ماركة فيبي Febi!!!!

[Tiar]

السلام عليكم ورحمة الله وبركاته

انا عاوز احكي موقف حصلي علشان الكل ياخد باله
انا رحت محل مشهور قوي مش هاقول اسمه الا لما اتأكد من صحة اللي انا هقوله
علشان اشتري شوية حاجات للعفشة عندي فيكترا 95 عبارة عن بيض مقص وجلب وشداد دريكسيون
المهم قلتله انا عاوز الماني اصلي رد عليه البيه وقاللي كل اللي عندنا الماني اصلي
وجابلى الحاجات دي ماركن [overline]فيبي [/overline]ومكتوب على العلبة صنع المانيا
بصيت عليهم وعلى طريقة التصنيع والتقفيل شكلهم مش الماني خالص يا عم دول الماني قاللي ياباشا [overline]الماني[/overline]
اخدتهم وانا مش مقتنع ورتهم ل زميل لي عنده خبره بالعربيات قاللي لا يمكن يكونوا الماني
قومت واخدهم تاني وراجع المحل ولسه بقوله زميل لي شافهم وقاللي مش الماني راح فاتح الدرج ومطلع الفلوس وياباشا احنا تحت امرك ومرديش حتي يسمع باقى الكلام
السؤال هنا هل ماركة [overline]فيبي[/overline] اللي فى السوق دلوقتي مضروبه؟






طيار

[فادى محمد]

من زماااااان قوي وفيبي مضروبه صيني..
طب دانا شفت بلي عجل امامي ماركه (مايلي)
مفحور عليه germany ولا شكل ولا منظر الماني خالص
والتاجر اللي بتعامل معاه امين , قاللي صيني والصين
تعمل لك اللي انت عاوزه !!!!

[tareksakr]

ميه في الميه مضروبة كانت لي نفس تجربتك بس في بلي العجل الخلفي لعربية جولف وكان فيبي برضه ومكملش اسبوع وباظ وجبت حاجة تانية بس كانت اتحاد اوروبي وشغالة زي الفل برضه جبت بطاحات نفس الماركة ومكملتش شهر
واضح ان معظم قطع الغيار بتتضرب حاليا

[akmm]

بس كويس ان المحل ده رجعهم بسرعه بدون مشاكل

[MaaM]

الفيبي أغلبه مضروب إن لم يكن كله
ليمفورد على حد علمي ماضربتش منتجاتها لغاية دلوقتي

وعلى فكرة فيه حاجات اسباني وانجليزي وكندي وتركي ، المهم يكون العلبة ليها ماركة ولما تمسك الماتيريال تحس بنضافة التقفيل ، ساعتها تبقى اصلي (يعني طالعة من شركتها فعلا ومش مضروبة)

[sunsonson]

خد الجديد بقي gm دلوقتي بقي مضروب . الواحد مش عارف يلاقيها من مين ولا مين .

[فادى محمد]

فعلا من سنتين شفت بوجيهات جي ام صيني زي اللي في التوكيل بالضبط

[hilal]

أنا قلت أشتري سير دينامو واسيبه في العربية على سبيل الاحتياط
اشتريته من محل الشيماء بالتوفيقية ، قلتله عاوزه ألماني ، جاب لي سير ماركة كونتننتال
العلبة مكتوب عيها فعلا انه ألماني
لما روحت البيت لقيت مكتوب على السير نفسه انه صناعة روماني قلت مفيش مشكلة ، رومانيا برضه كويسة
وبالتأمل في السير وجدت انه كان 6 حارة ومقصوص منه حارة واحدة عشان يبقى 5 حارة ، والقص واضح جدا
قلت لا ، كده ممكن ينسل ويبوظ بسرعة
رحت أرجعه حاول يتهرب ، قلت له ازاي العلبة مكتوب عليها صناعة ألماني ، والسير نفسه روماني
ده غش وسوء نية ، واضطر يرجع لي الفلوس ، واشتريت واحد جيتس أسباني من أمريكان ستار
الخلاصة ، قبل ما تدفع الفلوس افحص البضاعة جيدا ، وشوف هل الجودة تليق بالصناعة الالماني ولا تنخدع بالمكتوب على العلبة أو السلعة نفسها
تحياتي لكم جميعا

[Tiar]

السلام عليكم ورحمة الله وبركاته
شاكر لكل من شارك بالرد على الموضوع

دلوقتي انا رحت الوطنية اللي فى الحرفيين بصراحة الراجل كان صريح معايا وقالي مافيش الماني. الموجود عنده دلوقتي تركي وبلغاري وشكرلي كتير فى البلغاري وهو نوع اسمه سيدام Sidem الهم اشتريته هو شكل تقفيله كويس بس كنت عاوز اعرف لو حد جربه قبل كده؟
الاسعار:
50 جنيه جلبة المقص الكبيرة
35 جنيه جلبة المقص الصغيرة
80 بيضة المقص





طيار

[ULTRA]

اية اخبار التركي

[Tiar]

اية اخبار التركي

بصراحة ما عنديش فكره بس هو اقل سعر في السوق

ياريت حد من الناس الخبره يعرفنا التركي كويس ولا ايه وياريت حد عنده خلفية عن سيدام Sidem







طيار