العربية بتبطل اثناء التسخين corsa 2004 1600 cc

[DoOola10001]

معايا اوبا كورسا 2004 سيدان 1600 سي سي العربية في المشي و السحب عشرة علي عشرة و عمرها ما عملت مشاكل اثناء المشي بها .. المشكلة الوحيدة انها بتبطل و انا بسخنها الصبح و لكن اول ما الموتور يسخن بتمشي زي الحلاوة و ولا عمرها بطلت مني


فبرجاء المساعدة


وشكراا

[romiobasha]

غيرت البوجيهات اخر مرة من امتى؟؟؟

[Amr_Azab]

اتاكد من البوجيهات والفلاتر والبوابة لو محتاجة تنضيف

[tananybasha]

البوابه
فلتر هوا
بوجيهات

[besso33]

فلتر بنزين اكيد الاكيد ان شاء الله

[DoOola10001]

غيرت البوجيهات اخر مرة من امتى؟؟؟

انا مغيرهم اخر مرة من شهر فبراير اللي فات

مع العلم اني لما بفضل مثبت رجلي علي دواسة البنزين (بسخن) لحد ما المؤشر بتاع الحرارة يعلي العربية مبتبطلش و بقدر امشي بيها عادى جدا

[DoOola10001]

اتاكد من البوجيهات والفلاتر والبوابة لو محتاجة تنضيف

بالنسبة للبوابة انا منضفها تماما و الفلاتر انا لسة مغيرها من شهر فبراير اللي فات

مع العلم اني لما بفضل مثبت رجلي علي دواسة البنزين (بسخن) لحد ما المؤشر بتاع الحرارة يعلي العربية مبتبطلش و بقدر امشي بيها عادى جد

[DoOola10001]

البوابه
فلتر هوا
بوجيهات

بالنسبة للبوابة انا منضفها تماما و الفلاتر انا لسة مغيرها من شهر فبراير اللي فات


مع العلم اني لما بفضل مثبت رجلي علي دواسة البنزين (بسخن) لحد ما المؤشر بتاع الحرارة يعلي العربية مبتبطلش و بقدر امشي بيها عادى جدا

[DoOola10001]

فلتر بنزين اكيد الاكيد ان شاء الله

انا لسة مغيره في شهر فبراير اللي فات

مع العلم اني لما بفضل مثبت رجلي علي دواسة البنزين (بسخن) لحد ما المؤشر بتاع الحرارة يعلي العربية مبتبطلش و بقدر امشي بيها عادى جدا

[DoOola10001]

الف شكر يا رجالة علي مساعدتكم ليا

[عمارمطر]

البوجيهات ان شاء الله حتى لو لسه مغيرها ممكن تكون مرطبه كانت بتعمل معايا نفس الحركه

[besso33]

انا لسة مغيره في شهر فبراير اللي فات

مع العلم اني لما بفضل مثبت رجلي علي دواسة البنزين (بسخن) لحد ما المؤشر بتاع الحرارة يعلي العربية مبتبطلش و بقدر امشي بيها عادى جدا

واللي حضرتك بتعمله ده هو ابلغ دليل علي ان فلتر البنزين بقي مكتوم بعض الشيء حتي لو جديد علشان ربما يكون من نوعية مضروبة او انك مونت بنزين ذات نوعية مغشوشة او استنيت لغاية ما التنك قرب يفضي والفلتر سحب بعض اوساخ وعلي العموم جرب تستخدم الفلتر القديم وشوف لانها حصلت معايا قبل كده

[tameromarw]

عندي نفس المشكلة لازم اشد الشفاط علشان العربية تسخن والا تبطل // او ازود برجلي بنزين
بس السؤال احنا بالشتا وممكن درجة البروده تاثر علي العربية في الدواره صباحا ؟ وتخليها تبطل لحد ما تسخن
الناس اللي معندهاش سخان اتوماتيكي بيسخن العربية ويرفع الار بي ام بتدور الصبح ازاي ؟