الفاروميو 156 ام اوبل فيكترا b2 نصائحكم للشراء اذاتفضلتم

[creative_art]

انا هحاول افيدك على قد ماقدر .. انا شبه عامل دكتوراه فى الاتنين * على قد خبرتي المتواضعه *

انا راكب اوبل وبحبها .. بس هكون حيادى جدا معاك

من ناحية الألفا ..

نقطة قطع الغيار .. متوفره جدا ، بس عند ناس معينه شغالين فى التيمبرا والالفا واللانشيا ...

وقطع ال156 بالتحديد تعتبر رخيصه مش " غاليه " !! ماعدا طقم البوجيهات بيتكلف 800 جنيه ( موتورها 8 بوجيهات ) وفيه نوع بوجيهات سبور تانى ب450 مش فاكر اسمه


الألفا موتور TWIN SPARK حيوان على الطريق .. وفى النقطه دي يغلب الأوبل * بإكتساح *

موتور 1600 * متعدد الشراره * بيطلع 120 حصان مرتاح ولو شوية tunning فلتر على هيدر شكمان على remapping هتخش فى ال140 لو عايز ..

من ناحية الصنايعيه الى بيشتغلو فيها .. لو انت فى القاهره فيه خالد الفا فى شارع فيصل انا اعرفه شخصيا وراجل على قدر عالي من الاحترام وفاهم فى شغله

تكييف : ممتاز ،،، فرامل + ثبات لا غبار عليهم


من الأخر : محتاجه واحد بيحب يجري ويحرق هيلاقي حيوان معاه عالطريق ... ونت بتتكلم على ال VIP يعني فرش جلد نبيتي ومثبت سرعه وتكييف تاتش وفتحة سقف

نيجي للأوبل ..

قطع غيار متوفره جدا ومرميه استيراد فى كل حته وزي ما فادي قال ارخص قطع غيار المانى !

مش اي صنايعي يشتغل فيها بس صنايعية الاوبل كتير اوي اوي .. * عكس الألفا * يعني لو وقفت منك فى اي مكان هتعرف تتعامل in case of serious damage

اعادة البيع : لو عربيتك نضيفه هتستلم فلوسك ونت واقف .. ومتسمعش الي يقولك اعادة بيع الاوبل

ثبات : الاوبل والألفا زي بعض ... بس الأوبل متفوقه جدا جدا جدا فى "الملفات "

التكييف : فيه عضو بيقول انك تعمل تكيف عموله ... انا عربيتي من 1997 لحد دلوقتي فيها تكييف الفابريكه وهقولك ان شغلي فى برج العرب * اقل حراره 45 * وفى الزحمه بكون فاتحه بسقع وبتلج منه من غير لا تعديل ولا غيره ... الفكره كلها فى سيرفيس مستمر وتاخد بالك منه

الإستهلاك : اوبل تكسب ... مواتير الاوبل اقتصاديه بغباء * شرط الحساسات تكون مظبوطه * ... يعني انا معايا مكنه سوده 1.6 هاف انجكشن بتعمل معايا جوه البلد 210 وعالطرق السريعه 300

فرامل قويه جدا جدا .. وكذلك الأمر في الألفا عشان اكون منصف

خلاصة الكلام ... الأوبل عربيه اقتصاديه مقارنة بالألفا .. وفى الدلع هتلاقيها كويسه برضه .. تنفعك لو انت ميزانيتك محدوده وبتجري برضه مبتقولش لأ .. انا معايا مكنه سوده 77 حصان مثبت 190 مع فانتازيا وانا شايف بصة قهر فى عينه ... بس الألفا 156 لو ركبتها هتجننك وتبسطك اوي بس هتضطر تستغني عن شوية حاجات الى احنا قولناها فوق دي ..

