قطع الغيار الصينى والكورى والمقلده للسيارات الألمانى ... ووجهه نظر

[Hesham.H]

أعزائى أعضاء المنتدى الكرام
كلامى هايكون عن قطع الغيار الغير أصليه سواء كانت ألمانى أو أى صناعه أسيويه
طبعا كلنا عارفين إن السوق مليان بضاعه مقلده ومضروبه من ناحيه ... ومن ناحيه تانيه إحنا ساعات بنتحايل على إرتفاع ثمن قطعه الغيار الأصلى بتوفيق قطعه تانيه من أى ماركه تكون أرخص وتؤدى نفس الغرض ... وده هايكون محور كلامى

طبعا كلنا بيفتخر بعربيته الألمانى ... بثباتها ومتانتها والإعتماديه وطول عمر قطعه الغيار ... بس للأسف
مع كثره إعتمادنا على قطع الغيار المقلده والمتوفقه من ماركه أخرى يبقى بندمر عربياتنا بجد .... وفى خلال سنتين تلاته هايبقى إيه الفرق بين عربيتى وأى عربيه كورى ... ممكن عربيتك الأوبل تبقى نوبيرا بعد كام سنه من إستعمال قطع الغيار دى
ومانزعلش ساعتها لما تعمل معانا اللى بتعمله العربيات الكورى
الموضوع ده اللى خلانى أعمله إنها فكره خطرت فى بالى لما حبيت أشوف قطعه غيار أرخص من اللى كنت بدور عليها
ولما ميكانيكى بالغلط لبسنى فى تغيير طرمبه ميه من سنه كانت سليمه وزى الفل بس عيب تشخيص منه ... وشفت طرمبه الميه الجى إم نازله عامله إزاى بعد ١٠ سنين شغل وشفت الطرمبه اللى ركبتها مكانها ... عرفت معنى الكلام اللى انا بكتبه دلوقتى

الموضوع رؤيه شخصيه ومحتاج إننا نفتح الموضوع للنقاش وكل واحد يقول وجهه نظره
تحياتى

[MaaM]

كلام سليم يا إتش
بس هي عملية طردية ، عايز أصلي يبقى تكلف نفسك

وللأسف لو كان التوكيل بيراعي ربنا شوية كان أغلب الناس راحتله

[m7nsh]

حضرتك صح جدا و أويدك بشده ...المشكله بتكون لما الواحد بيكون مزنوق . بس الاصلى اصلى والغالى تمنه فيه فعلا ..
وعجبتنى جدا " ممكن عربيتك الاوبل تبقى نوبيرا بعد كام سنه " .. هى مضحكه خصوصا لوتخيلتها !! بس فيها معنى "غويط " جدًا ..
تقبل تحياتى يا استاذ هشام ...

[Hesham.H]

كلام سليم يا إتش
بس هي عملية طردية ، عايز أصلي يبقى تكلف نفسك

وللأسف لو كان التوكيل بيراعي ربنا شوية كان أغلب الناس راحتله

هاقولك مثال بسيط جدا يا محمود .. سألت على فلتر البنزين فى التوكيل لقيته ب ١٨٠ جنيه .. قلت دا سعر مبالغ فيه وروحت اشتريت واحد فيبى مكتوب عليه انه ألمانى ب ٤٥ جنيه ... بس لو جيت للحق أبو ٤٥ جنيه مايسواش ١٥ جنيه جنب بتاع التوكيل
ولو شفت طرمبه الميه الجى ام اللى نازله من العربيه جنب الروفال اللى انا جبتها من بره تقول تسوى ١٠٠٠ جنيه بدون مبالغه
فى كلمه قالها واحد زميلنا فى المنتدى للأسف مش فاكر أسمه ... قال ان قطعه الغيار اللى فى التوكيل مش موجوده بره نهائى والأصلى موجود فى التوكيل بس
وانا يومها ما اتفقتش معاه بس بصراحه طلع كلامه عين الصح
انا بقول الكلام ده ومش معنى كده انى هاشتغل فى التوكيل لان إمكانياتى زيكم بالظبط ماتسمحش بكده ... بس هى كلمه حق فى مناقشه جاده
تحياتى محمود بك

[Hesham.H]

حضرتك صح جدا و أويدك بشده ...المشكله بتكون لما الواحد بيكون مزنوق . بس الاصلى اصلى والغالى تمنه فيه فعلا ..
وعجبتنى جدا " ممكن عربيتك الاوبل تبقى نوبيرا بعد كام سنه " .. هى مضحكه خصوصا لوتخيلتها !! بس فيها معنى "غويط " جدًا ..
تقبل تحياتى يا استاذ هشام ...

