استفسار بخصوص الفكترا b1

[mohandelboshy]

السلام عليكم ورحمه الله وبركاته
ليا كام استفسار من رجالة الاوبل وخاصة اخونا فادي وارجوا محدش يبخل عليا لان ده تحديد مسير لشرا عربية
انا بصراحة بقالي اكتر من 6 شهور في عملية بحث عن عربية وكنت هجيب سيفك 93 بس الحمد لله مفيش نصيب لان قليل اوي اللي تلاقيها نضيفة وبعدين قلت الاقرب شوما مع اني مش بحب الكوري بس تقريبا هي احسن الكوري
المهم باخد جولة هنا لفتت نظري الفكترا بصراحة وخاصة b 1
لقيت موضوع هنا لاخونا فادي وكاتب فيه اهم العيوب اللي قابلها مع العربية بس خفت بصراحة من احد العيوب وهو تشقق خرطوم فايز البنزين وتسريب البنزين
طيب هل الموضوع ده خطر ووممكن لاقدر الله يحدث اشتعال او حريق لاقدر الله ( معلش عاوز اعرف )
الحاجة التانية هل الاوبل ضيقة ( يعني لا تصلح لعيلة مثلا )
طيب وعشان اجيب حاجة كويسة هل 45 يجيبوا حاجة كويسة مانيوال 1600 لاني مش بحب الاوتو

معلش اسئلتي كتير بس اخوكم في حيرة وربنا يسهل امورنا جميعا وشكرا لكل واحد هيفدني برأيه

[MaaM]

45 يجيبوا شوما حالتها حلوة
ويجيوا اوبل b1 من 96 - 97 بس هاتحتاج حبة شغل

بس أكيد انت تقصد مصير مش مسير :)

[mohandelboshy]

45 يجيبوا شوما حالتها حلوة
ويجيوا اوبل b1 من 96 - 97 بس هاتحتاج حبة شغل

بس أكيد انت تقصد مصير مش مسير :)

اشكرك يا باشا ومعلش غلطة مطبعية

[MaaM]

موضوع شق خرطوم البنزين ماتقلقش منه ، فادي بيقول انه من الأعطال المشهورة في الموديل ده ، لكن مش معنى كدا انه كل شوية وانت ماشي يتشق ! طالما غيرته مرة خلاص انساه

[Mamoud salah H]

موضوع شق خرطوم البنزين ماتقلقش منه ، فادي بيقول انه من الأعطال المشهورة في الموديل ده ، لكن مش معنى كدا انه كل شوية وانت ماشي يتشق ! طالما غيرته مرة خلاص انساه

+111111111111

[Mamoud salah H]

ال45 يجيبو فيكترا بي1 1996:1997 وتكون محتاجة مثلا زي 2000 جنيه مصاريف تجديد عفشة مثلا وشوية اكسسوارات خارجية لو بايظة او مكسورة المهم تبعد عن اي عربية محتاجة شغل ميكانيكا من ماتور وحساسات عشان ترتاح ومتتعبكش عشان مش هتبقي عارف العيب منين بالظبط ومكن تدوخ انما العفشة امرها سهل

والعربية يا باشا مش ضيقة للدرجة الي حضرتك متخيلها هي عادية يعني تشيل 3 افراد ورا احجام متوسطة او اقل مستريحيين

[فادى محمد]

السلام عليكم ورحمه الله وبركاته..
-التشقق اللي بيحصل ..بيحصل في جزء من خرطوم الراجع وليس خرطوم المليء.وده مش معناه ان البنزين اللي في التانك يقع انما التنقيط بيحصل لو ملات التانك ع الاخر (بعد ما مسدس البنزيمه يفصل وتدوس عليه تاني)
يعني مع اول فصله لمسدس البنزين من عامل البنزينه , شكرا كده كفايه . مش بيبقي في بنزين في الراجع كده وب التالي مفيش تسريب..
-العربيه من ورا مش واسعه بس معقوله هي تصنيفها عائليه ذات طابع رياضي..
قبل كده كان والدي جنبي وورا والدتي واختي واولادها الى3 بالغين وشنطه سفر كمان + الشنطه مليانه شنط
وسافرت بالوضع ده من المطار لدمياط.العربيه في السفر ماشاء الله سفينه

