موتور النور العالي

[alameer81]

السلام عليكم
عندي الفانوسين فيهم مواتير بس ما بتستجيبش ولا بتتحرك
هل لهم فيوزات ؟ لاني مش لاقيهم في علبة الفيوزات
ولو حد يفيدني بالدايرة بتاعتهم علشان امشي وراها
لان كل ما اسال كهربائى يقولي مالهمش لازمة ويتهرب من الشغل فيهم

[Salamonti]

بتبقا المقاومة بتاعة الزرار نفسه هي اللي باظت

غير الزرار وان شاء الله هايشتغلوا معاك زي الفل

[alameer81]

المقاومة دي ي الزرار نفسه؟؟

[وائل شويخ2]

لو فكيت الزر ألى موجود دايما على شمالك

هتلائيه كبيير وجواه دايره الكترونيه ممكن تكون دى ألى أتلفت

[alameer81]

سهله ان شاء الله
احاول افكه وربنا يستر ما اخربقش حواليه

[أحمد جودة]

الافضل ..... شوف كالوج العربية وهيكون شارح كل حاجة بالتفصيل

[alameer81]

هو فين الكتالوج
العربية دي تقريبا الشركة ما عملتلهاش كتالوج
هم حفظوا كل مهندس الكام لوحة الي محتاجهم وخلاص

[فادى محمد]

-قبل ماتغامر بفك الزرار ,حط فرض ان الموتور نفسه بايظ ومحتاج يتغير..تعرف ازاي؟؟
-فك فيشته من الفانوس وهات لمبه 12 فولت واصله بسلكين (تست) ولمس الطرفين لطرفي الفيشه اللي داخله ع المواتير وفي الاثناء دي حد يساعدك ويحاول يحركها من الزرار. لو اللمبه نورت يبقي الزرار سليم والمشكله في الموتور ولو مانورتش يبقي الزرار اللي في مفتاح النور وده مابيتصلحش هتغير مفتاح النور كله علي بعضه

[alameer81]

-قبل ماتغامر بفك الزرار ,حط فرض ان الموتور نفسه بايظ ومحتاج يتغير..تعرف ازاي؟؟
-فك فيشته من الفانوس وهات لمبه 12 فولت واصله بسلكين (تست) ولمس الطرفين لطرفي الفيشه اللي داخله ع المواتير وفي الاثناء دي حد يساعدك ويحاول يحركها من الزرار. لو اللمبه نورت يبقي الزرار سليم والمشكله في الموتور ولو مانورتش يبقي الزرار اللي في مفتاح النور وده مابيتصلحش هتغير مفتاح النور كله علي بعضه

كلام جميل
بس انا مرة فكيت موتور قديم من المواتير ده ولقيته موتور سيرفو , يعني له تلات اطراف اتنين كهربا وواحد كنترول
فمعني كده ان ممكن يبقي واصل له كهربا لكن الكنترول فيه مشكله سواء من المفتاح او من الموتور نفسه
الاختبار الي حضرتك قلته ها يوضح جزئية الكهربا بس

[egyption2012]

اولا هي مواتير النور الواطي مش العالي
ثانيا من الممكن ان المواتير تكون باظت لان عندي موتور شغال والتاني لا
وفيه ملحوظة كمان انك ممكن تنقل المواتير ده لفوانيس ديبو جديدة اللي بتيجي من غير مواتير

[فادى محمد]

انا عندي مواتير للفيكترا ولها 3 اطراف فعلا موجب وسالب وكومون
لما بوصل طرفيها بادابتور 12 فولت بتشتغل وهي في ايدي ماعتقدش
ليها علاقه بالكونترول ياباشا ..

[alameer81]

اولا هي مواتير النور الواطي مش العالي
ثانيا من الممكن ان المواتير تكون باظت لان عندي موتور شغال والتاني لا
وفيه ملحوظة كمان انك ممكن تنقل المواتير ده لفوانيس ديبو جديدة اللي بتيجي من غير مواتير

معليش هم بايظين من ساعه ما اشتريت العربية فمعرفش هم عالي ولا واطي
بس انا ببقي متضاق لما بتبقي في حاجة مش شغاله

[alameer81]

[quote=فادى محمد;3875224173]انا عندي مواتير للفيكترا ولها 3 اطراف فعلا موجب وسالب وكومون
لما بوصل طرفيها بادابتور 12 فولت بتشتغل وهي في ايدي ماعتقدش
ليها علاقه بالكونترول ياباشا ..[/quote
انا ما اقصدش كنترول العربية انما اقصد طرف اشارة للموتور من الكارتة الي في الزرار
بس حضرتك بتوصل الكهربا في اي طرفين بالضبط من التلاته؟؟

[medo111]

الموضوع ممكن يكون جو ه الفانوس نفسو في حاجه زي شنكل بلاستيك كدا ماسك في الموتور والطرف التاني ماسك في الفانوس من جو لما بتشغل الماتور بيحرك الفانوس ممكن يكون الشنكل مش ماسك في الفانوس اصلا وبيتحرك في الفاضي

[alameer81]

اكس الموتور واصل في مكانه في الفانوس