الكوعة ووش السلندر

[Hossam Elsabey]

السلام عليكم ورحمة الله وبركاته
انا عربيتى فيكترا 99 1600 مانيوال .. وبداية انا من قنا عشان لو حد هيفيدنى فى قطع الغيار وبدائلها
للاسف عندى مشكلة قابلتنى فى اول مشوار طويل ليا بالعربية حوالى 200 كيلو
العربية كانت ماشية بسم الله ماشاء الله مرتاحة
والحرارة كانت من 85 وتطلع لغاية 92 وبعدين تنزل تانى
وقفت فى نص الطريق اريح شوية وبعدين كملت
مافيش 30 كيلو ولقيت الحرارة وصلت لغاية 97 وعمالة تطلع وجابت المية وبتدخل على الخط الاحمر رحت ركنت العربية وفتحت الكبوت لقيت صوت تنفيس جاى من الكوعة بتاعت الرادياتير
لقيت فيها شرخ طولى قبل دخولها على الموتور
استنيت لغاية العربية ما بردت وفكيت الكوعة ولفيت عليها شريط لحام وكيس بلاستيك وشريط لحام تانى قلت توصلنى لاقرب مكان فيه شبكة لان الطريق كله مافيش شبكة محمول شغالة فيه وكان معايا الاولاد والدنيا باليل حوالى 7
المهم خلال الفترة دى انا واقف مشغل النور الكبير والعالى ( زينون ) والانتظار والكاسيت
حطيت 4 لتر مية فى العربية وهى بطالة وبعدين جيت اشغل ما اشتغلتش لقيت البطارية ضعيفة .. المهم دورت زق وروحت البيت وركنتها ( مع العلم انه وانا مكمل لغاية البيت بطلتها مرتين ودورت من غير اى مشاكل )
استفسارى بقى ياريت تفيدونى عن كذا حاجة
1- الكوعة دى تساوى كام تقريبا ولو ما لقيتهاش اجيب كوعة انهى عربية تبقى واخدة نفس التكسيحة بتاعت الكوعة اللى عندى فى الفيكترا بى 99
2- بعد مادورت العربية الحرارة بقت على 80 ولما زادت وصلت 90 بعد فترة كبيرة غير اللى انا متعوده من العربية ... ياترى معنى كده ايه وهل ده طبيعى ولا فى حاجة ؟؟؟
3- عايز اطمن انه مافيش اى مشكلة او تسريب من جوان وش السلندر او اى جوانات فى دايرة المية .. ياترى اعمل تشيك على ايه وهيبان معايا ازاى ؟؟
4 كنت ملاحظ قبل الموضوع ده ان المية بتخس شوية بس مش كتير يعنى كل يوم حوالى 200 ملى من القربة ... هل ده كان بسبب الشرخ ولا ممكن يكون فى حاجة تانية ؟؟

شكرا لسعة صدركم واتمنى الرد من اكتر ناس فاهمة اوبل صح ... تسلموا
جزيتم خيرا

[Mecha]

take the radiator cap out
fill water or coolant
start the engine till normal temperature
rev the engine
if you see shock in radiator or a lot of bubbles
then the head need to be disassembled

[Hossam Elsabey]

take the radiator cap out
fill water or coolant
start the engine till normal temperature
rev the engine
if you see shock in radiator or a lot of bubbles
then the head need to be disassembled

الف شكر يا باشا وهعمل كده ان شاء الله

بس ياريت تقولولى لو ما لقيتش الكوعة بتاعت الفيكترا بى .. ايه ممكن يركب لها كبديل ؟؟؟

[فادى محمد]

لازم بتاعتها اللي تركب هي عليه فيبر في اخرها الكوعه ب120ج , او تغير الرادياتير كله

[Hossam Elsabey]

لازم بتاعتها اللي تركب هي عليه فيبر في اخرها الكوعه ب120ج , او تغير الرادياتير كله

الف شكر ليك يا فادى باشا
انا اقصد الكوعة الكاوتش مش علبة الرادياتير اللى فى اخرها الجزء اللى عامل زى الماسورة
لان اللى فهمته من كلامك انك تقصد الجزء اللى فى الرادياتير من فوق وبتركب عليه الكاوتشة اللى اتقطعت عندى .. وياريت لو غلطان تصححلى المعلومة يا باشا

[جوكر المصرى]

