طرمبة بنزين أوبل فيكترا

[superkenwood]

الأعضاء الكرام لقد اضطرتي الظروف لشراء طرمبة بنزين من أحد محلات قطع الغيار لسايارتي أوبل فيكترا موديل 2000 - 1600 سي سي قالي البائع ان في صيني والماني أصلي قلتله الأماني طبعا .. وقالي ان سعرها بــ 680 جنيه و الفلتر بـ 95 جنيه وكانت الطرمبة محفور عليها made in Germany وماركة بوش اشتريتهم وركبتهم فعلاثاني يوم اتصلت بالتوكيل ولقيت الطرمبة الـ GM الاصلي ب، 1156 جنيه من غير الفلتر !!أريد تعليق الجميع مع توضيح أسباب عطل الطرمبة و عمرها الافتراضي وماهو العطل الذي يظهر حتى أحلف ان العيب من الطرمبة ؟؟؟

[Ahmad Allawy]

السرم عليكم..
انا هاقولك الحاجات اللي اعرفها..
انت طبعا قلقان من فرق السعر الكبير قوي ده..
ده شيء عادي جدا.. عشان في ضرايب التوكيل بيزودها.. و مكسب التوكيل..
طيب هل توصل ل 400 جنيه..؟؟ ايوة توصل.. و ممكن تكون البوش الي انت اشتريتها هي نفسها بالظبط الجي ام اللي ف التوكيل.. عشان في سياسة متبعه من صانعي العربيات..
ان شركة زي حي ام مصلا.. مش بتعمل طلمبات بنزين.. ولا مساعدين مثلا.. ولا اطقك دبرياج..
امال بتعمل ايه و ازاي بنشتري حاجة ماركتها جي ام..؟؟
جي ام بتعمل اتفاقيات مع الشركات المتخصصة ف الحاجات دي.. و عادة ما بتكون انضف شركات.. تعمل نفس القطع.. زي البوش مثلا.. او بلشتاين بتاعت المساعدين..و بعدين يتط عليها علامة جي ام.. علي اساس انها قطعه غيار اصلية و معتمدة من جي ام.. و ده بيحط فرق سعر..غير الحاجات اللي قولتهالك ف الاول..
اسباب عطل الطلمبة.. اللي اعرفه.. ان سعاتك تكون بتسيب العربية كتير لحد ما البنزين فيها بيقل..عن النص.. و يوصل لأخر التانك.. كده بتخلي الطلمبة تعمل جهد اكبر عشان تطلع البنزين من قاع التانك.. و مع الوقت الموتور بتاعها بيتعب.. و في عيب تاني مهم جدا جدا.. انك تكون بتحط بنزين فيه شوائب كتير.. يعني 80 مثلا.. او بتمون من محطة بنزينها مش نضيف..
الشوائب دي بتكتم الشبكة اللي هي زي الفلتؤ اللي حوالين الطلمبة في التانك.. و بتعمل حمل كبير علي الطلمبة نفسها ممكن يحرقها برضه.. دي الاسباب اللي اعرفها..
انا اعراض العطل.. بيتهيألي ان العربية ممكن مترضاش تدور خالص.. او تدور و تبطل لوحدها..
او تبطل و هي ماشية.. تفصل يعني..
وبرضه دي الاعراض اللي اعرفها..
و استني شوية كده لحد ما الناس الجامدين بتوعنا بفروا بس و ييجوا يفيدوا سعاتك ان شاء الله..

[ENG\AHMED]

الأعضاء الكرام لقد اضطرتي الظروف لشراء طرمبة بنزين من أحد محلات قطع الغيار لسايارتي أوبل فيكترا موديل 2000 - 1600 سي سي قالي البائع ان في صيني والماني أصلي قلتله الأماني طبعا .. وقالي ان سعرها بــ 680 جنيه و الفلتر بـ 95 جنيه وكانت الطرمبة محفور عليها made in Germany وماركة بوش اشتريتهم وركبتهم فعلاثاني يوم اتصلت بالتوكيل ولقيت الطرمبة الـ GM الاصلي ب، 1156 جنيه من غير الفلتر !!أريد تعليق الجميع مع توضيح أسباب عطل الطرمبة و عمرها الافتراضي وماهو العطل الذي يظهر حتى أحلف ان العيب من الطرمبة ؟؟؟

علامو GM ليها تمن لوحدها وممكن تكون نوع تانى غير بوش !!
انا كنت سألت عليها فى منصور قالولى 1500 او 1600 مش فاكر

الاسباب
-شوائب فى البنزين
-بتسيب العربية لحد لما البنزين ينقص جامد

الاعراض
الطلمبة هى الى بتوصل البنزين للموتور لو باظت العربية مش هتدور بس هتلاقى ليها مقدمات ممكن مرة ترخم شوية فى الدوارة ممكن ساعات متدورش الصبح بدرى والجو برد ولما الجو يدفى تدور بتبقى خلاص ابتدت الطلمبة تضعف وتهيس وبعد كدة هتموت خالص
عموما لو العربية قاطعة بنزين وفيها بنزين يبقى شك فى الطلمبة (ممكن تعرف اذا كانت قاطعة بنزين من صوت الموتور وانت بتدور) بص على الفيوز لو سليم قيس السلك اللى داخل للطلمبة لو فية كهربة يبقى المشكلة فيها

[ahmedmaklad]

فرق السعر عادي و فعلا ممكن يكون اكتر من كده انا سالت على ال Abs في مقار قالولي ب 13000 جنية ده الكنترول و الهيدروليك تصوروا مين اللي هيشتري Abs بالرقم ده انا جبته من الحرفيين استيراد ب 750 جنيه

[superkenwood]

بصراحة هذا أول موضوع لي في هذا المنتدى الرائعأشكر تفاعلكم معي أحبائي :Ahmad Allawy NoNaMeahmedmakladبارك الله فيكم .. والله يعيننا على افادة بعضنا البعض