سؤال فني

[ahmadfouda81]

كل عام وانتم بخير
امبارح كنت بغير الطنابير عند العفشجي ...لقى سلك كده ملوش لازمه طالع من التيل على الناحيتين
فراح شايله...المهم بعدها لمبه كده نورت فالشاشه اللي عالجنب__احتمال لمبه التيل؟
المشكله الان الا abs معدتش حاسس بيه تحت رجلي(مفيش الرجه بتاعته دي , والعربيه رجعت تزحف)
مع ان لمبته بتنور مع الكونتاكت وتطفي عادي بعد كام ثانيه كده
هل ممكن يكون لسلك التيل علاقه بال abs؟؟؟؟؟


معلش طولت عليكو

[eng.salama93]

غالبا السلك دا بيقيس التيل
يعني اللمبة اللي متوصله بالسلك دا بتنور لما التيل يخلص
و متابع لأن عندي نفس المشكلة

[aldesha989]

سلك ملهوش لزمه على النحيتين فى التيل شاله :d

ايه الدماغ دى الله ينتقم منه يا شيخ ده شال فعلآ السلك اللى بيقيس مستوى التيل فاضل فيه قد ايه ولو خلص اللمبه تفضل منوره بوظلك التيل منه لله

[Hesham.H]

ده سلك بيقيس التيل فعلا زى ما الإخوه أجمعوا وازاى سلك فى العربيه مالوش لازمه ؟؟ ياريت تروح لواحد بيفهم يشيك على شغله

[tananybasha]

ايوه
سلك ملوش لازمه
الخواجة حطه عشان لما عبقرى يكتشفه
يروح شايله
و يبلغ الخواجة انه حمار و بيحط زيادات فى العربية

[haisam ali]

هههههههههههههه وربنا مسخره ...........! الحمد لله على نعمه العقل

[romiobasha]

اذاى يشيل السلك ويسيب التيل راكب ما كان شال التيل بالمره
هو لسا فى ناس كده
ويا ترى بقى اخد كام فى الليله دى
و يا ريت تقولنا هو شال السلك اذاى قصه ولا فك فيشه؟؟؟

[ahmadfouda81]

حد عنده فكره ازا كان للموضوع ده علاقه بال abs؟
ولا يكون الabs باظ لوحده من حاجه تانيه ؟

[AHMADALY1999]

طالما اول ما عملت صيانة عنده بعدها ظهرت مشكلة ال abs يبقى تشك فى شغله من اوله لاخره خاصة السلك اللى "ملهوش لازمة" اكيد ليه لازمة مبدئيا يرجعه زيى ما كان حتى لو مشكلة ال abs مراحتش بس لازم يركب السلك تانى و تشك فى بقيت شغله

[ayman hamdy]

السلك ده ملوش علاقة بال ايه بي اس نهائى دة مقياس تيل الفرامل وفيه ناس كتير شيلاه ده مش مشكلة خالص
المهم فيه اربع فيش فى الاربع عجلات بتوع اربع سينسورات بتاع ال ايه بي اس شيك عليهم ربما المكانيكى هز فيشة منهم هو اللى فصل ال اي بي اس بس اللزاى لمبة ال ايه بي اس عندك مش منورة ؟ وال ايه بي اس مش شغال غريبة دى