طريقه عمل مراوح الاسترا 2003 الصحيحه

[عمارمطر]

زملائى الاعزاء عندى مشكله فى مراوح التبريد واريد حصر العطل واحتاجالى اراء حضراتكم
اولا /العيب هو ان المراوح عندى بتشتغل بعد مؤشر الحراره ما يعدى شرطه النص بهمسه بسيطه وعندما تعمل المراوح ترجع الحراره على النصف وهكذا فلماذا لاتعمل المراوح قبل المؤشر ما يتعدى شرطه النصف وما هوسبب التاخير وهل هناك ضرر من تعدى المؤشر عن شرطه النصف بحاجه بسيطه
ملحوظه ان المراوح تعمل مع بعضها اى اولا تشتغل مروحه الريداتير مع مروحه التكييف فى وقت واحد على السرعه الاولى ويفصلو مع بعض بعد التبريد
وعند تشغيل التكيف تعمل المروحتين ايضا مباشر مع بعض بدون توقف ولو فى سخونه بيشتغلو ا على السرعه العاليه الاتنين
فهل تعمل المراوح بطريقه صحيحه
وما هو سبب تاخير المراوح مع العلم انى غيرت حساس الحراره بتاع الكوعه وغيرت ترموستات كوعه جديد المانى اصلى

[medo111]

لا هي كدا مظبوطه بتشتغل طبيعي مفروض تشتغل بعد النص زي ما بيحصل عندك بالظبط

[ayman hamdy]

مضبوطة 100 100

[romiobasha]

الوضع ده صحيح بس اتاكد من وجود ثرموستات الكوعة

[MaaM]

الاسترا البرازيلي مروحة التبريد فيها بتشتغل سرعة اولى عند 92 وتنزلها 90
ومع التكييف الحرارة بثبت على 87

الوضع اللي عندك مظبوط

Sent from my HTC

[عمارمطر]

الف شكر على المعلومات الرائعه وربنا ما يحرمنا من خبراتكم يا اوبلاويه

[motaz60002003]

باشا العربيه عايزه سوفت وير انا كان عندى نفس المشكله وعملت السوفت ومبتعديش النص

[MaaM]

يعني فيه أربعة دخلوا وقالوا مظبوطة ياباشا وانت بتقول سوفت وير ؟! طاب تيجي ازاي ديه !

[motaz60002003]

باشا العربيه ده معايا بقالها 9 سنين حفظت خرم الابره الى فيها الاسترا حرارتها لا تكسر النص

[motaz60002003]

لو مش مصدقنى انا ممكن اقبلك انا وواحد صحبى العربيتين لا يكسرو النص

[alameer81]

انا عندة الحرارة بتثبت على الشرطة الاولى مش الى في النص
لكن الحرارة فعلا 92 ما بتزيدش عنها وتنزل ل 90 مع المراوح
دى حاجة في عيار المؤشر لكن االمهم الكمبيوتر قاري كام

[MaaM]

الشرطة الاولى تقصد بيها 80 ولا زيرو ؟

Sent from my HTC

[عمارمطر]

باشا العربيه ده معايا بقالها 9 سنين حفظت خرم الابره الى فيها الاسترا حرارتها لا تكسر النص

لوسمحت ممكن تعرفنى عنوان المركز او الميكانيكى ال عملت عنده العربيه ولوامكن تليفونه لان المشكله دى محيرانى وكلف كام السوفت هل اى كهربائى عنده كمبيوتر يعرف يعمل سوفت للعربيه

[alameer81]

الشرطة الي بين النص وبين الشرطتين

[motaz60002003]

عند محمد عبد الراضى صقر قريش التملف مش فاكر علشان عملت كذا حاجه وغيرت قطع غيار