الف شكر ليك يا فادى باشا
انا اقصد الكوعة الكاوتش مش علبة الرادياتير اللى فى اخرها الجزء اللى عامل زى الماسورة
لان اللى فهمته من كلامك انك تقصد الجزء اللى فى الرادياتير من فوق وبتركب عليه الكاوتشة اللى اتقطعت عندى .. وياريت لو غلطان تصححلى المعلومة يا باشا

بص يا باشا الكوعه ده فكها ولو ملقتهاش حاول توضب عليها كوعه نفس الشكل والتكسيحه اما الطوا مش مهم ممكن يتقصر وشكرا

[فادى محمد]

معلش يا جماعه مش عارف تقصدوا ايه؟؟ ياريت توضيح اكتر؟

[MaaM]

تقريبا يا فادي يقصد خرطوم الريداتير اللي طالع منه وداخل على الموتور من خلال الكوعة اللي بتركب فيها الترموستات


لـ Hossamelsabey
لو هي ديه تقدر تشتريها من أي محل قطع غيارات بتاع اوبل أو حتى بتاع أي عربية تانية بس تكون نفس المقاس
وطبيعي التسريب اللي كان عندك منها
وغلط انك تزود كل يوم مية وتصبر عليها لأن طبييعي باردوا انها تيجي عليها يوم والمية تخرج من أضعف مكان زي اللي حصل معاك وربنا يسترها معاك

[فادى محمد]

تمام كده يا محمود..بسيطه بيتغير.

[Hossam Elsabey]

الف شكر ليك يا Maam على التوضيح بالصورة
وشكرا للاستاذ فادى والجوكر

انا جبتها استيراد من عند واحد بتاع اوبل ب 70 جنيه حالتها كويسة وركبتها والدنيا تمام بس لسه ما شفتش المية بتنقص ولا لاء ... والحرارة حاليا مابين 85 و 92 ياترى كده مزبوطة ولا عالية شوية علما بان الجو كويس يعنى حرارة الجو حوالى 24
ياترى سعرها غالى ولا كويس ؟؟؟

استفسار تانى من الاستاذ فادى
حضرتك كنت كاتب موضوع عن تنضيف حساس الايدل كونترول ياترى ايه نوع السبراى اللى أستخدمه والاقيه فين وبكام ...؟؟؟ وهلى ينفع انى انضفه ببنزين لو ما لقيتش السبراى المطلوب ؟؟

لانى ملاحظ ان صوت العربية عالي وال rpmبيكون على اخر دوسة دوستها على البدال بمعنى انه لو اخر دوسة على البدال العربية عاملة 2000 ار بى ام فبيثبت على القيمة دى ولو 1500 بيثبت عليها وهكذا .. بس لو بطلت العربية وشغلتها بيكون فوق الالف ار بى ام بحاجة بسيطة جدا

وياترى الطبيعى يكون كام ار بى ام

[فادى محمد]

الحراره مضبوطه لو يتمشي كده وسط البلد , في السفر المفروض تنزل ل80د
السبراي هو كارب كلينر (منظف كربراتير) اي نوع تلاقيه بس يكون امريكي
صيني لا . هتلاقيه في البنزيمات الكبري .

[Hossam Elsabey]

الحراره مضبوطه لو يتمشي كده وسط البلد , في السفر المفروض تنزل ل80د
السبراي هو كارب كلينر (منظف كربراتير) اي نوع تلاقيه بس يكون امريكي
صيني لا . هتلاقيه في البنزيمات الكبري .

الحرارة معايا سواء ماشى فى البلد او على طريق مفتوح باليل او بالنهار بتبقى 85 وتبتدى تعلى لغاية ما تعدى ال 90 وتبقى تقريبا 92 وتشتغل المروحة وتنزل تانى ل 88 او 85 وتفصل المروحة وهكذا ..
سواء ليل او نهار .. طريق داخلى او مفتوح

انا نضفت الايدل ب wd 40 من غير ما اشيل الفيشة بتاعته .. ولما جيت اشغل العربية عداد الار بى ام ما اشتغلش ... بطلت العربية ودورت تانى مرتين لولا ما اشتغل .. وحاليا ثابت تقريبا على 1000 وبيعلى بعض الاحيان
ياترى اعمل ايه ؟؟
بالاضافة الى ان صوت العربية عالى زى ما يكون ف تهريب من مواسير الشكمان ... بس للاسف عشان ظروف شغلى لسه ما رحتش لحد بتاع شكمانات

[Hossam Elsabey]

متااااااااابع