النور العالي ظعيف..والكهربائي عاوز يركب كتاوت؟؟؟

[bebo12]

السلام عليكم..

العربيه كورسا 2005

النور العالي فيها ظعيف....

سالت الكهربائي..قالي نركب كتاوت تقويه ونجيب لمبه اعلى للعالي وللواطي...

.يعني كده هيقطع ويوصل في الاسلاك ويغير في دايره الكهربا .؟؟؟..!!

العمليه دي ليها اي تاثير سلبي على العربيه؟؟؟

انا محبتش اخليه يشتغل لغايه مااسالكم هنا الاول..!!


وشكرا مقدما :)

[aldesha989]

ملهاش تأثير سلبى غير ان لو العربيه فى الضمان هتخرج منه
لو مش فى الضمان عادى يعنى مافيش مشاكل

لكن خلى كهربائى نضيف اللى يعملك الموضوع ده وما يخليش شكل حوض العربيه معفن بسبب الاسلاك

بس اللمبات اللى عندك كام ؟
وايه اللمبات البديله لانى عندى كتاوت على اللمبات ومركب لمبات 90/100 بس مش عجبنى برضه حاسس انهم فى الطرق الضلمه الكبيره فس ولا ليهم لزمه وطبعآ مش هركب زينون بس عايز لمبات محترمه نضيفه عاليه اوى

[MaaM]

الفوانيس نضيفة ولا مصفرة ؟
كان فادي قال لو غيرت اللمض وجبتها 100 واط هاتفرق كتيير ، جرب أحسن من الكتاوت

[mahmoud85]

عادي جدا
وده الحل الوحيد انك تركب كتاوت لانك لو ركبت لمبه اعلي من غيره دراع النور يسيح
المفروض انه مش بيقطع ويغير غير مسافه بسيطه وهي من اللمبه وراجع للمبه تاني يعني المساله بسيطه ان شاء الله وفي انتظار الخبراء

[bebo12]

ملهاش تأثير سلبى غير ان لو العربيه فى الضمان هتخرج منه
لو مش فى الضمان عادى يعنى مافيش مشاكل

لكن خلى كهربائى نضيف اللى يعملك الموضوع ده وما يخليش شكل حوض العربيه معفن بسبب الاسلاك

بس اللمبات اللى عندك كام ؟
وايه اللمبات البديله لانى عندى كتاوت على اللمبات ومركب لمبات 90/100 بس مش عجبنى برضه حاسس انهم فى الطرق الضلمه الكبيره فس ولا ليهم لزمه وطبعآ مش هركب زينون بس عايز لمبات محترمه نضيفه عاليه اوى

بصراحه مش عارق المبات عندي كام ..وهو عاوز يحط كام..!!

بس هي دي مش بتاثر على الشحن او الدينمو او مستوى التيار الداخل ... لو انا ماشي ومشغل العالي؟؟..

لان في واحد كان عاملها قبل كده في لانوس وكان لما يشغل العالي..نور التابلوه بيضعف اوي..

[bebo12]

الفوانيس نضيفة ولا مصفرة ؟
كان فادي قال لو غيرت اللمض وجبتها 100 واط هاتفرق كتيير ، جرب أحسن من الكتاوت

الفوانيس كويسه تقريبا مش مصفره.. دي صورتها
اعتقد انه مينفعش اركب لمبه عاليه بدون الكتاوت لانها هتاثر على دايره الشحن..

[bebo12]

عادي جدا
وده الحل الوحيد انك تركب كتاوت لانك لو ركبت لمبه اعلي من غيره دراع النور يسيح
المفروض انه مش بيقطع ويغير غير مسافه بسيطه وهي من اللمبه وراجع للمبه تاني يعني المساله بسيطه ان شاء الله وفي انتظار الخبراء

شكرا على الافاده....هتوكل على الله واركب وان شاء الله اوافيكم بالنتائج...
:)

[A.Saad]

كلام الكهربائى صح

[A.Saad]

كلام الكهرباتئ سليم

[bebo12]

كلام الكهرباتئ سليم

شكرا جزيلا على النصيحه...


هتوكل على الله ..واوافيكم بالنتائج والتكاليف..

[aldesha989]

ممكن تأثر لو البطاريه عندك صغيره وشحن الدينمو ضعيف تلاقيى العربيه بتسحب منك او بترجرج لما تشغل النور العالى لكن لو البطاريه عندك كويسه والدينمو شحنه سليم مش هتحس بأى مشكلة

[saddam]

صديقي المواطن
لا يوجد أي تأثير بالعكس دي من المستحبات ولكن كلمة السر في الكهربائي النظيف عشان المنظر العام وبنعملها كتير في عربياتنا ولكل حاجة تقريبا مش بس للأنوار
وبالتوفيق وإلى اﻷمام ومن نصر إلى نصر
ودمتم للنضال

[hilal]

أعتقد أنه لازم تجرب تقوية الارضي أولا
فلقد قرأت أن له دور في تقوية النور وتحسين كفاءة الاداء بصفة عامة

[Hesham.H]

تركيب الكتاوت فى حد ذاته حاجه كويسه وعمرها ما بتبقى سلبيه ... دى نمره واحد
ثانيا لازم تركب عند كهربائى كويس وتكون السلوك نضيفه ومحمله وتكون مقاس ٦ ملى ومش اقل من كده عشان تكون ليها لازمه

الحاجه التالته والأهم انك ما تسلمش نفسك للمبات اللى يكتبلك دى ٢٦٠ وات و١٠٠ وات وخلافه ... دى نصبايه كبيره يا اخوانا صدقونى عن تجربه مافيش احسن من اللمبه الماركه حتى ولو وات قليل

انا بعد معاناه روحت جبت طقم لمبات غالى شويه بس بصراحه فى منتهى الروعه وللعلم اللمبه ٥٥ وات !!!
اللمبه اسمها osram night breaker
لو عاوزها هتلاقيها عند الابيارى فى التوفيقيه وانا جايبها من هناك
تحياتى

[bebo12]

شكرا يااستاذ صدام وهشام على النصحيه..وان شاء الله هروح للكهربائي لعمل التقويه في اقرب وقت واوافيكم بالنتائج..
و
شكرا يااستاذ هلال على هذا التوضيح..وانا هطلب من الكهربائي..ياخذ باله من هذه النقطه اولا قبل تركيب اي شيء.

شكرا جزيلا للجميع على المساعده...