رعشة العربية فى الزحمة

[mrscout]

من كام يوم كدة كنت ماشى فى طريق زحمة قوى وفجأه لقيت العربية عماله بترعش زى ماتكون هتبطل واول ما ادوس بنزين ترجع طبيعية تانى و اول ما الزحمة فكت شوية العربية رجعت طبيعية
حد عنده فكرة اية المشكلة؟
العربية فيكترا سى 2008 ايزىترونيك عامله 47 الف كيلو

[aldesha989]

اخدت بالك من الحراره وقتها ؟
وعملت معاك كده تانى ؟

[mrscout]

الحرارة طبيعية و معملتهاش من ساعتها

[karimnet]

وساخة فى البنزين

[hilal]

بنزين مغشوش

[Abdo Taha]

لو حضرتك فضلت دايس على الفرامل على وضع a او المانيوال في الاشارة لمدة طويلة الدبرياج بيسخن فبعد مده تيجي تسيب رجلك من الفرامل او تدوس بنزين تلاقي العربية زي ما تكون هتبطل لان الدبرياج بيكون زي ما واحد شال رجله من على الدواسة بس بسرعة شوية و الموضوع ده بيحصل كتير عندي عادي مش مشكلة كبيرة اهم حاجة و انت في زحمة او اشارة حاول تخلي العربية على ال N عشان الحركة دي متحصلش كتير لكن بعد ما الزحمة فكت الدبرياج زي ما تقول ارتاح فمعملش مشاكل و الله أعلم و ممكن اللي يأكدلك الموضوع ده و يصححه أستاذ احمد فهمي و استاذ احمد عاشور لانهم معاهم العربية و فهمين فيها كويس جدا .

[mrscout]

لو حضرتك فضلت دايس على الفرامل على وضع a او المانيوال في الاشارة لمدة طويلة الدبرياج بيسخن فبعد مده تيجي تسيب رجلك من الفرامل او تدوس بنزين تلاقي العربية زي ما تكون هتبطل لان الدبرياج بيكون زي ما واحد شال رجله من على الدواسة بس بسرعة شوية و الموضوع ده بيحصل كتير عندي عادي مش مشكلة كبيرة اهم حاجة و انت في زحمة او اشارة حاول تخلي العربية على ال n عشان الحركة دي متحصلش كتير لكن بعد ما الزحمة فكت الدبرياج زي ما تقول ارتاح فمعملش مشاكل و الله أعلم و ممكن اللي يأكدلك الموضوع ده و يصححه أستاذ احمد فهمي و استاذ احمد عاشور لانهم معاهم العربية و فهمين فيها كويس جدا .

الف شكر يا باشا انا فعلا بفضل على a فى الزحمة كتير و زى ما حضرتك بتقول هجرب اجيبها على n فى الزحمة تانى واجرب