كورسا 2005

[Martin5555]

انا بفكر أوبل كورسا موديل 2005 مانيوال

هي معروضة عليه ب 55 ألف جنية ، كنت عايز اعرف هوه كده مبالغ شوية في شعرها ولا لأ؟
وحالتها العامة كويسة
وفابريكة بره ومعظم الخوارج وعاملة تقريباً 90 ألف كم

أصحابي بيقولولي بلاش الكورسا علشان قطع غيارها غالية وبرده مش قوية خالص ، وهتتعبك كل شوية تصليح ؟

أرجوا النصيحة الأمينة علشان انا مش عارف اخد قرار ، اكمل واشتري الكورسا ولا اغير تفكيري في عربية تانية ؟

[bebo12]

السعر يمكن غالي شويه..
لاني انا وزملائي جايبن على 51 و 52 و48 خلال السنه دي..

...................
قطع الغيار في منها الرخيص والغالي..يعني هتلاقي التركي والالماني والكوري والصيني...
في قطع غيار ممكن غاليه شويه..بس انت تركبها وتنساها...
.........................
الكورسا ركوبه محترمه وثبات على الطريق بالنسبه لللانوس او الفيرنا....
لو انت ركبت العربيات دي..وبعدين ركبت الورسا..هتحس بفرق كبييييييير :)

[hammad2010]

بسم الله الرحمن الرحيم
اولا كل سنة وانت طيب ياباشا وعيد سعيد عليك ان شاء الله

ثانيا بالنسبة لسعر السيارة اللى معروضه عليك كده رايي الشخصى انك ممكن تنزل فيها كمان 4 او 5 الاف يعنى انا شايف ان 50 ىبقي حلو عليها اوى

بالنسبة للسيارة بصفة عامة هى جميلة جدا بالنسبة لفئتها السعرية يعنى افضل سيارة فى السعر ده

وقطع غيارها سعرها معقول جدا بس فى منها غالى جدا وده بالنسبة للتوكيل انما حتلاقى محلات فيها القطع دى واصلية وحلوة جدا وبسعر كويس بالاضافة ان فى قطع غيار كتير مشتركة بينها وبين الدايو

يعنى انا مثلا بمتلك السيارة دى بقالى 7 سنين واشتريت قطع غيار كتير قبل كده سواء من محلات او من التوكيل بس فى قطع معينة احب اجيبها من التوكيل زى السيور بعض اجزاء العفشة عشان ابقي مطممن خالص

يعنى مثلا الفلاتر بجيبها من المحلات والتيل والبوجيهات والطلمبات وكده يعنى

وبصراحة التوكيل بتاعها بيبالغ بالاسعار اوى يعنى مرة كنت عايز اشترى وش سلندر عشان كنت فاكر انه باظ سالت التوكيل كان بحوالى اكثر من 7 الاف ولقيته استيراد بحالة الزيرو ب 1000 والمكنة كلها بحوالى 5 الاف ونص

والحمد لله السيارة قوية وصيانتها سهلة بس العربية ضيقة شوية وناشفة شوية فى المطبات انما ثباتها معقول جدا وسريعة وتكييفها حلو وعفشتها قوية ماشاء الله

توكل على الله وشوفها بس اتاكد الاول من حالتها اكشف عليها عند ميكانيكى وعفشجى كويس واطمن وتوكل على الله واى استفسار انا فى الخدمة

[Martin5555]

ربنا يخليكم يا رب وكل سنة وأنتم بخير وألف سلامة؟
يعني أتوكل على الله واروح اشوفها ، انا أول مرة هاشتري عربية في حياتي ، وبتعلم السواقة وماشي الحال لغاية دلوقتي ، بس انا مش عايز مفاجأت وفي نفس الوقت عايز اجيب عربية تريحني من المواصلات وبهدلتها ،
انا هاخد بكلامك يا باشا وأنزل في سعرها لغاية ال 50 ، وفي نفس الوقت انا كنت شوفت تريوس 2000 حالتها حلوة أوي بس صاحبها ماس على 46 ألف واصحابي قلولي كتير اوي عليها ،
صاحبي معاه دايو لانوس وبيرشحلي اني اشتري لانوس ، بس بصراه انا مش ميال للكوري خالــــــص ، بفكر في التريوس أو الكورسا ،
يعني في رأيك انا مش هاروح الف على قطع الغيار كتير وسعرها بالنسبة لليباني اعلى كتير ولا معقول الفرق اللي ما بينهم ؟

انا تعبتك معاياه بس معلش استحملني شوية

[Martin5555]

وايه الفرق بين الاسترا والكورسا ؟
يعني هل الاسترا احسن من الكورسا ، فيه عربيه استرا 2002 برده بنفس السعر ؟
رأي حضرتك ايه ؟

[hossamalsadik]

الكورسا عربيه جميلة
وطلما واحد عارضلك تجربته وطمنك توكل على الله
و طلما حجتها موجوده إستيراد يبقى اطمن عشان ده هيوفر عليك كتير فى اى حاجه هتلاقيها غاليه جديدة

وكل سنه وحضراتكم طيببن

[Mohamed_Hamid]

متابع معك برضه لأنى دى ان شاء الله اول عربية وبفكر فى اللانوس اوالكورسا.

[Moabany]

اكشف عليها كويس لو سليمة وتمام
توكل على الله ومش حتفرق 5الاف جنيه فرق
لانك ممكن تدفع اكتر منهم لو اتدبست في حاجة مش تمام