الشتاء ... والموسم الذهبى للأوبل

[Hesham.H]

كل سنه وأنتو طيبين بمناسبه الأيام الكريمه ووقفه عرفات والعيد أولا
وكل سنه وأنتو طيبين بمناسبه دخول فصل الشتاء وبدايه الموسم الذهبى للأوبل ... طبعا ولله الحمد الشتاء بيكون رحمه لعربيات كتير خاصه اللى أصحابها بيشتكوا من موضوع الحراره ... بس أنا عندى ولله الحمد فى أسوأ ظروف التشغيل والحراره عربيتى بتوصل ٩٢ وتنزل تانى ٩٠ بعدها على طول وعشان كده كنت قلقان من الشتاء بعكس ناس كتير وهايستغربوا من قلقى
النهارده سافرت القاهره بالطريق الصحراوى ... وانا راجع ماشى ١٢٠ ~ ١٣٠ ودرجه الحراره على الشاشه ٢٠,٥ درجه وكان أمبير الحراره على ٨٠ وده طبعا ولله الحمد كويس جدا
بعد مسافه ولما قربت أوصل درجه الحراره على الشاشه كانت ١٧ درجه وأمبير الحراره ٧٩
السؤال للخبراء هنا :
إيه هى درجه الحراره المثاليه لتشغيل الفكترا ... ولما تقل وتوصل ٧٩ وأقل من كده لأن لسه الجو هايبرد أكتر من كده بكتير بأمر الله
خاصه إن عربيه زى الأوكتافيا حرارتها ثابته على ٩٠ فى كل ظروف التشغيل
كلامنا كله الفتره اللى فاتت كان على الحراره لما تعلى عن الحد المطلوب الأسباب والحلول ... ياريت نتكلم عن الحراره لما تنزل والأسباب والأضرار
تحياتى

[m7nsh]

كل سنه و حضرتك طيب ..
اعتقد ان ده دور محورى من ادوار ترموستات الكوعه .. وهى انها تقفل على الميه (الدافيه بقا مش هنقول سخنه ) و تفضل سايبه حراره الموتور فى رينج ال 80 -82 ولو سخن تفتح تانى وهكذا ..واعتقد اقل من 70 ده مشكله و هيقابلها اللى مش سايب ترموستات الكوعه .. افتكر هيكون من ضمن المشاكل دى خشونه فى الموتور و استهلاك بنزين اعلى و قدره اقل ..

[فادى محمد]

كل سنه و حضرتك طيب ..
اعتقد ان ده دور محورى من ادوار ترموستات الكوعه .. وهى انها تقفل على الميه (الدافيه بقا مش هنقول سخنه ) و تفضل سايبه حراره الموتور فى رينج ال 80 -82 ولو سخن تفتح تانى وهكذا ..واعتقد اقل من 70 ده مشكله و هيقابلها اللى مش سايب ترموستات الكوعه .. افتكر هيكون من ضمن المشاكل دى خشونه فى الموتور و استهلاك بنزين اعلى و قدره اقل ..

+1111111111111111111

[pilotahmed1]

اعتقد ان ترموستات الكوع معير على 80 او اقل والسياره يمكن تصدير الخليج

[Hesham.H]

طيب كلام زى الفل ... يعنى لو اقل من ٧٠ يبقى مش كويس ... يعنى مثلا على آخر الشرط الزرقا يبقى ٧٠ ولا فوق شويه ؟؟

[فادى محمد]

اخر الشرطه الزرقا = 70د

[عمارمطر]

اضرار انخفاض درجه الحراره مثال زياده استهلاك البنزين وصوت خشونه واحيانا برجله وعلى المدى الطويل تؤثر تاثير كبير على الاجزاء الداخليه للموتور لان من الضرورى وصول درجه الحراره الى الحد المطلوب لكى يتمدد الشميز ويعطى للبستم بداخله خلوص معين ليعمل فيه ويؤدى انخقاض الحراره الى سرعه تاكل الشمايز وايضا عدم وصول الزيت الى الحراره المطلوبه يمنعه الى الوصول الى اماكن معينه مما يزيد من وضع الخطر
وترجع اسباب انخفاض الحراره الى ترموستات كوعه المياه فهو المتحكم فى هذا الموضوع والتاكد ايضا ان المراوح لا تعمل مباشر
يا رب اكون قدرت افيد باى معلومه ولو فيه اى خطا ارجو ان تصححو المعلومه اخوانى الاعزاء ولكل المنتدى تقديرى واحترامى

[Hesham.H]

اضرار انخفاض درجه الحراره مثال زياده استهلاك البنزين وصوت خشونه واحيانا برجله وعلى المدى الطويل تؤثر تاثير كبير على الاجزاء الداخليه للموتور لان من الضرورى وصول درجه الحراره الى الحد المطلوب لكى يتمدد الشميز ويعطى للبستم بداخله خلوص معين ليعمل فيه ويؤدى انخقاض الحراره الى سرعه تاكل الشمايز وايضا عدم وصول الزيت الى الحراره المطلوبه يمنعه الى الوصول الى اماكن معينه مما يزيد من وضع الخطر
وترجع اسباب انخفاض الحراره الى ترموستات كوعه المياه فهو المتحكم فى هذا الموضوع والتاكد ايضا ان المراوح لا تعمل مباشر
يا رب اكون قدرت افيد باى معلومه ولو فيه اى خطا ارجو ان تصححو المعلومه اخوانى الاعزاء ولكل المنتدى تقديرى واحترامى

تسلم ايدك و نورت الموضوع بمشاركتك ومعلوماتك القيمه
تحياتى

[احمد فهمى]

كما وضحلك الاخوه الافاضل الترموستات بتحافظ على درجة حرارة المحرك والمحرك له درجة حرارة تشغيل ثابته صيف شتاء اقل او اعلى هتتسبب فى اداء مش طبيعى يعنى قلة درجة حرارة المحرك هتسبب تأكل فى مكوناتو واستهلاك بنزين اعلى والارتفاع فى درجة الحراره بيضر وش السلندر وخلافو فحاول تركب الترموستات او اتأكد انها سليمه