حد جرب الماف الاوربي لفيكترا a ?

[ahmedkasem]

كنت عايز اسأل اذا كان حد جرب الماف او الاير ماس الاوربي اللي هو رقمه اخره 208/213
وياريت لو حد جربه يعرفنا العربية اتظبطت معاه من حيث السحب والسلانسيه واستهلاك البنزين
لان الماف اللي عندي هو الماف اللي رقمه 202/210
وللاسف انتهى عمره تماما ومفيش فايدة منه ومش لاقي نفس الرقم عندنا في اسكندرية
فاضطريت اشتري ماف اوربي استيراد 208/213 وركبته وغيرت معاه طقم رشاشا ت استيراد وحساس كولنت استيراد وغيرت كمان الايدل
بس للاسف العربية برضه مش مظبوطة والار بي ام عالي وبيكون بعد رقم 1 اول ما العربية تسخن
لكن والعربية بارده الايكون الار بي ام بيكون مظبوط يعني بيكون تحت ال 1 (0.8)
واول ما العربية تسخن بلاقي صوت الموتور علي والار بي اترفع وعدي ال 1 بحاجات بسيطة
يا ريت اللي عنده خلفية عن الموضوع ده يدلني على سبب المشكلة
لاني سمعت ان الماف ده مش ممكن يظبط السلاسنسيه حتى لو غيرته هو والرشاشات والكولانت من نفس المكنة او من نفس العربية

[tananybasha]

مش هيظبط
جرب اكتر من واحد لغاية ما فى مرة واحد يظبط معاك
المهم استهﻻك البنزين و الخنقه اخبارهم ايه

[ahmedkasem]

مش هيظبط
جرب اكتر من واحد لغاية ما فى مرة واحد يظبط معاك
المهم استهﻻك البنزين و الخنقه اخبارهم ايه

يعني في كل مرة اجرب فيها ماف لازم اجيب التلات حاجات دي الماف والرشاشات والكولانت من عربية واحدة او من مكنة واحدة ؟

اما بالنسبة للاستهلاك اتحسن بس بنسبة بسيطة خالص
والسحب بحس احيانا بخنقة بسيطة او تنتيشة صغيرة لما اكبس بنزين مرة واحدة والعربية واقفة
لكن التجميع بتاع العربية في السرعات يعتبر معقول بنسبة 75 %

[tananybasha]

لأ مش لازم تغير كل ده

الماف لو صح و شغال تمام
ار بى ام ثابت على 0.6
استهلاك بنزين صح
بوجيهات حارقه صح
لا تنتيشة و لا خنقه و استجابة ممتازه

[ahmedkasem]

طيب التي بي اس ليه علاقة بموضوع الار بي ام ده
خصوصا اني ساعات بحس بالنقلة وبحس بتكة لما العربية بتنقل من الاول للتاني ومن التاني للتالت

[ahmedkasem]

طيب التي بي اس ليه علاقة بموضوع الار بي ام ده
خصوصا اني ساعات بحس بالنقلة وبحس بتكة لما العربية بتنقل من الاول للتاني ومن التاني للتالت

[tananybasha]

ايوه ليه علاقه
و هو اللى بيدى الأمر المباشر للفتيس

[ashrooof]

بص ياعم أحمد انا معايا فيكترا إيه 2000 cc اوتوماتيك والإيرماس الأصلى انتهى ومعدش نافع خالص وطبعاً مفيش منه جديد إلا عن طريق النت وكل إللى موجود إستيراد ونفس الأرقام اللى انت قلت عليها فتوكلت على الله وجبت واحد من بورسعيد وركبته والحمد لله شغال تمام والعربية دلوقتى لاتقارن بالسابق أبدا. السحب اتحسن جدا والنعومة فى الدوران ولكن كان عندى خنقة بسيطة زى اللى عندك وراحت بنسبة 90 لما غيرت فلتر الهواء وفلتر البنزين...يعنى ممكن جدا العيب اللى مضايقك دلوقتى ميكونش بسبب الايرماس خالص ممكن الشاشات أو الفلاتر أو الكهرباء زي البوجيهات وسلوكها ممكن تسبب الخنقة دى وأنا العربية عندى كانت بتاكل بنزين جامد جدا وكان ده بسبب الشاشات وكانت مخلية العربية خشنة شوية وصوتها عالى شويتين ولكن لما غيرتهم البنزين بقى أحسن جدا من الأول....وبالنسبة للدخان الأسود انتهى تماما.
الايرماس ده بقاله معايا شهر ونص دلوقتى بس أهم حاجة لما تجيبه غطاه يكون مقفول لانى لقيت كتير بس كلهم مفتوحين وتجرب تدخل ايدك فى الفتحة بتاعته وتزق الباب اللى موجود جوا لو لقيته بيتحرك بسلاسة ونعومة بدون مايعلق إحتمال كبير جداً إنه كويس.
بالنسبة لي rpm حاجات كتير بتاثر عليه بالإضافة للايرماس زى حساس الايدل والتى بى إس وحساس الكولانت ونضافة البوابة.

[ahmedkasem]

بص ياعم أحمد انا معايا فيكترا إيه 2000 cc اوتوماتيك والإيرماس الأصلى انتهى ومعدش نافع خالص وطبعاً مفيش منه جديد إلا عن طريق النت وكل إللى موجود إستيراد ونفس الأرقام اللى انت قلت عليها فتوكلت على الله وجبت واحد من بورسعيد وركبته والحمد لله شغال تمام والعربية دلوقتى لاتقارن بالسابق أبدا. السحب اتحسن جدا والنعومة فى الدوران ولكن كان عندى خنقة بسيطة زى اللى عندك وراحت بنسبة 90 لما غيرت فلتر الهواء وفلتر البنزين...يعنى ممكن جدا العيب اللى مضايقك دلوقتى ميكونش بسبب الايرماس خالص ممكن الشاشات أو الفلاتر أو الكهرباء زي البوجيهات وسلوكها ممكن تسبب الخنقة دى وأنا العربية عندى كانت بتاكل بنزين جامد جدا وكان ده بسبب الشاشات وكانت مخلية العربية خشنة شوية وصوتها عالى شويتين ولكن لما غيرتهم البنزين بقى أحسن جدا من الأول....وبالنسبة للدخان الأسود انتهى تماما.
الايرماس ده بقاله معايا شهر ونص دلوقتى بس أهم حاجة لما تجيبه غطاه يكون مقفول لانى لقيت كتير بس كلهم مفتوحين وتجرب تدخل ايدك فى الفتحة بتاعته وتزق الباب اللى موجود جوا لو لقيته بيتحرك بسلاسة ونعومة بدون مايعلق إحتمال كبير جداً إنه كويس.
بالنسبة لي rpm حاجات كتير بتاثر عليه بالإضافة للايرماس زى حساس الايدل والتى بى إس وحساس الكولانت ونضافة البوابة.

الف شكر على الاهتمام بس ايه الشاشات دي ومكانها فين ومسئولة عن ايه

[ashrooof]

معلش أنا قصدي الرشاشات. ومن المحتمل جداً أن بعض الحاجات إللى اشتريتها إستيراد يعنى مستعملة وممكن ماتكونش شغالة 100%