العربية صوتها بيعلي لما تسخن

[ashrooof]

العربية وهى باردة بتكون ناعمة وكله تمام ولكن لما بمشي بيها حوالى ساعة كدة بحس انها بقت أخشن شوية وصوتها يعلى والسحب يقل سنة بسيطة.انا مغير كل السيور وطرمبة المية جيبا المانى ومنظف الرشاشات وبلية شداد الكتينة كندى أصلى والبوجيهات ngk نظيفة ومش مهببة ولكنها شمعة واحدة والعفشة متربطة كل ده من اسبوع بس والعربية أكتر حاجة في السخونة بتوصل إلى 93 .عاوز اعرف ايه السبب واعمل ايه؟

[ابو لؤى]

جايز يكون الزيت

[ashrooof]

زيت الموتور متغير برضه من اسبوع بس زيت الفتيس مغيرتوش خالص

[ashrooof]

زيت الفتيس الاوتوماتيك مغيرتوش خالص

[saddam]

صديقي المواطن
أولا 93 كتير جدا غير الثرموستات لحاجة ثمانينات ثاتيا تغير زيت نوع غالي مش تحطلي أبو 150 حاجة بتاع 290 وكمان تحط ما لا يقل عن 3 أنواع إضافات حديثة للزيوت
ودمتم للنضال

[ashrooof]

الترموستات اللى راكبة اعتقد تنها الاصلية الرمادية لأنها بتشغل المراوح من ولو غيرتها اجيب نوع ايه91 والزيت أنا هغير شل 320 بس معرفش تمنه كام بس مش فاهم يعنى ايه احط مالايقل عن 3 انواع إضافات حديثة للزيوت ..ارجو التوضيح
على فكرة العربية 2000 سي سي واعتقد الحرارة كدة معقولة

[cayman69300]

صديقي المواطن
أولا 93 كتير جدا غير الثرموستات لحاجة ثمانينات ثاتيا تغير زيت نوع غالي مش تحطلي أبو 150 حاجة بتاع 290 وكمان تحط ما لا يقل عن 3 أنواع إضافات حديثة للزيوت
ودمتم للنضال

الاخ المجاهد صدام
طبعا شكرا على مشاركاتك الفعالة معانا
بس حضرتك عارف طبعا ان النصيحة امانه و ربنا بيحاسبنها عليها
قبل كدة قولت لواحد نضف الكربراتير بتاع العربية و الكلام دة مش مظبوط لان عربيتنا رشاشات
و دلوقتى بتقول ان حرارة العربية عالية جدا لانها وصلت 93
يا سيدى الفاضل العربية بتاعتى فكترا اية ( 1996 الشكل القديم ) الكتالوج الالمانى بتاعها بيقول ممكن تمشى بالعربية و حرارتها 100 درجة - لان درجة حرارة غليان المية جوة الدورة المضغوطة بتكون 122 درجة
و بالتالى بكدة العربية لو حرارتها وصلت مية - كان حرارتها تحت درجة الغيان بمقدار 22 درجة
يعنى فى دورة المية المكشوفة تعتبر كانها = درجة حرارة غليان المية - 22 = 100 - 22 = 78 درجة
فبرجاء خلى بالك من نصايحك
لان عربيتنا قطع غيارها غالية فوق ما تتخيل و الواحد بيبقى حريص على اد ما يقدر و هو بينصح الناس

[AhmedNaeem]

علي حد علمي اني درجة الحرارة دي عادية بالنسبة للاويل
الخشونة دي كانت بتحصل قبل كده ولا جديدة
غالبا مشكلتك في الزيت انت بتقول لسه مغيره من اسبوع ممكن يكون مضروب
وللاسف ده وارد جدا
والله اعلم

[ashrooof]

انا برضه رأيي أن 93 مش كتير لأن العربية 2000 سي سي مش 1600 واحنا في الصيف. بالنسبة للزيت انا مغيره في بنزينة محترمة اوى شل فمعتقدش مضروب اما بالنسبة للخشونة فهى مش من زمان بس مقدرش احكم لان الماف كان بايظ ولسة مغيره ومكنتش يستعمل العربية كتير وشكرا لكل ردودكم

[medo111]

الاخ المجاهد صدام
طبعا شكرا على مشاركاتك الفعالة معانا
بس حضرتك عارف طبعا ان النصيحة امانه و ربنا بيحاسبنها عليها
قبل كدة قولت لواحد نضف الكربراتير بتاع العربية و الكلام دة مش مظبوط لان عربيتنا رشاشات
و دلوقتى بتقول ان حرارة العربية عالية جدا لانها وصلت 93
يا سيدى الفاضل العربية بتاعتى فكترا اية ( 1996 الشكل القديم ) الكتالوج الالمانى بتاعها بيقول ممكن تمشى بالعربية و حرارتها 100 درجة - لان درجة حرارة غليان المية جوة الدورة المضغوطة بتكون 122 درجة
و بالتالى بكدة العربية لو حرارتها وصلت مية - كان حرارتها تحت درجة الغيان بمقدار 22 درجة
يعنى فى دورة المية المكشوفة تعتبر كانها = درجة حرارة غليان المية - 22 = 100 - 22 = 78 درجة
فبرجاء خلى بالك من نصايحك
لان عربيتنا قطع غيارها غالية فوق ما تتخيل و الواحد بيبقى حريص على اد ما يقدر و هو بينصح الناس

الله عليك يا كبير