عزيزى m7nsh
انا عارف انت فهمت كويس انا اقصد ايه بكلمه نوبيرا .. بس هاوضح انى مش قصدى السخريه من النوبيرا لا سمح الله .. بس كده فعلا اللى احنا بنحبه فى عربياتنا بعد كام سنه مش هنلاقيه
وطبعا بما انى من ضعفاء الخبره فى قطع الغيار وأنواعها ... فمن السهل انى اقع فى حاجه مضروبه لو ما سألتش حد خبره من المنتدى قبل ما اشترى ( اللى غالبا فى كل الاحيان بيكون ا. فادى )
تحياتى ليك ولذوقك

[m7nsh]

عزيزى m7nsh
انا عارف انت فهمت كويس انا اقصد ايه بكلمه نوبيرا .. بس هاوضح انى مش قصدى السخريه من النوبيرا لا سمح الله .. بس كده فعلا اللى احنا بنحبه فى عربياتنا بعد كام سنه مش هنلاقيه
وطبعا بما انى من ضعفاء الخبره فى قطع الغيار وأنواعها ... فمن السهل انى اقع فى حاجه مضروبه لو ما سألتش حد خبره من المنتدى قبل ما اشترى ( اللى غالبا فى كل الاحيان بيكون ا. فادى )
تحياتى ليك ولذوقك

مفهوم طبعا يا فندم عدم التجريح فى النوبيرا ..ده اكيد .. المضحك هو ان الواحد ينزل من بيته يلاقى عربيه تانيه خاالص براند تانى كاتيجورى تانى اصلا هو ده الطريف ...
وجب التنويه فعلا منى انا كمان .. وشكرا لاستدراكك وزوقك فى عرض الفكره .
تقبل صادق الودّ..

[Mecha]

what is wrong with Asian cars
and who said German cars are the best


German cars is big lie

non reliable at all
heaps of electronic faults
so complicated
badly designed

I noticed in this forum , heaps of problems about ECU software
is this Auto mobile or computer
if
you still believe in german industry

then you still live in sixties

world changed

Most of parts in the market worldwide
are made in China

the problem in the egyptian suppliers
they chose the worst on the market
to make easy money

those german cars non of them is reliable like corolla
Japanese biggest auto makers

Korean cars not bad at all
easy to fix and reliable

chinese on the road

please no need for fanatisism

[hilal]

GM is not German company
It is an International Group
It is the Biggest Car maker in the world

[ayman hamdy]

هاقولك مثال بسيط جدا يا محمود .. سألت على فلتر البنزين فى التوكيل لقيته ب ١٨٠ جنيه .. قلت دا سعر مبالغ فيه وروحت اشتريت واحد فيبى مكتوب عليه انه ألمانى ب ٤٥ جنيه ... بس لو جيت للحق أبو ٤٥ جنيه مايسواش ١٥ جنيه جنب بتاع التوكيل
ولو شفت طرمبه الميه الجى ام اللى نازله من العربيه جنب الروفال اللى انا جبتها من بره تقول تسوى ١٠٠٠ جنيه بدون مبالغه
فى كلمه قالها واحد زميلنا فى المنتدى للأسف مش فاكر أسمه ... قال ان قطعه الغيار اللى فى التوكيل مش موجوده بره نهائى والأصلى موجود فى التوكيل بس
وانا يومها ما اتفقتش معاه بس بصراحه طلع كلامه عين الصح
انا بقول الكلام ده ومش معنى كده انى هاشتغل فى التوكيل لان إمكانياتى زيكم بالظبط ماتسمحش بكده ... بس هى كلمه حق فى مناقشه جاده
تحياتى محمود بك

