استفسار بخصوص اوبل استرا تربو (اعلى فئة)

[برنس الليالي]

السلام عليكم ... كنت عايز استفسر عن الاوبل استرا اللي هي التربو اللي سعرها تقريباً 235 الف باين ..

هي العربية دي في فرق بين السيدان والهاتشباك فيها ؟ زي مثلاً جنوط مختلفة او اي حاجة ؟

وايه نظام نوع البنزين والاستهلاك ورأيكم من ناحية الاداء هي تكسب ولا الـC5 ؟

[Ahmed_Adham]

لسه محير نفسك ليه يا باشا. انت تقريبا مسبتش عربيه في مصر الا وفكرت فيها. حدد اختياراتك بين عربيتين تلاته واتوكل على الله وصلي استخاره عشان ترتاح.

[zangry]

متهيألي الـc5 هتبقي افضل !

[برنس الليالي]

لسه محير نفسك ليه يا باشا. انت تقريبا مسبتش عربيه في مصر الا وفكرت فيها. حدد اختياراتك بين عربيتين تلاته واتوكل على الله وصلي استخاره عشان ترتاح.

يا استاذ احمد انا جبت الـ320 من وقت قريب جداً بس هو دا يمنع اني استفسر واستفيد منكم ؟

متهيألي الـc5 هتبقي افضل !

ومميزة كمان بس انت متعرفش فرق الاداء والهاندلينج ؟ انا حاسس انها لصالح الاسترا تربو

[Ahmed_Adham]

يا استاذ احمد انا جبت الـ320 من وقت قريب جداً بس هو دا يمنع اني استفسر واستفيد منكم ؟

مبروك العربيه وأكيد مفيش مانع تستفسر أنا بس فكرت انك لسه بتدور عشان شايفتك محتار بقالك فتره واختيار موفق بإذن الله.

[mh2222]

الهاتشباك 1400 سي سي و السيدان 1600 معايا السيدان 180 حصان 230 نيوتن بحطلها 92 عادي المهم بنزينة كويسة و كان في حوار هنا على المنتدي ان الموتور بها نسبة انضغاطه قليلا نسبيا مقارنة بباقي الموديلات التربو علشان يتماشي مع ال 92 و ما تحتاجش 95 الكماليات مش وهمية اوي عادية بس عربية متعة في السواقة الستروين معرفش حاجة عنها بس تقريبا هي 156 حصان