[MaaM]

ميزة العربية ديه في السفر فعلاً
لأن مهما تحطلها في شنط وتركبها ناس من ورا ، العربية ما بتهبطش
وانا جاي من الصعيد كانت الشنطة ودواسة الكرسي الأمامي مليانين شنط سفر وكراتين ، مكانش فيه مكان فاضي
وورا كان عيالي ، ومحكتش في مطب واحد طوال السفر لغاية وصولي البيت

وفي تجربة تانية من شبين القناطر للقاهرة مرة بالأسترا ومرة بالفيكترا ونفس الحمولة 5 راكب
- الأسترا: تقريبا حكيت في مطبات مصر كلها :)
- الفكترا: ولا مطب ، بسم الله ما شاء الله ، لدرجة اللي قاعد جانبي قالي العربية ديه(يقصد الفيكترا) أعلى من اللي فاتت(الأسترا) ، فقولته لأ دا العكس ولكن الفيكترا مابتهبطش بسهولة عشان كدا مابتحكش

[mohandelboshy]

موضوع شق خرطوم البنزين ماتقلقش منه ، فادي بيقول انه من الأعطال المشهورة في الموديل ده ، لكن مش معنى كدا انه كل شوية وانت ماشي يتشق ! طالما غيرته مرة خلاص انساه

يعني مفيش منه قلق ولا حاجة لما تغيره اصلي كنت مفكر انه مهما تغيره كام شهر ويشقق علي طول وانت عارف ان البنزين لو فيه تسريب ممكن مع اي شرارة لاقدر الله يحصل ما لا يحمد عقباه

ال45 يجيبو فيكترا بي1 1996:1997 وتكون محتاجة مثلا زي 2000 جنيه مصاريف تجديد عفشة مثلا وشوية اكسسوارات خارجية لو بايظة او مكسورة المهم تبعد عن اي عربية محتاجة شغل ميكانيكا من ماتور وحساسات عشان ترتاح ومتتعبكش عشان مش هتبقي عارف العيب منين بالظبط ومكن تدوخ انما العفشة امرها سهل

والعربية يا باشا مش ضيقة للدرجة الي حضرتك متخيلها هي عادية يعني تشيل 3 افراد ورا احجام متوسطة او اقل مستريحيين

هصلي كنت بعاني من موضوع الضيق ده ف الابيزا وبعتها عشان عاوز اكبر

السلام عليكم ورحمه الله وبركاته..
-التشقق اللي بيحصل ..بيحصل في جزء من خرطوم الراجع وليس خرطوم المليء.وده مش معناه ان البنزين اللي في التانك يقع انما التنقيط بيحصل لو ملات التانك ع الاخر (بعد ما مسدس البنزيمه يفصل وتدوس عليه تاني)
يعني مع اول فصله لمسدس البنزين من عامل البنزينه , شكرا كده كفايه . مش بيبقي في بنزين في الراجع كده وب التالي مفيش تسريب..
-العربيه من ورا مش واسعه بس معقوله هي تصنيفها عائليه ذات طابع رياضي..
قبل كده كان والدي جنبي وورا والدتي واختي واولادها الى3 بالغين وشنطه سفر كمان + الشنطه مليانه شنط
وسافرت بالوضع ده من المطار لدمياط.العربيه في السفر ماشاء الله سفينه

يعني مفيش من الخرطوم اللي بتقول عليه اي قلق عموما شكرا علي توضيحك يا فادي بيه وده العشم من رجالة الاوبل

ميزة العربية ديه في السفر فعلاً
لأن مهما تحطلها في شنط وتركبها ناس من ورا ، العربية ما بتهبطش
وانا جاي من الصعيد كانت الشنطة ودواسة الكرسي الأمامي مليانين شنط سفر وكراتين ، مكانش فيه مكان فاضي
وورا كان عيالي ، ومحكتش في مطب واحد طوال السفر لغاية وصولي البيت

