ما هى درجه الحراره المثاليه لاوبل كورسا b

[magicworld2]

ياريت من الاعضاء ما هى درجه الحراره المثاليه لكورسا 1200 سى سى عشان تكون كويسه فى السحب و استهلاك البنزين و ميحصلش حاجه بمكونات المحرك

[saddam]

صديقي المواطن
كل اﻷخوة المواطنين اﻷعضاء حيقلك 90 أو 91 تسعينات يعني ولكن أنا من واقع خبراتي فشايف 82 أحسن حاجة للمحرك عشان يطول عمر مكوناته الداخلية وبالتوفيق وإلى اﻷمام ومن نصر إلى نصر ودمتم للنضال

[kar!m]

صديقي المواطن
كل اﻷخوة المواطنين اﻷعضاء حيقلك 90 أو 91 تسعينات يعني ولكن أنا من واقع خبراتي فشايف 82 أحسن حاجة للمحرك عشان يطول عمر مكوناته الداخلية وبالتوفيق وإلى اﻷمام ومن نصر إلى نصر ودمتم للنضال

بس يا أستاذ صدام درجة حرارة المحرك الداخلية دي حاجه يحددها المُصنع حسب التصميم اللي هو عاملة و الطريقة اللي صنع بيها المحرك و المواد اللي داخله في تركيبه .. و المُصنع بدوره بيقول المعلومة دي في دليل المستخدم عشان مالك السيارة يعرف درجة الحرارة المناسبة و ميقلقش لو شايفها زيادة مقارنة بعربيات تانية.

بشكل عام العربيات الألمانية درجة حرارتها أعلى من اليابانية و ده مقصود في التصميم و ميعبش العربية في حاجه.

[elewey]

صديقي المواطن
كل اﻷخوة المواطنين اﻷعضاء حيقلك 90 أو 91 تسعينات يعني ولكن أنا من واقع خبراتي فشايف 82 أحسن حاجة للمحرك عشان يطول عمر مكوناته الداخلية وبالتوفيق وإلى اﻷمام ومن نصر إلى نصر ودمتم للنضال

معلش انا اسف الكلام دة مش مضبوط وممكن يمشى مع اى عربية تانية غير الاوبل بالنسبة للكورسا لو مركب الترموستات الاصلى و ترموستات الكوعة مش ملغى حتلاقى الحرارة عند 90 وبتعلى لغايه ماتوصل للنص و دى درجة الحرارة الطبيعية بتاعتها

[saddam]

معلش انا اسف الكلام دة مش مضبوط وممكن يمشى مع اى عربية تانية غير الاوبل بالنسبة للكورسا لو مركب الترموستات الاصلى و ترموستات الكوعة مش ملغى حتلاقى الحرارة عند 90 وبتعلى لغايه ماتوصل للنص و دى درجة الحرارة الطبيعية بتاعتها

صديقي المواطن
قولا واحدا كلامك على رأسي من فوق ولكن.أرجوك بلاش تقول لي يمشي مع أي عربية غير اﻷوبل ﻷن أنا من غير مزعج حضرتك أنا أكثر من إمتلك أوبل أظن بعد التوكيل هو أنا رغم إني مش من هواتها ﻷني كنت مستورد لها من ألمانيا للعراق والخليج وكمان لما حصلت الحرب هناك والسوق إتضرب كان عندي خزين عربيات أكثر من 55 عربية معظمها أوبل وجولف وأحب أصدمك كنا تقريبا بنشغلها تكس لمدة سنتين من غير نمر وجبناها من أول كاديت 88 لفكرات ثم أوميجات ثم سيناتور ومن أول محركات 1400 لغاية 3000 ومن كثر اﻷعطال فتحت ميكانيكي بمرتب يومي لﻹصلاح اﻷعطال وحقولك كلمة مش حتصدقها هناك المكنة بتتغير من غير إثباتها عالرخصة وتصدق كنت بغير المكنة ب 40 دولار يعني قول 300 جنيه وكنت أحيانا بغير مكنتين تلاتة عشان أقتنع بوحده نظيفة وأنا عارف أنا بقول إيه قطع الغيار التي تركب في السيارات عندنا كلها تجاري وليست أصلي والحرارة العالية بتسبب مشاكل كتير وأنا مش بقلك خليها 70 ولكن مكنة حرارتها 85 طول الوقت ونفس المكنة حرارتها 92 طول الوقت ونغس الزيوت وظروف التشغيل فمن وجهة نظرك مش حتستمر اﻷولى عمر أكثر من الثانية من سنة إلى سنتين فأرجوك كلامك على رأسي وأنت صح وأنا مخطيء دوما.لكن متقولليش الأوبل غير
وبالتوفيق وإلى اﻷمام ومن نصر إلى نصر
ودمتم للنضال

[pilotahmed1]

الاخ صدام ياريت تعطينا فكره عن السيارات المصدره للخليج ه تختلف ماكنتها عما هو موجود يقال اكثر جوده ورفاهيه
بالنسبه للاوبل تكون الحراره المثاليه مكتوبه على الراديتر جنب فتحته