بحط بنزين 80 للعربيه

[ah-elgendy]

انا معايا فيكترا 99 ماتور اسود كاربيراتير و حطيت بنزين 80 انا كنت بحط 90 ومبقتش القيه فا كنت بحط 92 بس بقالى مرتين بحط 80 ده ممكن ياثر ع الموتور با اى حاجه وكمان انا لاحظت ان استهلاك العربيه اقل ده صح ولا لأ
ولا لما يكون الاوكتان بتاع البنزين اعلى الاستهلاك يقل يعنى 95 يكون الاستهلاك فيه اقل ولا علشان انا كاربيراتير فامش عندى الموضوع ده

[احمد فهمى]

كل ما الاوكتين زاد العربيه توفر معك فى البنزين ويا ريت تستمر 92 افضل بكتير والتمانين مع الوقت هيبوظ الرشاش الوحيد عندك والسحب هيقل وهتنضف الايدل كنترول كل شويه ..

[akmm]

كلام صحيح ال 80 هالك للرشاشات لامحاله .. ولكن بتلاقى ال80 ازاى اليومين دول ؟؟

[Mecha]

put only fuel recommended by the maker

written on cover of filler neck

[فادى محمد]

-عربيتك مش كربراتير, رشاش واحد اسمه spi الصنايعيه بيسموه كربراتير
-ال80 قابليته للتطاير او التبخر اقل من ال92 علشان كده بيفضل في التنك
اطول وبتحس ان العربيه بتوفر في الاستهلاك
-اقل بنزين للموتور ده اوكتان 87 وده اللي الشركه كاتباه علي فيشه الاوكتان
في العلبه السودا اللي فوق وحده الايه بي اس
-الفرق بين ال80 وال92 مش نظافه ولا شوائب ولا غيره..
الفرق في رقم الاوكتان بس اللي لو نزلت به عن الريكومندد الموتور يسقف
ومش هيديلك القدره المطلوبه نتيجه ارتباك الغازات داخل غرفه الحريق.

[ah-elgendy]

-عربيتك مش كربراتير, رشاش واحد اسمه spi الصنايعيه بيسموه كربراتير
-ال80 قابليته للتطاير او التبخر اقل من ال92 علشان كده بيفضل في التنك
اطول وبتحس ان العربيه بتوفر في الاستهلاك
-اقل بنزين للموتور ده اوكتان 87 وده اللي الشركه كاتباه علي فيشه الاوكتان
في العلبه السودا اللي فوق وحده الايه بي اس
-الفرق بين ال80 وال92 مش نظافه ولا شوائب ولا غيره..
الفرق في رقم الاوكتان بس اللي لو نزلت به عن الريكومندد الموتور يسقف
ومش هيديلك القدره المطلوبه نتيجه ارتباك الغازات داخل غرفه الحريق.

يعنى مش كربراتير دول شويه صنايعيه عاوزين الحرق
طب ازاى ال80 اوكتان اقل و يوفر فى الاستهلاك مش المفروض العكس وعاوز اعرف الاوكتان كام لل80 و 92

[ah-elgendy]

كلام صحيح ال 80 هالك للرشاشات لامحاله .. ولكن بتلاقى ال80 ازاى اليومين دول ؟؟

موجود 80 فى كذا بنزينه منهم التعاون و موبيل

[ah-elgendy]

كل ما الاوكتين زاد العربيه توفر معك فى البنزين ويا ريت تستمر 92 افضل بكتير والتمانين مع الوقت هيبوظ الرشاش الوحيد عندك والسحب هيقل وهتنضف الايدل كنترول كل شويه ..

يعنى معنى كلامك ان ال80 مش موفر فى الاستهلاك
وسوال تانى كده انا العربيه دولقتى بعد سرعه 100 بحس بهزه فى الطاره وكل ما ازود تزيد رحطت ارصص قالى الكوتش فى عوجه وبايظ عاوز يتغير هو فعلا اللى يعمل معايا كده ؟
البور بقى تقيل وغيرت طرمبه البور ده ممكن يكون علبه الدريكسيون ؟ولو هى اعملها فين

[فادى محمد]

طالما الكاوتش بايظ هياثر علي سهوله الباور بلا شك..
-رجه خلفي بعد سرعه 100 كم = ترصيص خلفي
بس ده في حاله ان الكاوتش جيد انما لو تعبان هيتعبك
علي كل السرعات وياثر علي الثبات والباور واستهلاك البنزين