أصحاب الفيكترا بي ، اخبار مطبات الهواء معاكم ايه

[MaaM]

فيه حد منكم بيلمس الأرض ببطن العربية في مطبات الهواء ؟

الخلاصة ، اني من ساعة ما اشتريت العربية (فيكترا بي) وكل مطب هواء اخده على سرعة 100 فما فوق
بطن العربية بيخبط في الأرض
ولو معايا حمولة بتخبط عند 90 فما فوق
المساعد عندي بينفس والعربية بترد بسرعة لما بهز فيها جامد من الناحيتين اليمين والشمال
الشمال عندي طري (بالرغم من ان العربية بترد بسرعة لمكانها)
اما اليمين تقيل شوية

كنت ظانن بسبب ان العربية واطية شوية على الأرض ، بس كذا واحد ركب معايا قالي المساعدين بايظين

[ENG\AHMED]

مساعدين وشوف ضغط العجل

[MaaM]

ضغط العجل دايما على 32
لو مساعدين ، ايه رأيك ادور على الجي ام ولا اخليني في البليشتاين او الساكس

[saddam]

صديقي المواطن
قولا واحدا ومن.غير فصال بما إن العربية بترد بسرعة ومجرد ظغطك بإديك عليها بيحركها جامد طلوعا ونزولا فبكره تروح العفشجي تغيرلي مساعدين وتقول له تحطلي علايات للسوست أو اليايات بما لا يقل عن 3 زمبة وأنا عن نفسي مبحطش غير اﻷربعة زومبة أو مرسيدس دوبل الحاجات دي رخيصة بس محتاجه عفشجي خبير ومقتدر يركبها ثم تراجعلي على شيالات ولحامات الشكمان ممكن يكون واطي أو فيه علبة متغيره ومحطوطة علبة دائرية أو تكون أعرض من اﻷصلي فبتحك في اﻷرض ولا تقلق موضوعك بسيط وبالتوفيق وإلى اﻷمام ومن نصر إلى نصر
ودمتم للنضال

إبتدي طلع من الجزنة عشان تحط في جيبك الصبح وإنت نازل للعفشجي كل المشوار ده مش حيكلفك 600 أو 700 جنيه وربنا يتولاك يا مواطن إنت إنتهيت خلاص

[MaaM]

ماهو لو تريحنا يا صدام وتقولنا انت معاك عربية ايه بالظبط ؟!

وكمان انا انتهيت !، ماشي ياعم المواطن :)

وعلايات المساعدين بـ 600 أو جنيه ؟!
ممكن توضح يا صديقي يا مواطن ؟ لأن أصلا سعر المساعدين الامامي جديد 750 تقريباً

واقصد بكلمة بترد بسرعة = يعني العربية بترجع مكانها عالطول من أول مرة بعد اما اهز فيها كذا مرة

[amrelsaqqa]

بترد بسرعة دى حاجة كويسة بس مش اختبار حقيقى للمساعد خصوصا انك بتقول عندك واحد اخف من التانى و ده غلط وخطر
غير المساعدين وراجع ع العفشة ، ظبطت كان بها ما ظبطتش نشوف في ايه ، لان كدة كدة لو في مساعد خفيف يبقى المساعدين كدة كدة هيتغيروا عشان تبقى في الامان سواء هم السبب في حك العربية او لا

[akmm]

فعلا اكيد مساعدين شوف العفشجى هيقول ايه واعمله فى اقرب وقت لان كده مش مطمئن

[ayman hamdy]

ركبتيتن استيراد ب ٤٠٠ او ٥٠٠ جنية كاملين وىكونوا مفكوكين من على نصف قدامك وكمان على التجربة

[فادى محمد]

ركبتين استيراد هيكونوا احسن من الجديد واوفر..
هيعملوا 450ج كاملين (مساعدين بالبطاحات واليايات)
انما لو جديد هتشتري مساعدين بس ب750ج مونرو-بلاششتاين...
ومفيش حاجه اصلي كله توكيلات ,لو السوست عندك ضعيفه او البطاحات
بايظه هتعمل ايه؟ هترجع تشتري تاني؟!

[saddam]

ماهو لو تريحنا يا صدام وتقولنا انت معاك عربية ايه بالظبط ؟!

وكمان انا انتهيت !، ماشي ياعم المواطن :)

وعلايات المساعدين بـ 600 أو جنيه ؟!
ممكن توضح يا صديقي يا مواطن ؟ لأن أصلا سعر المساعدين الامامي جديد 750 تقريباً

واقصد بكلمة بترد بسرعة = يعني العربية بترجع مكانها عالطول من أول مرة بعد اما اهز فيها كذا مرة

صديقي المواطن
كلامي واضح التكلفة التقريبية شاملة المساعدين العلايات اﻷربعة ثمنها من 20 ولغاية 40 حسب النوع وبالتوفيق وإلى اﻷمام ومن نصر إلى نصر ودمتم للنضال
تسألني عن عربيتي أنا في مصر حاليا أمتلك 9 عربيات من أول 1958 وحتى تهاية 2010 وجاري التفاوض على 3 سيارات حال تحسن الحالة المالية وحده 48 ووحده 60 ووحده 36 فإدعولي لحسن الدنيا ناشفة معايه أوي ومعدتش ملاحق على شد وتطوير وتعديل عربياتي

[MaaM]

ماتشغلني معاك :)
ربنا يرزقك دايما من وسع

يعني رسيت على مساعدين في الاخر
إن شاء الله في أقرب فرق هابقى اغيرهم واوافيكم بالاخبار وربنا يكون في عوني

[ENG\AHMED]

ضغط العجل دايما على 32
لو مساعدين ، ايه رأيك ادور على الجي ام ولا اخليني في البليشتاين او الساكس

جربت الجى ام من التوكيل وجربت الساكس ... والاتنين زبالة جنب الاوريجنال بتوعها وبالذات الجى ام بتوع التوكيل رميتهم بعد سنة ونص تقريبا لأنهم بعد فترة حجروا
فى ناس كتير هنا بتقول الاستيراد انضف بس انا مجربتوش

[فادى محمد]

الاستيراد انظف كتير ..

[Amrgamal1]

محمود باشا
بطن العربيه عمره ما يوصل للأرض خاالص طلاما الكاوتش و الجنوط راكبين و العربيه ماشيه , ف كدا يبقي دا أكيد الشكمان مش مرفوع ف بيخبط في الارض
بس كدا بردو المساعدين خفيفه عشان العربيه بتوطي اوي لدرجه الشكمان بيخبط في الارض

انا عندي المساعد اللي ورا شمال خفيف ف بيخلي الكاوتش يحك في جسم العربيه مع مطبات الهوا
انما بطن العربيه يلمس الارض دي صعبه شويه

[MaaM]

هو ممكن باردوا يا عمرو
انا بسمع الحكة من تحت كرسي السواق