واتمني انى اكون خليتك تستفيد وفى الاول وفى الاخر متنساش الاستخاره

[احمد فهمى]

اوبل بدون تفكير

[casper_600]

شكرا ليكم جدا واشكر بالاخص creative art
علي المقارنة العادله اللي عملها واسال حضرتك انت كنت ولكب الفاروميو ونزلت منها لاني خاسس انك بتتكلم فيها عن تجربه
واشكر العضو ايمن حمدي تشرفت بك كثيرا
وان شالله هكون من اعضاء اوبل الاسبوع دا وربنا يوفق
تحيااااتي

[Hesham.H]

شكرا ياهشام

طيب وايه رايك اناشايف صورة بروفايلك اوبل هل انت راكبها والشكل دااللي انااقصده

ايوه انا معايا فكترا بى ٢ وهى اللى فى الصوره دى ... توكل على الله لو قدامك عربيه نضيفه مش هاتندم بأمر الله
تحياتى

[creative_art]

شكرا ليكم جدا واشكر بالاخص creative art
علي المقارنة العادله اللي عملها واسال حضرتك انت كنت ولكب الفاروميو ونزلت منها لاني خاسس انك بتتكلم فيها عن تجربه
واشكر العضو ايمن حمدي تشرفت بك كثيرا
وان شالله هكون من اعضاء اوبل الاسبوع دا وربنا يوفق
تحيااااتي

قرار صائب وبالتوفيق

الحقيقه انا عندى افضل من التجربه هو انى مجمع ال feedback بتاع معظم الى ركبو الفا ... بالاضافه الى انى اعرفهم رجالة alfa egypt club ودول اكبر ناس بتركب الفا وعارفه كل مسمار فيها ..

الموضوع بيرجع لاحتياجاتك واولوياتك الاتنين عربيات قويه ومش سهله كل منهم ليه مميزاته وعيوبه وفي المجمل العربيتين مفيهمش غلطه .. شوف انت مرتاح لأيه واعمل استخاره واتكل على الله ..

وعن نفسي انا بعشق الاوبل وراكبها حاليا ... ومش بفكر اغيرها غير لو لقيت عربيه تانيه سعرها لقطه وبرضه هرجع للأوبل ,,

انا معايا 1997 مانيوال 1600 سي سي ... وقريب اوي هشتريلها نص كامل اوتوماتيك 2000 سي سي معاها عفشه سبور وجنوط 17 لانى بحب الجري وهي عربيه تستاهل كل مليم يتدفع فيها

[MaaM]

لو هاتجيب الاوبل يبقى تبعد عن المانيوال 75 حصان هاتكره اليوم اللي اشتريت فيه العربية
فيه 3 مواتير تانية احسن وافضل والتلاتة اوتو
- 2.0cc 8v 115 hp
- 1.6cc 16v 100 hp
- 2.0cc 16v 136 hp
الاول مشهور بالموتور الاسود والتانيين ايكوتيك

Sent from my HTC

[ehab_rashwan]

عايز اعرف مكان كمبيوتر الفيكترا بى 1600 الموتور الأسود

[creative_art]

لو هاتجيب الاوبل يبقى تبعد عن المانيوال 75 حصان هاتكره اليوم اللي اشتريت فيه العربية
فيه 3 مواتير تانية احسن وافضل والتلاتة اوتو
- 2.0cc 8v 115 hp
- 1.6cc 16v 100 hp
- 2.0cc 16v 136 hp
الاول مشهور بالموتور الاسود والتانيين ايكوتيك

Sent from my HTC

ممكن اعرف الكلام ده حضرتك قولته بناء على ايه !؟ ..

مع احترامى ده من انجح مواتير الاوبل واقتصادى الى ابعد الحدود ..

صحيح انا عايز اغير الموتور واجيب 16v ايكوتيك مش هنكر الكلام ده .. بس لأني بحب الجري وساعتها ال priority بتاعتك هتتغير وهتدور على موتور اقوي

انما لو راجل سواقته عاديه الموتور ده مش وحش ... المشكله كلها انه بطىء تحت ال60 .. بس بعد كده محدش بيشوفه عالطريق ..

