بالله عليكم أفيدونى بسرعة

[Hossam Elsabey]

يارت يا جماعة تفيدونى

انا نفسى فى الاوبل فيكترا ونويت انى اشترى واحدة ان شاء الله الفترة دى
فمعروض عليا عربية 1600 سى سى موديل 99 مانيوال حالتها كويسة جدا ومطلوب فيها 52 الف
بس سالت واحد متخصص فى قطع غيار الاوبل قالى سعرها بالكتير يكون 42 الف

وفى عربية تانية نفس المواصفات برضو بس محتاجة سربنتينة تكييف ومروحة للتكييف ومطلوب فيها 46 وممكن تقع على 42 او اقل

انا مقلق من العربية التانية عشان حوار التكييف ده وياترى لو اخدتها وغيرت السربنتينة والمروحة الحوار ده هيكلفنى كام تقريبا وهل التغيير يبقى لازم يفك تابلوه العربية ؟؟؟


شاكر ليكم

[a_mokhtar]

رأيي حاول تخلص في أول واحدة على 50
بالتوفيق إن شاء الله

[ayman hamdy]

ياريت تفاصيل فبريكة ولا رشة كم كيلو التكييف شغال ولا لا اي بي اس شغال ولا لا
وكدا نقدر نقوللك السعر كويس ولا لا وعموما خليك فى الاولى بس السعر عالى دة سعر عربية فبريكة

[aldesha989]

ما تأخدش عربيه فيها مشاكل لانك ما تعرفش اصلآ لما تصلح ولا تغير السربنتينه التكيف يمكن يطلع فيه مشاكل تانيه خليك فى الاولى ونزل فى سعرها شويه

[Amrgamal1]

خليك في الاولي لو نضيفه علي 48 مثلا

بالنسبه للسربنتينه دي قدام في وش العربيه هتفك الاكصدام و المصفحه اللي بعد الاكصدام بس وهتلاقي المروحه و السربنتينه

[saddam]

صديقي المواطن
قولا واحدا لو الثانية أنظف تاخد أم من غير تكييف وإنت تعملو على إيدك ومش حيكلف ومش حتفك طابلوه ممكن يفك جزء لغسل الكويل لقوة الهواء ولا تقلق التكييف جديد بالكامل بالتركيب مش حيزيد عن 3200.فإنت تصلح بتاعك بأقل من 2000 جنيه كمان
ودمتم للنضال

[Hossam Elsabey]

رأيي حاول تخلص في أول واحدة على 50
بالتوفيق إن شاء الله

الف شكر لردودكم جميعا

يا استاذ a_mokhtar

المشكلة ان المبلغ المطلوب مش معايا كله
بالاضافة لان كلام الراجل بتاع الاكسسوار ان العربية دى أخرها 42 الف هو اللى قالقنى أكتر ده بالنسبة للعربية الاولى

يا استاذ ayman hamdy

العربية فابريكة بس راشة نضافة عشان كده صاحبها طالب فيها 52
والعربية التانية راشة بره برضو .. وشايف سعرها مناسب بس زى ما قلت لكم اللى قالقنى موضوع فك التابلوه ... لو مش هيفك التابلوه عشان يغير سربنتينة التكييف ومروحة التكييف يبقى تمام ..


aldesha989

ماهو يا باشا عشان كده انا انضميت لمنتداكم عشان استفيد من خبرات كافة الاعضاء فى اى مشكلة او فى الاختيار

saddam
لو فعلا مش هيفك التابلوه زى ما حضرتك بتقول يبقى ان شاء الله هتبقى اللى تكييفها مش شغال

[Hossam Elsabey]

طيبي استفسار تانى يا جماعة

لو حبيت أكشف على العربية قبل ما أخدها أروح بيها فين عشان أكشف عليها
علما بانى مش من القاهرة ومش عايز اسافر اكشف عليها فى البلد وتطلع فيها حاجة ماخدتش بالى منها
ياريت تنصحونى بمركز متخصص يكون قريب من وسط البلد المكان اللى بنزل فيه يعنى العتبة وكده

وياترى ايه اللى هيكشفوا عليه فى المركز والتكاليف تقريبا هتكون كام؟؟

[romiobasha]

الف شكر لردودكم جميعا

والعربية التانية راشة بره برضو .. وشايف سعرها مناسب بس زى ما قلت لكم اللى قالقنى موضوع فك التابلوه ... لو مش هيفك التابلوه عشان يغير سربنتينة التكييف ومروحة التكييف يبقى تمام ..

هو ايه علاقة التابلوه بالسربنتينه يمكن تقصد "التلاجه"
لو تلاجه غيرناها قبل كده فى فكترا من غير ما نفك التابلوه

[Hossam Elsabey]

هو ايه علاقة التابلوه بالسربنتينه يمكن تقصد "التلاجه"
لو تلاجه غيرناها قبل كده فى فكترا من غير ما نفك التابلوه

انا ما اعرفش بصراحة اماكن اجزاء دورة التكييف بتبقى فين فى العربية فعشان كده سألتكم

ولو تسمح توضحلى الفرق بين التلاجة والسربنتينة يبقى جزاك الله خيرا

[Hesham.H]

انا ما اعرفش بصراحة اماكن اجزاء دورة التكييف بتبقى فين فى العربية فعشان كده سألتكم

ولو تسمح توضحلى الفرق بين التلاجة والسربنتينة يبقى جزاك الله خيرا

سربنتينه التكييف موجوده فى صدر العربيه أمام الريادتير .. اما التلاجه فهى موجوده فى الطابلوه من تحت وهى اللى بيمر فيها الفريون البارد وبيتحرك فوقها البلاور ( اللى حضرتك بتشغله من بكره التكييف فى العربيه ) ويدخل الهوا من خارج العربيه ويمر على التلاجه عشان يخرج الهواء البارد من فتحات التكييف فى العربيه
هى دى ببساطه
وبصراحه انا شايف تخلص فى عربيه سليمه بما انك جديد فى الاوبل وبناقص الفين جنيه ممكن تحس انك اتغلبت فيهم
تحياتى

[Hossam Elsabey]

سربنتينه التكييف موجوده فى صدر العربيه أمام الريادتير .. اما التلاجه فهى موجوده فى الطابلوه من تحت وهى اللى بيمر فيها الفريون البارد وبيتحرك فوقها البلاور ( اللى حضرتك بتشغله من بكره التكييف فى العربيه ) ويدخل الهوا من خارج العربيه ويمر على التلاجه عشان يخرج الهواء البارد من فتحات التكييف فى العربيه
هى دى ببساطه
وبصراحه انا شايف تخلص فى عربيه سليمه بما انك جديد فى الاوبل وبناقص الفين جنيه ممكن تحس انك اتغلبت فيهم
تحياتى

الف شكر ليك يا استاذ هشام على التوضيح
وادعى لى ربنا يسهل واخلص فى عربية كويسة
لانى بصراحة من عشاق الصناعة الألمانى بصفة عامة