الى خبراء فتيس الفيكتـــرا

[superkenwood]

يتم تصنييف زيوت الفتيس المنيوال على ثلاث تصنيفات:
1. زيت معدانى (عادى) و زيت تخليقى
2. درجة اللزوجة و ذلك طبقً لجمعية مهندسى السيارات الامريكية (sae)
3. احادى اللزوجة او متعدد درجات اللزوجة.
معلش الموضوع معقد شوية بس انا بحاول ابسط الكلام العلمى لغير المتخصصين.
الزيت المعدنى رخيص و الزيت التخليقى غالى
اشهردرجات اللزوجة لزيت الفتيس المنيوال فى مصر كالتالى:
1. Sae 90 معدنى احادى الدرجة خفيف
2. Sae 140 معدنى احادى الدرجة تقيل
3. Sae 85w-140 معدنى متعدد الدرجات
4. Sae 75w-90 تخليقى متعدد الدرجات.

بعد هذا التوضيح انا شايف ان المشكلة بتاعتك اما ان تكون دبرياج (اسطوانة و دسك) او غوايش فتيس، الموضوع مش زيت خالص.
انا رايى انك تقوم اولاً بتغيير الزيت الى
Sae 85w-140 (الكلام دة مكتوب على اى عبوة زييت ) ولو المشكلة لسة موجودة اذهب الى احمد الدبوبى فى فيصل 0126047277 – 0129333124
و لا تقلق الفتيس المنيوال بسيط و سهل و ممكن تغيرة بواحد استيراد بالف او الف و نص بكتيير اوى.

أشكر المهندس المتألق دائما mohamedGM على هذه المعلومات التي أفادتنا جميعا

هل لو ذهبت للتوكيل مثلا أقوله عايز أغير زيت فتيس وأشترط عليه النوع (140-85w-Sae) ؟

وكم سعره تقريبا .. والفتيس المانيوال بيأخد كام لتر تقريبا ؟

وهل لو حطيت زيت الفتيس واستمرت المشكلة وذهبت بعدها لأكشف عليه وحليته لاقدر الله عل حيروح عليا الزيت اللي غيرته ؟؟

[MohamedGM]

مشلازم تروح التوكيل روح اى محطة بنزين موبيل او شل او كالتكس كل المطلوب منك هو التاكد من درجة لزوجة الزيت الذى يتم وضعة فى الفتيس .

تخيل انا مش فاكر تمنة و انا بشتغل فى الزيوت!!!!

تقريباً اللتر يعمل 12 -15 جنيهاً و الفتيس حياخذ حوالى من 3 الى 4 لتر بكتير و هىة اساساً العبوة 4 لتر.

لو المشكلة فى الاسطوانة و الدسك يبقى الزيت مش هيروح ولكن لو المشكلة غوايش يبقى لازم تنبة الميكانيكى يحافظ على الزيت و ربنا يسهل و تطلع حاجة بسيطة ان شاء الله