إستفسار بخصوص حرارة فيكترا ايه اوتوماتيك

[ashrooof]

انا عندى معدل المروحة علشان تشتغل على السرعة العالية ولغيت السرعة البطيئة وبتبدأ تشتغل عند درجة 91 ولكن بدلا من انها تنزل علطول الا انها تطلع لحد 94-95 والمروحة شغالة وبعدين تنزل تانى لحد 90-91 وتفصل وتشتغل تانى بعد دقيقة او دقيقة ونص وتفضل شغالة 3 دقايق تقريبا..الكلام ده اليومين دول في عز الحر وداخل البلد طبعا انا لسة منضف الرادياتير ومركب الساعة الرمادى بس مش عارف ارقامها كام ومروحة التكييف مش شغالة لأنى مبشغلش التكييف وثيرموستات الكوعة معرفش راكب ولا ﻷ. فهل المنظومة كده صح ولا في حاجة عاوزة تزبيط لان المفروض الحرارة تنزل اول ماالمروحة تشتغل وماتعلاش لحد 95 بدون تكييف. ياريت تفيدونى بارائكم

[ashrooof]

انا اتاكدت ان ترموستات الكوعة راكبة وشغالة.

[cayman69300]

بص يا باشا
الكلام دة انا مش موافق علية بتاتا
لية بقة
لانى باحب ان العربية تبقى على وضعها
السرعه الاولى تبدا من 93 و تنزل لغاية ما تخلى العربية تحت الـ 90 و المروحة تفصل
طب لو السرعه البطيئة معملتش الاثر المرجو منها
فعند 93 السرعه البطيئة هتشتغل زى ما اتفقنا و بعدين الحرارة تفضل تعلى لغاية 95 او 96 و تبدا السرعه السريعه تشتغل
و بكدة العربية لو متلحقتش بالسرعه البطيئة تتلحق بالسرعه السريعه
دة نظام العربية الموقر المحترم اللى احنا لازن نلتزم بيه

[ashrooof]

والله كلامك صح وانا عاوز ارجع المروحة لاصلها لان كمان لما بتشتغل صوتها بيبقى عالى جدا وممكت تقلل عمر المروحة والبطارية.