ارتفاع حرارة اوبل استرا 2005 مع تشغيل التكيف

[almhandes]

عندى مشكلة فى ارتفاع حرارة السيارة مع تشغيل التكييف
مع العلم ان الحرارة من غير التكييف ثابتة لا تزيد عن 92
وعند تشغيل التكييف ترتفع درجة الحرارة ممكن تصل الى 100

ارجو من الاعضاء والمشرفين تحليل هذه المشكة
وشكراااااااااااااااااا

[MaaM]

مروحة التكييف شغالة ؟

[cayman69300]

عيب فى دورة التكييف او شحنه فريون زيادة

[amrker]

المشكله في سرعه المروحه التالته اكشف عليها وشوف الفيوز بتعها او الكتاوت عند تشغيل التكيف وزياده الحراه عن 90 تقوم السرعه التالته بالعمل

[tananybasha]

مراوح
او
سدد فى دورة التبريد

ترموستات كوعه ملغى او بايظ

[almhandes]

شكرااااااا على الردود وسوف اكشف على المروحة ودورة التبريد وثرموستات الكوع وساخبركم ان شاء الله بالنتائج

[alameer81]

انا كمان عندى نفس الشيئ في نفس العربية
بس هو مش طبيعي ان الحرارة تعلي شوية مع التكييف علي اساس انه حمل اضافي علي المحرك وكمان سربنتينه التكييف امام الرادياتير بتسخن فتقلل التبريد؟

[medo111]

شحن زياده نتيجه الشحن البلدي

[alameer81]

عندي مشحون بالجرام زي الكتالوج

[medo111]

عندي مشحون بالجرام زي الكتالوج

السربنتينه ملحومه قبل كدا ؟؟؟

[alameer81]

لا مش ملحومة
بس هو زيادة الحرارة شوية مع التكييف مش طبيعي ليه؟؟
مش احنا زودنا الحمل علي المحرك شوية وقللنا كفاءة التبريد شوية علشان السربنتينه السخنه قدام الرادياتير؟

[MaaM]

مش طبيعي عشان فيه مروحتين شغالين بدل مروحة واحدة وبالتالي المفروض الحرارة مع التكييف تبقى أقل من المعتاد
يعني لو انت طبيعي 90 يبقى مع التكييف 85-87

[alameer81]

كويس قوى
اكشف علي المراوح ازاي بقي؟

[MaaM]

هو انت عندك مشكلة أصلا ؟!
ولو عندك ايه هي مشكلتك بالظبط لازم تعرضها صح عشان الناس هنا تحاول تساعدك صح قدر الإمكان
الحرارة عندك بتزيد مع التكييف بس ولا ساعات بتزيد من غير التكييف
حرارتك الطبيعية أصلا كام
ومع التكييف بتبقى كام ؟ وهل بتفضل تعلى ؟ ولا بتثبت عند درجة معينة
والكلام ده في الزحمة بس ولا في الزحمة او السريع مش فارقة ؟!
ومية التبريد بتزودها كل قد ايه

[alameer81]

هو انت عندك مشكلة أصلا ؟!
ولو عندك ايه هي مشكلتك بالظبط لازم تعرضها صح عشان الناس هنا تحاول تساعدك صح قدر الإمكان
الحرارة عندك بتزيد مع التكييف بس ولا ساعات بتزيد من غير التكييف
حرارتك الطبيعية أصلا كام
ومع التكييف بتبقى كام ؟ وهل بتفضل تعلى ؟ ولا بتثبت عند درجة معينة
والكلام ده في الزحمة بس ولا في الزحمة او السريع مش فارقة ؟!
ومية التبريد بتزودها كل قد ايه

لو حضرتك اخدت بالك من اول ما دخلت في نص الموضوع انا قلت انا عندي نفس الشئ زي صاحب الموضوع الاصلي
بالنسبة لي مكنتش حاسس بمشكله لغاية ما عرفت من حضراتكم ومنكم نستفيد
الحرارة الطبيعية 92 وبتزيد شوية مع التكييف وبتثبت وطبعا في الزحمة بتبقي اعلي شوية
والمية كل اسبوع ولا حاجة بزود ربع لتر مثلا عشان في شوية تسريبات خفيفة