مشكلة في كارتو توزيع الأنوار....كورسا سيدان

[ahesmat]

سلامو عليكو يا رجالة،
لو سمحتوا انا عندي مشكلة لما بأنور النور الواطي في العربية بيفضل يرعش لكن العالي لأ..كشفت عالعطل ده عند ولد كهربائي شاطر قوي و بعد معاناة مريرة، اكتشف انها في بورد بتاع توزيع أنوار العربية...المهم نضفها بسبراي و نشفها اشتغلت تمام و المشكلة اختفت...بعدها ب ٦ شهور ظهرت المشكلة تاني.
السؤال بقي دلوقتي، هل ده عيب قاتل يخليني أفكر أبيع العربية، و هل الحاجات دي بتتصلح ولا لأ.
شكرا و آسف للاطالة

[ashourashour]

البي سي ام او البودي كونترول موديول bcm

دا مكانه في الكبوت قدام و مش حوار خالص يبيعك العربيه يعني دا كنترول و بيتغير هوا مش متكرر الاعطال ولا حاجه نادر مابتحصل فيه حاجه

حوار انه نضفه دا اشتغاله الا لو نضف السوكيت بتاعه و كان مجنزر مثلا

روح لحد بيفهم في كنترولات الاوبل كويس و هيحللك الموضوع ان شاء الله بالكتير هتغير ل bcm وخلاص

[eng wael]

يا راجل عايز تبيع العربيه المحترمه دى علشان العيب ده
ان شاء الله بسيطه وفكر كده لو حضرتك جايبها زيرو من 2004 وظهرت بعيوبها بعد 8 سنوات تبقى اصيله ولا لأ
انا معايا 2005 وماشاء الله عليها
تحياتى

[ahesmat]

شكرا ليكم و علي كلامكم المطمئن ده....بس انا اول مرة أعرف ان كارتة الأنوار دي هيا ال pcm و هو الراجل فعلا نضفها أدامي و المشكلة اتحلت ساعتها...طب دي لو حبيت أغيرها هألاقيها بسهولة؟ و بيكون سعرها في حدود كام؟

[romiobasha]

فعلا المشكله حصلت معايا فى كورسا 2004 و غيرت bcm كان عامل 750

[ahesmat]

المشكلة دي حصلت معاك امتي؟ ده كان جديد ولا استعمال؟ و لقيته بسهولة؟ وجبته منين؟ أرجو الرد و لك جزيل الشكر

[ahesmat]

هل حد يعرف سعر ال bcm كام و متوفر ولا لأ و موجود جديد ولا لازم استيراد؟

[ahesmat]

أرجوكو حد يرد عليا

[ahesmat]

أنا خلاص فقدت الأمل ان حد يرد علياً.....شكراً

[romiobasha]

المشكلة دي حصلت معاك امتي؟ ده كان جديد ولا استعمال؟ و لقيته بسهولة؟ وجبته منين؟ أرجو الرد و لك جزيل الشكر

حصلت معايا من 3 سنين و جبته استيراد و مش فاكر منين