اوبل فيكترا ام كورسا للشراء

[mooonlight]

السلام عليكم :)

يا جماعة انا عايزة اجيب عربية ودي اول مرة وعلشان تبقى حاجة نظيفة اخترت اوبل
بس اولا انا محتارة بين اوبل كورسا 1998 او 1999 و بين اوبل فيكترا برضه 1998 او 1999
ياريت تفديوني اني احسن لاني لاحظت اسعارهم قريبة من بعض

تاني حاجة انا محتارة مانيوال ولا اوتوماتيك مع العلم الميزانية بتاعتي 40000 كحد اقصي واني عايزة ابقى بعرف اسوق اي حاجة مش اوتوماتك اللي هي مش سواقة اصلا..

شكرا جدا ومنتظرة الردود :)

[saddam]

صديقتنا المواطنة
طبعا الفيكترا قولا واحدا أفضل من الكورسا بسنين ضوئية ولكن المشكلة فلوسك الوطنية مش حتجيبلك حالة نظيفة لازم تزوديها كام مليون قرش وبالتوفيق وإلى اﻷمام ومن نصر إلى نصر
ودمتم للنضال

[Hesham.H]

٤٠٠٠٠ بصراحه مش هايجيبوا فيكترا اللى تريحك .. وهاتبقى عاوزه شغل مش هاتقدرى عليه .. ممكن الكورسا تبقى افضل من وجهه نظرى ومش عارف بصراحه الكورسا فيها اتوماتيك ولا ايه
وموضوع اتوماتيك من مانيوال بتبقى على حسب راحه اللى هايسوق .. بس لو فى القاهره يبقى لازم انصحك باتوماتيك عشان الزحمه متعبه جدا فى الفتيس المانيوال عن تجربه عشان عربيتى مانيوال بعكس الطرق المفتوحه اللى بيكون رائع فيها
تحياتى

[loda80]

40000 ألف يادوب فيكترا 95 حالة معقوله

[احمد فهمى]

ممكن تجيب فيكترا a تدور على حاله كويسه هتكون تحت ال40 ودى افضل من الكورسا لأن ال40 صعب تلاقى فيكترا b سليمه

[ah-elgendy]

بالسعر ده بلاش تجيبى اوبل علشان لو حالتها مش كويسه هاتكرهى العربيه و اليوم اللى جبتيها فيه و هتصرفى عليها علشان تبقى عربيه
وانتى عاوزه عربيه كبيره ولا صغيره ولا هاتشباك

[Mamoud salah H]

اظن بالنسبة لحضرتك ولمعظم البنات او السيدات بيفضلوا العربية تكون هاتشباك صغيرة وبناء علي كدة انا ارشح الكورسا بس للعلم مفيش منها اوتوماتيك

النقطة التانية ان المبلغ الي مع حضرتك ميجيبش فيكترا 1998 حالتها حلوة بالعكس هتكون عايزة مصاريف مش قليلة +انها كبيرة اوي علي بنت

[hilal]

اسمحي لي أن أختلف مع الزملاء
أنا شايف ان الاوبل المستعملة لا تصلح للسيدات لأنها هتتعب مع صنايعية أوبل لأن كلهم دكاترة ومتنعنطزين
كما أنها لن تستفيد من أهم مميزاتها مثل الثبات على السرعات العالية
وكل السيدات لا يحبون السرعات العالية
أعتقد لو ياباني أو كوري أو حتى صيني ستكون سيارة مناسبة طالما مستعملة
مع تحياتي

[a_mokhtar]

كورسا أنسب عربية أوبل للبنت

[loda80]

ممكن تجيب فيكترا a تدور على حاله كويسه هتكون تحت ال40 ودى افضل من الكورسا لأن ال40 صعب تلاقى فيكترا b سليمه

مع كامل احترامى لرائيك يا أحمد بس انا رحت السوق الجمعه اللى فاتت وشفت أوبلات a بس مشنات والبارومة وكلاها دا غير مشاكل فى الموتور أغلبهم التكييف مش شغال وبيطلبوا فى أواخر التلاتينات أنا رايي الشخصى فيكترا ايه نظيفة (بدون مشاكل على الاطلاق) من 40 الى 45 فيكترا بى 1 نظيفة من 50 الى 55 وتقبل تحياتى

[mooonlight]

انا بجد بشكركم كلكم جدا جدا جدا على الردود اللي فادتني جدا

انا فعلا عرفت ان 40000 ميجبوش فيكترا كويسة :(

بالنسبة للثبات فانا محتاجة عربية ثباتها كويس لاني للاسف سريعة في السواقة

انا دلوقتي اخري بجد 45000 ممكن تقولولي المبلغ ده يجيب ايه اوتوماتيك يكون كويس جدا وزي ما انتوا قلتوا ميخلنيش الف على الميكانيكية كتير واكره العربية واليوم اللي جبتها فيه

شكرا جدا مرة تانية وستنية رأيكوا :)

[Mamoud salah H]

انا بجد بشكركم كلكم جدا جدا جدا على الردود اللي فادتني جدا

انا فعلا عرفت ان 40000 ميجبوش فيكترا كويسة :(

بالنسبة للثبات فانا محتاجة عربية ثباتها كويس لاني للاسف سريعة في السواقة

انا دلوقتي اخري بجد 45000 ممكن تقولولي المبلغ ده يجيب ايه اوتوماتيك يكون كويس جدا وزي ما انتوا قلتوا ميخلنيش الف على الميكانيكية كتير واكره العربية واليوم اللي جبتها فيه

شكرا جدا مرة تانية وستنية رأيكوا :)

45 الف يجيبوا

نوبييرا 1 موديل 1997 اوتو
نوبيرا 2 2002 2003 بس في ناس بتعيب علي الاوتوماتيك بتاعها مش عارف ليه
كيا شومة مش عارف موديل كام
كيا سيفيا اوتوماتيك بس مش متاكد من الموديل بس ممكن 1999 او 2000
يجيبوا دايو ليجانزا 2000سي سي بس عربية سفينة وكبيرة اوتوماتيك
يجيبوا سيات ابيزا موديل 2000:2002 بس دي مانيوال بس عربية حكاية
ممكن لانسر كريستالة 1996:1998
هيونداي اكسنت 2004:2005