وفي تجربة تانية من شبين القناطر للقاهرة مرة بالأسترا ومرة بالفيكترا ونفس الحمولة 5 راكب
- الأسترا: تقريبا حكيت في مطبات مصر كلها :)
- الفكترا: ولا مطب ، بسم الله ما شاء الله ، لدرجة اللي قاعد جانبي قالي العربية ديه(يقصد الفيكترا) أعلى من اللي فاتت(الأسترا) ، فقولته لأ دا العكس ولكن الفيكترا مابتهبطش بسهولة عشان كدا مابتحكش

انا كان معايا الطوبة ( الابيزا 94 ) لانها بجد كانت عربية تقيلة علي الارض بس معدش تنفع عشان ضيقة علينا انا والعيال فبصراحة شفت عربيات كتير سيفك 93 وشوما بس حالات تعبانه وعجبني اوي شكل الفكترا b ( علي اد فلوسي ) بس للاسف معرفش عنها اي حاجة غير لما دخلت هنا ولا حتي عمري ركبتها انت عارف اغلب الشعب يا اما كوري او ياباني عشان ثقافة قطع غيار الالماني مع اني كنت في الابيزا شايف ان الاسعار عادي

الخلاصة يعني عربية يعتمد عليها واتوكل علي الله وادور علي 97 طيب ولما اجي ادور في فئة معينة او مواصفات اجيبها ولا ايه النظام

اشكركم جميعا وربنا يوفق الجميع لما يحبه ويرضاه

[MaaM]

عايز تجيبها ، هاتها
بس بـ 45 هاتحتاج حبة شغل حلوين
الفئة اللي تدور عليها لما تلاقيها بنت ناس يعني صاحبها مهتم بيها والصالون حالته حلوة والشنطة لما تشيل الفرش تلاقيه نضيف ومافيش بارومة ، ولما تفتح الكبوت وتشوف المكنة تلاقيها نضيفة يعني مافيش زيت مغرقها ، وتلاقي غطيان العلب موجودة والأسلاك كلها معزولة بعزل بلادها أو هو عازلها بشريط اللحام الحراري

دا طبعا بعد اما تكون اتأكدت ان العربية فابريكة جوا ولو لاقيته فابريكة برا كمان يبقى مصلحة بس صعب

العربية عايزة روقان ولف ودوران مش تنزل السوق وساعة وتكون خلصان !

وزي ماقولتلك الـ 45 يجيبوا شوما حالة حلوة وسيفيا حالة ممتازة وارشحلك السيفيا عشان اكسسواراتها الخارجة موجوة بكثرة عن الشوما

[mohandelboshy]

عايز تجيبها ، هاتها
بس بـ 45 هاتحتاج حبة شغل حلوين
الفئة اللي تدور عليها لما تلاقيها بنت ناس يعني صاحبها مهتم بيها والصالون حالته حلوة والشنطة لما تشيل الفرش تلاقيه نضيف ومافيش بارومة ، ولما تفتح الكبوت وتشوف المكنة تلاقيها نضيفة يعني مافيش زيت مغرقها ، وتلاقي غطيان العلب موجودة والأسلاك كلها معزولة بعزل بلادها أو هو عازلها بشريط اللحام الحراري

دا طبعا بعد اما تكون اتأكدت ان العربية فابريكة جوا ولو لاقيته فابريكة برا كمان يبقى مصلحة بس صعب

العربية عايزة روقان ولف ودوران مش تنزل السوق وساعة وتكون خلصان !

وزي ماقولتلك الـ 45 يجيبوا شوما حالة حلوة وسيفيا حالة ممتازة وارشحلك السيفيا عشان اكسسواراتها الخارجة موجوة بكثرة عن الشوما

الله يبارك لك جبت الخلاصة وربنا يجعله في ميزان حسناتك
الف شكر ليك ... هل سوق السيارات اللي في مدينة نصر الاقي فيه طلبي ولا بقي كله تجار

[فادى محمد]

السوق كله تجار احذر منه ,,
والعربيات عدمانه..

[Mamoud salah H]

انت ونصيبك في موضوع السوق دة مع اني ربنا موفقني في 3 عربييات من لسوق وزي الفل االحمدلله من ضمنهم الفيكترا

[amr_paolo]

كان عندي خرطوم الفايز برده مشقق وكان بيسرب بنزين لما أملى التانك على الآخر
بس أنا عشان كدة مكنتش بأملاه على الآخر لحد ماغيرته وبقى كل شيء تمام