اوبل انسجينيا 2014 نزلت عند منصور وشفتها بعينى

[car man]

كنت يوم الثلاثاء بعمل صيانة العربيه فى منصور العامريه وشوقت اوبل انسجينيا 2014 نزلت عنده وبثلاث فئات وبسعر 240 و 270 و 290

العربيه مبدئيا شكلا مش مبهره اوى وديقه من جوه عكس ما كان متوقع

وجارى رفع الصور

[speed_magnum]

وغاليه اوي

[hugan]

متابع

[hammad2010]

انا كمان شفتها فى اسكندرية وركبتها واتفرجت عليها عليها عربية اكثر من رائعة وخصوصا التوب لاين تحس انك واقف امام شئ تحفة وتصميم رائع وجنوط جميلة جدا ولا الاضاء بتاعتها بالكاسيت راااااااااااااااااااائعة
واعتقد انها منافس قوى جدا للباسات وال a7

[saddam]

كنت يوم الثلاثاء بعمل صيانة العربيه فى منصور العامريه وشوقت اوبل انسجينيا 2014 نزلت عنده وبثلاث فئات وبسعر 240 و 270 و 290

العربيه مبدئيا شكلا مش مبهره اوى وديقه من جوه عكس ما كان متوقع

وجارى رفع الصور

صديقي المواطن
قولا واحدا قلت الكلام ده بالحرف والناس بعضها مقتنعش بكلامي وزعل
وشكرا لمشاطرتك إخوتك اﻷعضاء بالمنتدى التجربة ولا تحرمنا من جديدك
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[solid_khaled]

فعلا شكلها مش مبهر اوى و مش واسعة زى الباسات مثلا . عربية ملهاش لزمة و مش هاتعمل شغل حلو

[احمد فهمى]

مش مبهره اكيد لأن العربيه مصنعه من 2008 ومصر ملهاش نصيب كالمعتاد ولو هدفع 240 اكيد هشترى بى ام دبليو منغير تفكير

[J A G U A R]

شكرا على الخبر ... بس انت عضويتك اتوقفت ليه ؟ انت اتعاركت مع منصور ولا ايه .........

[asd7778]

مش مبهره اكيد لأن العربيه مصنعه من 2008 ومصر ملهاش نصيب كالمعتاد ولو هدفع 240 اكيد هشترى بى ام دبليو منغير تفكير

هى العربية فعلا نازله من ٢٠٠٩ بس الشكل الحالى هو faceleft تغير بسيط من الخارج بس تغير كبير يكاد يكون شبه كلى من الداخل بسبب الشكوى الشديدة من التعقيد فى الأزرار الكثير ونزلت مصر عشان الموتور الجديد ١٦٠٠ لسا نازل السنه دى
مع كامل احترمى نفس السعر فى البى ام يجيب الفئة الثالثة الى تقريبا بدون كماليات تذكر وضيقه جداً
اما الباسات والاوكتافيا رعب dsg والسعر واحد تقريبا بس أوسع شويه يمكن عشان الشكل الرياضة للسيارة

[Abdo Taha]

يا جدعان لو دخلتو تشوفو الاسعار هتلاقو البي ام لتبدأ من 264000 لل 116i الفئة الاولى و دي ديقة و صعب تلاقي فيها كماليات كتير زي الانسجنيا الهاي لاين اللي ب270000 يمكن للبعض يكون شكلها مش مبهر و للبعض الآخر تحفة و فعلا سألت ناس عليها بعد ما شافوها في الجرايد لقيت البعض بيقول عليهل مش حلوة زي الباسات و لقيت البعض بيقولي دي تحفة فنية كل إنسان و ليه ذوقه و اختياره لكن عشان تجيب بي ام فئة ثالثة حتى اللي بتنزل من غير جنوط سبور فهتبقى غالية و اغلى من الانسجنيا و الفولفو لكن ممكن حاجة مستعملة مثلا زي ال 320 او الفئة الخامسة بس تبقى موديل قديم شوية بس المشكلة في قطع الغيار لازم تستحملها لو عايز ركوبة بي ام

[asd7778]

يا جدعان لو دخلتو تشوفو الاسعار هتلاقو البي ام لتبدأ من 264000 لل 116i الفئة الاولى و دي ديقة و صعب تلاقي فيها كماليات كتير زي الانسجنيا الهاي لاين اللي ب270000 يمكن للبعض يكون شكلها مش مبهر و للبعض الآخر تحفة و فعلا سألت ناس عليها بعد ما شافوها في الجرايد لقيت البعض بيقول عليهل مش حلوة زي الباسات و لقيت البعض بيقولي دي تحفة فنية كل إنسان و ليه ذوقه و اختياره لكن عشان تجيب بي ام فئة ثالثة حتى اللي بتنزل من غير جنوط سبور فهتبقى غالية و اغلى من الانسجنيا و الفولفو لكن ممكن حاجة مستعملة مثلا زي ال 320 او الفئة الخامسة بس تبقى موديل قديم شوية بس المشكلة في قطع الغيار لازم تستحملها لو عايز ركوبة بي ام

اتفق مع حضرتك تماما