خلصت خلاص

[Hesham.H]

80 ايه بس ياعم
غيرت فلتر الهواء والبنزين من فترة ، وزي ما قولتلك حسيت بيهم أول وتاني يوم وبعد كدا لا جديد
اما موضوع الكورسا ده ، فبيديلك مثال ان العربية حتى بعد 100 كيلوا باردوا عادي ، مابتجبش 140 بسرعة ، هي بتجيب الـ 120 بسرعة وبعد كدا تروح لـ 140 بشويش بشويش على الهادي على الهادي :) لحد اما يكون الحتة النضيفة في الطريق خلصت خلاص

بص يا باشا ... العربيه دى عشان تجرى لازم تشبع كل غيار وطالما جابت ١٤٠ بشويش يبقى انت ما شبعتش الرابع
جرب مره شبع غياراتك من الاول وهات بالرابع ١٢٠ ولقط الخامس وشوف
تحياتى