ملىء الاطارات بالنيتروجين

[superherocivil]

ما افضل ضغط للهواء داخل الكاوتش؟؟؟؟
ظبط العربيه نيتروجين الاسبوع الى فات بس الى بيظبطه خلى الضغط 35 انا طبعا سألته انا طول عمرى بظبطه على 30 قالى النيتروجين بيتظبط على 35 ياريت تفيدونى ايه الصح مقاس الكاوتش عندى جنط 15 والمقاس 195/65

[Abdo Taha]

اظبط حاجة على 31 و المفروض المكنة بتاعة النتروجين بتفضل تملى و بتقى الشاشة خضرا لحد اما الشاشة تدي احمر عشان تقلك ان خلاص كده و بتوقف الملي اوتوماتيك

[M.Osama]

وانا بغير الكاوتش ف بريدجستون القطاميه... فتح غطا التانك الي مكتوب فيه ضغط الكاوتش وقعد يحسب كدا وف الاخر قالي المقاس المظبوط عندك 33... مع العلم ان الكاوتش عندي 14

[احمد فهمى]

كل عربيه مكتوب على التنك او قائم الباب نسبة الظبت

[lidosasa]

ما افضل ضغط للهواء داخل الكاوتش؟؟؟؟
ظبط العربيه نيتروجين الاسبوع الى فات بس الى بيظبطه خلى الضغط 35 انا طبعا سألته انا طول عمرى بظبطه على 30 قالى النيتروجين بيتظبط على 35 ياريت تفيدونى ايه الصح مقاس الكاوتش عندى جنط 15 والمقاس 195/65

المفروض ضبط الهوا بيكون واحد الهوا العادى زى النيتروجين مفيش فرق بس نعمل أيه بقى فى فتى الصنايعية حصلت معايا قبل كده وأنا عربيتى بظبطها على 28 وأول ما غيرت لنتيروجين قالى لاء المفروض لو نيتروجين تبقى 32 وكنت كأنى ماشى على حجر مش كاوتش وبعدين رجعت ظبط الضغط على 28 بقت زى الفل وناعمة فى المطبات