هاقولك مثال بسيط جدا يا محمود .. سألت على فلتر البنزين فى التوكيل لقيته ب ١٨٠ جنيه .. قلت دا سعر مبالغ فيه وروحت اشتريت واحد فيبى مكتوب عليه انه ألمانى ب ٤٥ جنيه ... بس لو جيت للحق أبو ٤٥ جنيه مايسواش ١٥ جنيه جنب بتاع التوكيل
ولو شفت طرمبه الميه الجى ام اللى نازله من العربيه جنب الروفال اللى انا جبتها من بره تقول تسوى ١٠٠٠ جنيه بدون مبالغه
فى كلمه قالها واحد زميلنا فى المنتدى للأسف مش فاكر أسمه ... قال ان قطعه الغيار اللى فى التوكيل مش موجوده بره نهائى والأصلى موجود فى التوكيل بس
وانا يومها ما اتفقتش معاه بس بصراحه طلع كلامه عين الصح
انا بقول الكلام ده ومش معنى كده انى هاشتغل فى التوكيل لان إمكانياتى زيكم بالظبط ماتسمحش بكده ... بس هى كلمه حق فى مناقشه جاده
تحياتى محمود بك

على فكرة انا اللى قلت ان قطع الغيار الاصلية موجودة بس فى التوكيل لان هو دة السعر بتاع المانيا اللى بيشتروا بيه على مستوى العالم علشان كده تحس انه غالى ولكن ده سعر عالمى دة الطبيعى ومنصور بيزود شوية كمان علشان مكسبه كتوكيل وموجود عنده قطع الغيار ومتوفرة لان ممكن متلقيش القطعة دى برة التوكيل ده غير انها عليهاضمان علشان كدة بتكون دة سعرها وهى كدة مش غالية هو ده سعرها فى جميع انحاء العالم على فكرة طقم البوجيهات ال جى ام هنا فى هولندا بى ٦٠ يورو يعنى بى ٥٦٠ جنيه وده العادى ال ٢ شمعة

[i_Am_Legend]

مافيش بعد الركوبة الاوروبي.. وفعلا لازم القطع الاصلية.. والا هاتكون كنبة بعد وقت قصير جدا

[MaaM]

who said german cars are the best

please no need for fanatisism

وبنفس طريقتك يا ميخا ، ومين قال ان احنا متعصبين ؟
أغلب الأعضاء هنا ، لما بيجي واحد يسأل ويقول اشتري ايه ، بينصحوه بعربيات كوري وياباني
بالرغم من انهم مالكي أوبل وبيحبوا العربية اوي ، فهل فيه أي تعصب ظاهر ؟!

[MaaM]

صحيح يا هشام ، هو انت لحقت تغير طرمبة المية ؟

[Hesham.H]

صحيح يا هشام ، هو انت لحقت تغير طرمبة المية ؟

غيرتها من سنه يا محمود للأسف بغلطه ميكانيكى .... كان صوت طالع من المنطقه دى وقالى طرمبه الميه بايظه ... وفى الاخر طلع الصوت من بليه شداد الدينامو
صنيعيه على كيفك يا باشا

[Hesham.H]

what is wrong with asian cars
and who said german cars are the best


german cars is big lie

non reliable at all
heaps of electronic faults
so complicated
badly designed

i noticed in this forum , heaps of problems about ecu software
is this auto mobile or computer
if
you still believe in german industry

then you still live in sixties

world changed

most of parts in the market worldwide
are made in china

the problem in the egyptian suppliers
they chose the worst on the market
to make easy money

those german cars non of them is reliable like corolla
japanese biggest auto makers

korean cars not bad at all
easy to fix and reliable

chinese on the road

please no need for fanatisism

الموضوع عباره عن عرض لوجهه نظرى دون تجريح لأحد .. ولو قريت تعليقاتى هاتعرف انى مش قصدى اجرح فى اى نوع عربيات أو محبى النوع ده لأنها فى الاول والآخر أذواق وإمكانيات ماديه لكل واحد
انا عرضت وجهه نظرى ان العربيه الالمانى عربيه ممتازه وإعتماديه ... وحضرتك وصفت الألمانى بالكذبه الكبيره وده رأيك وطبعا من حقك انك تقوله من غير أى تجريح لأن الموضوع للنقاش
وفى نفس الوقت انا عند كلامى بخصوص العربيات الكورى وإعتماديه الألمانى
والميزه اللى فى الكورى زى ما حضرتك بتقول انها سهله الاصلاح فيا فرحتى عشان سهله الاصلاح وقطعه غيارها غير معمره

[MaaM]

طيب لسا شغالة ، انا افتكرتك غيرت الروفال اللي ركبتها
وعلى فكرة الريش الفيبر أحسن من المعدن