وده لأن العربيه وزنها تقيل جدا

والتجربه خير دليل .. انا مخيط ناس كتير على طريق طوالي فوق ال120 .. واخرهم فانتازيا مثبتين انا وهو لحد 180 وممكن 190

وادي صوره كنت واخدها من فتره مش بعيده

https://fbcdn-sphotos-f-a.akamaihd.n...63296558_n.jpg


الفكره كلها انه موتور اقتصادي موفر فى البنزين قطع غياره رخيصه جدا اغلي حساس فيه مبيكملش 200 جنيه وصيانتها اسهل من اللادا

ونت واحتياجاتك بقه .. ومحدش بيجبرك انك تركب حاجه مش عايزها

[tananybasha]

الله على الكلام اللى اتقال
بجد انا عجبنى
و خاصة المقارنه
و اول مرة اعرف موضوع توين سبارك ده
دى حدوته لوحدها

تسلم ايد الرجاله
و ربنا يوفق صاحب الموضوع فى عربية تعجبه

[Amrgamal1]

بعد مقارنة ( creative_art )
لو انا اللي هختار بردو هختار الـopel

وفي نقطه ان موتور الالفا يكسب الأوبل بإكتساح !!!
موتور الأوبل الايكوتيك 2000 سي سي بيطلع 137 hp من غير اي تعديل ولا حاجه وبردو موفر في البنزين زي ال 1600

[creative_art]

بعد مقارنة ( creative_art )
لو انا اللي هختار بردو هختار الـopel

وفي نقطه ان موتور الالفا يكسب الأوبل بإكتساح !!!
موتور الأوبل الايكوتيك 2000 سي سي بيطلع 137 hp من غير اي تعديل ولا حاجه وبردو موفر في البنزين زي ال 1600

على فكره انا أميل للأوبل واحبها اكتر من الالفا .. ولكن الراجل طلب مقارنه فا حبيت اكون fair شويه

btw

الفا 156 توين سبارك 2000 سي سي بيطلع 155 حصان صافي وسعره 6 الاف جنيه

بس اديك قولتها بنفسك .. موفر فى البنزين .. الي صنع الايكو كان بيدور على حاجه اقتصاديه ومفيهاش Co2 emissions عشان الترخيص فى الاتحاد الاوروبي والمشاكل البيئيه دي


اوبل مش ضعيفه ، موتور اوبل انسيجنا OPC 2.8 تربو بيطلع 325 حصان وواخد 4 اسرع عربيه سيدان فى العالم

بس كل حاجه وليها مميزات وعيوب

[MaaM]

ممكن اعرف الكلام ده حضرتك قولته بناء على ايه !؟

بناءا على حاجتين
التجربة و السؤال
جربت الاوبل مانيوال و اوتو 1.6

وعايز اقولك حاجة ، قبل ما تجيب 190 على الطريق ، كام عربية عدتك ؟! هو ده المضمون
هو انا هاجيب 190 ديه فين ؟ مش على الطريق السريع ومش أي طريق سريع كمان دا لازم يكون تمام اوي زي طريق السخنة واسكندرية الصحراوي وطريق الجيش
لكن تعالى على الدائري مثلا وقولي هاتلحق تجيب الـ 190 ديه فين ؟
تعالى على أي طريق عادي وقولي هاتلحق تجيب الـ 190 ازاي ؟

واما السؤال
فالراجل بيقارن بين الألفا روميو وبين الاوبل
فلو كان بيقارن بين اللادا والاوبل مثلا ، ساعتها مش هايفرق الموتور

[Ahmed salamaa]

انا واحد من ملاك الالفا ثبات جري غرز طابلووووه وهمي مواتير غبية برستيج و تميز قطع غيار استراد مرمية و توفير بنزين = الفا روميو
الاوبل محترمة بس الالفا تكسب في كل النواحي