نور المرشدير مابينورش

[ashrooof]

لما بدى مرشدير النور الابيض الخلفى مابينورش بس اللمبات سليمة ومش محروقة فهل ممكن يكون بسبب فيشة مفكوكة ولا حاجة فى مشط الفتيس اللى تحت البطارية.
انا العيب ده موجود من زمان اوى بس كنت مكبر لان كل حاجة تانى تمام والفتيس شغال كويس بس انا عاوز اركب كاميرا خلفية وشاشة للباركنج والراجل قالى لازم نور المرشدير يكون شغال علشان بيوصل الكاميرا عليه فياريت اعرف السبب ايه علشان اقدر اصلحه.. العربية فيكترا 95 اوتوماتيك

[Hesham.H]

عندى عربيه شيفروليه ربع نقل والعيب ده لما ظهر فيها كان من حاجه اسمها ( ساعه المارشليه فى الفتيس ) وبتتصلح فى كلمه ونص
وعشان اكون صريح معاك انا معرفش الساعه دى موجوده فى الاوبل ولا إيه .. بس غالبا هايبقى كده بأمر الله
تحياتى

[ashrooof]

انا معرفش ساعة المرشدير دى مكانها فين ياريت لو حد عارف يقول لنا

[gomgom3]

انا عندي الفتيس مانيول والساعه بتبئا علي الفتيس من فوق معرفش في الاوتموتيك زي المانويل ولا لا بس اكيد زيه يعني
ملهاش مكان تاني غير علي الفتيس والله اعلم

[ashrooof]

يعنى ممكن تكون الساعة دى هى الجزأ اللى عامل زى المثلث وموجود تحت البطارية وبعض الناس بيسموه مشط الفتيس ولو هو ده فعلا ففكه سهل ولا صعب.

[egyption2012]

زيارة سريعة لاي كهربائي سيارات حيصلحلك المشكلة وانت واقف ان شاء الله

[ashrooof]

ربنا يسمع منك لان الكهربائي قال لى اللى بيصلحها الميكانيكي علشان لازم يفك مشط الفتيس الاوتوماتيك وينضفه..انا مش عارف الصح ايه.

[MaaM]

الجزء المثلث اللي تقصده يا اشرف هو السليكتور سويتش

[ashrooof]

طيب الساعة بتاعة الفتيس فين؟

[MaaM]

الله أعلم

[ashrooof]

شكرا يا محمود ياريت حد يفيدنا من باقى الزملاء

[lancerevolution]

فى الفكترا بى 2001 المانيوال
ساعة المارشدير دى حاجة ليها سن زى سن البوجيه بس بدل الشمعة زرار بينضغط فا بيشغل اللمبة
و دى موجودة ورا العجلة الشمال قدام هتلاقى سلك داخل فى فيشة فى الفتيس هى دى بتتفك بمفتاح 18 أو 20 مش متذكر أصعب حاجة فى تغيرها هو فك العجلة عشان تبقى شغال مستريح
إشتريتها جديد ب 35 جنية

[ashrooof]

بس اكيد مكانها فى موديل 95 هيكون متغير..انا هروح لحد بتاع قطع غيار واشوف شكلها عنده وبعدين ادور عليها فى العربية يعنى نمشي بالعكس.

[lancerevolution]

أكيد هتبقى متغيرة بس انا حبيت أقول عشان حسيت الناس مش عارفينها

[ashrooof]

رحت للميكانيكى النهاردة وفك السليكتورشويتش ونضفه كويس جدا من جوا وظبط القطع النحاس وجربنا لقيت النور الخلفى اشتغل والحمد لله بس بعد ماوصلت وركنت العربية لقيت لما بجيب الفتيس على p العربية بترجع لورا وكأنها على r ولما كلمته قال لى عاوز وير فتيس جديد فمش عارف الكلام ده صح ولا غلط وكمان حسيت ان عصاية الفتيس بتتنقل بين التعشيقات المختلفة بسلاسة بس عند p بتكون تقيلة شوية.