أيهما أفضل ، أصلح الرادياتير أو أشتري واحد جديد؟

[hilal]

إخواني الاعزاء ، أرجو النصيحة
السيارة فيكترا سي 2007
المشكلة: منذ شهور كان يوجد رشح بسيط أسفل الرادياتير يحتاج لتزويد المياه كل شهر كمية بسيطة
ثم تطور الامر وأصبحت تحتاج لتزويد المياه كل أسبوع
والان أصبحت تحتاج لتزويد المياه كل مشوار
سألت على الرادياتير الجديد وكان سعره كما يلي
في التوكيل 2450 جنيه
عند سرور 1500
عند أمريكان ستارز 1650
في الحرفيين 1450
وإذا كانت النصيحة هي التصليح ، يا تري مين يعرف يصلحه كويس؟
مع الشكر مقدما لكل من يساعد في تقديم النصيحة

[amr elsisi]

المشكلة فين التسريب
في العلب ولا الريش
وهل جربت ابرو للتسريبات

[aldesha989]

متأكد ان فى تسريب والدوره مش واخده هواء او غطا القربه او الردرياتير نفسه مافيهوش حاجه

[hilal]

المشكلة فين التسريب
في العلب ولا الريش
وهل جربت ابرو للتسريبات

أخي عمرو
التسريب عند نهاية الريش بالقرب من العلبةاليمنى
اشتريت ابرو بودرة بس خفت أستخدمه إلا بعد التأكد من فعاليته

[hilal]

متأكد ان فى تسريب والدوره مش واخده هواء او غطا القربه او الردرياتير نفسه مافيهوش حاجه

نعم تاكدت من وجود تسريب
بعد وقوف السيارة ألاحظ بقعة ماء على الارض أسفل الرادياتير
ونزلت تحت السيارة وجدت آثار مياه التبريد الحمراء في نهاية الريش جهة اليمين

[heldin_67]

خللي بالك ممكن المشكله تكبر حاول تكشف عليه الاول و ان شاء الله تكون بسيطه

[hilal]

خللي بالك ممكن المشكله تكبر حاول تكشف عليه الاول و ان شاء الله تكون بسيطه

أنا فعلا خايف المشكلة تكبر فجأة أثناء السفر
عشان كده كنت بسأل عن جدوى التصليح
وهل التصليح كافي أم أنه حل مؤقت؟

[heldin_67]

كان عندي تسريب في رادياتير الفيرنا و نشع و غيرت العلبه السفليه ب 180 جنيه و مفيش تسريب تاني

[الهواء]

إخواني الاعزاء ، أرجو النصيحة
السيارة فيكترا سي 2007
المشكلة: منذ شهور كان يوجد رشح بسيط أسفل الرادياتير يحتاج لتزويد المياه كل شهر كمية بسيطة
ثم تطور الامر وأصبحت تحتاج لتزويد المياه كل أسبوع
والان أصبحت تحتاج لتزويد المياه كل مشوار
سألت على الرادياتير الجديد وكان سعره كما يلي
في التوكيل 2450 جنيه
عند سرور 1500
عند أمريكان ستارز 1650
في الحرفيين 1450
وإذا كانت النصيحة هي التصليح ، يا تري مين يعرف يصلحه كويس؟
مع الشكر مقدما لكل من يساعد في تقديم النصيحة

باشا ايه الاسعار العاليه قوى دى بتاعت الردياتير انا كنت غيرته جديد 450 جم وشغال بفضل الله زى الفل من كام شهر انا من رايى تغير الردياتير لو فى اى مشكلة بنفس السعر تقريبا كان نوع الردياتير تايلاند.
ومفروض سعر الاستيراد اقل من كده انا كنت غيرت الردياتير فى عربيتى ال 405 بيجو عربيتى الاوله قبل الاوبل استرا وكان اسبانى اصلى نظيف جديد بــ 780 جم من سنه

[Abdo Taha]

الافضل تصلحه يا استاذ هلال لاني شايفه غالي شوية وممكن البدرة تأدي الغرض انا مجرب البدره في تسريب المبخر كان نقصان الميه ده بيروش الواحد كل ثلاث ايام لمبة المية تنور بس الحمدلله المية منقصتش تاني ممشعارف ممكن يمشي مع الردياتير و ﻻ لأ بس انشاء الله بسيطة

[hilal]

باشا ايه الاسعار العاليه قوى دى بتاعت الردياتير انا كنت غيرته جديد 450 جم وشغال بفضل الله زى الفل من كام شهر انا من رايى تغير الردياتير لو فى اى مشكلة بنفس السعر تقريبا كان نوع الردياتير تايلاند.
ومفروض سعر الاستيراد اقل من كده انا كنت غيرت الردياتير فى عربيتى ال 405 بيجو عربيتى الاوله قبل الاوبل استرا وكان اسبانى اصلى نظيف جديد بــ 780 جم من سنه

للأسف لم أجد استيراد
والاسعار المذكورة للرادياتير الجديد ماركة فاليو

[hilal]

الافضل تصلحه يا استاذ هلال لاني شايفه غالي شوية وممكن البدرة تأدي الغرض انا مجرب البدره في تسريب المبخر كان نقصان الميه ده بيروش الواحد كل ثلاث ايام لمبة المية تنور بس الحمدلله المية منقصتش تاني ممشعارف ممكن يمشي مع الردياتير و ﻻ لأ بس إن شاء الله بسيطة

هحاول افكه اولا واشوف امكانية التصليح بس المشكلة اني مش عارف صنايعي كويس
ونظرا لان عملية فك الرادياتير في الفكترا سي شاقة جدا ، مش عاوز افك واصلح بدون فائدة

[amr elsisi]

حط البودرة ومتخافش منها
انا مجربها قبل كدة
بس اهم حاجة مايكونش الفتحة كبيرة
جرب ومش حتخسر حاجة
والله عن تجربة ممتازة

[hilal]

حط البودرة ومتخافش منها
انا مجربها قبل كدة
بس اهم حاجة مايكونش الفتحة كبيرة
جرب ومش حتخسر حاجة
والله عن تجربة ممتازة

على بركة الله
سأضع البودرة في الصباح

[tananybasha]

تغيره لأنه انتهى
دى وجهه نظرى
و اعتقد ان سعره كده معقول
و اللى سألت عليه دى اصلى و لا هندى