رعشه وهزه في الموتور

[aboaladham]

صباح الفل على كل خبراء ودكاترة الاوبل ....وكل سنه وانتم طيبين بمناسبة عيد الاضحى المبارك.
بعد قراءتي لعدة مواضيع تخص هزه الموتور وبالذات لما يكون موتور زي اللي عندي 2000 سي سي وانت راكب عربيه الماني مبتبقاش حلوه في حقك وحتحس نفسك مش متكيف وانت سايق وبالذات وانت واقف على السلانسيه n .
كان اول الاسباب قواعد الموتور وقاعدة الفتيس ... طيب لو غيرنا الكلام بقواعد تانيه جديده ومش حنقول انها مضروبه وحنعتبر انها اصليه gm يعني !!!
ايه ممكن يكون السبب في الرعشه دي بعد التغير ؟؟؟ هل حساسات مثلا ؟؟ طيب لو حساسات انهي حساس ممكن يكون فيهم ؟؟؟ وازاي اصينه وانضفه لكي يعمل بكفاءه ؟؟؟
الموتور اللي عندي اللي هوا الايكو تك 2000 سي سي اتوماتيك ...
حكون شاكر ليكم حسن تعاونكم معي للوصول لحا لهذا الموضوع اللي ممكن يدايق اي واحد راكب عربيه الماني زي الفيكترا ... واحنا عارفين يعني ايه الماني ويعني ايه فيكترا...

[فادى محمد]

كل سنه وانت طيب
لو الفرامل عندك مش كويسه
يبقي مشكلتك في السيرفو
اللي بياثر علي اداء الفرامل
ويسبب رعشه ع السلانسيه
اما لو الفرامل طبيعيه فدور
علي قواعد الموتور والفتيس
الحساسات تعمل برجله في
الموتور ماتوصلش لرجه.

[aldesha989]

ممكن بلف وحساس الايدل عايزين تنضيف وبص على البوجيهات

[aboaladham]

كل سنه وانتو طيبين وعيد سعيد عليكم وعلى الامه الاسلاميه جميعا ..
الرعشه اللي كانت مجنناني حلها مش حتصدقوا ولا قواعد ولا غيروا ... قلت افك حساس الاير ماس وانضفو لاقيتوا مكسر من جوا ولا قيت حاجه تانيه شرخ في كوع ماسورة الهوا اللي داخله على المانيفولد .. المهم مش حطول عليكم نزلت صلاح الدين عند واحد معرفه وخدني عند واحد صاحبوا بتاع الكفت في قطع الاستيراد للاوبل وقلتلوا عاوز حساس الاير ماس بتاع الفيكترا بي 2000 .. قلي موجود ياباشا وراح جبلي بتاع خمسه وقلي اخترلك واحد منهم ولو مشتغلش معاك هاتو وتعالى خد واحد تاني والافضل تعالى بالعربيه علشان تجرب براحتك .. المهم بكام يا عم الحج الحساس دا قلي ب 450 جنيه من هنا ومن هنا وصلتوا بالعافيه ب 350 جنيه وعلى فكره سألت عليه في التوكيل منصور قلي ب 1750 جند ومش موجود دلوقتي .. رحت ركبت الاير ماس ولحمت الخرطوم وبسم الله الرحمن الرحيم قلت ادور .. سبحان الله سحر يا جماعه العربيه هديت خالص والحرق والمشي اتظبط وفي حاجه مهمه كنت كل ما عدي سرعة ال 100 لمبة التشيك تنور دلوقتي قطعت والهزه راحت والحمدلله رضا .
حبيت انقلكم تجربيتي علشان انا كنت رايح اشتري طقم قواعد للموتور والفتيس من كتر الهزه اللي كنت عايش فيها جوا العربيه وبالفعل جبتهم التلاته لكن طبعا مش حركبهم خلاص .

[ayman hamdy]

كل سنه وانتو طيبين وعيد سعيد عليكم وعلى الامه الاسلاميه جميعا ..
الرعشه اللي كانت مجنناني حلها مش حتصدقوا ولا قواعد ولا غيروا ... قلت افك حساس الاير ماس وانضفو لاقيتوا مكسر من جوا ولا قيت حاجه تانيه شرخ في كوع ماسورة الهوا اللي داخله على المانيفولد .. المهم مش حطول عليكم نزلت صلاح الدين عند واحد معرفه وخدني عند واحد صاحبوا بتاع الكفت في قطع الاستيراد للاوبل وقلتلوا عاوز حساس الاير ماس بتاع الفيكترا بي 2000 .. قلي موجود ياباشا وراح جبلي بتاع خمسه وقلي اخترلك واحد منهم ولو مشتغلش معاك هاتو وتعالى خد واحد تاني والافضل تعالى بالعربيه علشان تجرب براحتك .. المهم بكام يا عم الحج الحساس دا قلي ب 450 جنيه من هنا ومن هنا وصلتوا بالعافيه ب 350 جنيه وعلى فكره سألت عليه في التوكيل منصور قلي ب 1750 جند ومش موجود دلوقتي .. رحت ركبت الاير ماس ولحمت الخرطوم وبسم الله الرحمن الرحيم قلت ادور .. سبحان الله سحر يا جماعه العربيه هديت خالص والحرق والمشي اتظبط وفي حاجه مهمه كنت كل ما عدي سرعة ال 100 لمبة التشيك تنور دلوقتي قطعت والهزه راحت والحمدلله رضا .
حبيت انقلكم تجربيتي علشان انا كنت رايح اشتري طقم قواعد للموتور والفتيس من كتر الهزه اللي كنت عايش فيها جوا العربيه وبالفعل جبتهم التلاته لكن طبعا مش حركبهم خلاص .

مبروك يا باشا وربنا يجعلها اخر المصاريف
سؤال بقى هى الثلاث قواعد بتوع الموتور والفتيس جبتهم بكام وماركتهم ايه هل هما اصليين ؟
ولو عايز تبيعهم انا ممكن اخدهم منك

[egyption2012]

ساعات بتكون المصفحة اللي تحت العربية مخبوطة من مطب او طوبة كبيرة
وملمسة في الموتور من تحت
حاول تخلعها وشوف الهزة حتفضل مستمرة ولا لا وبعدها ركبها

[ammada]

انا عندي نفس المشكلة وسالت حسام البحقيري قالي ممكن سير الكتينة يبقا السبب ممكن خالف سنة او سنتين رااجع سير الكاتينة ممكن يكون سبب