شكلي بوظت العربية!!!!!

[Tiar]

السلام عليكم
العربية عندي بعد ما نظفت البوابة والايديال نزلت بلاوي من السواد وكمان نظفت البوجيهات بقت تجيب دخنة سوده وتبطل على السلانسيه او لو ماشي ومورت العربية بصراحة خنقتني النهارده قوي
العربية فيكترا 2000 سي سي مانوال 94
يا تري حد عنده تفسير؟





طيار

[MITSUKERO]

البوجيهات مش بتتنضف بعد ما بتتوسخ لازم تتغير و اطمن علي سلوكها بالمرة

[أحمد جودة]

تمام الله ينور ......... احرق سن البوجيهات وصنفرة وركبة تاني

واظبط كهربة العربية لان واضح انها مأخرة والدخة السودا نتيجة استهلاك زيادة فى البنزين

[Tiar]

شاكر ليكم

انا نظفت البوجيهات بالسنفرة وبسائل كارب كلينر وبقت تمام والسلوك عندي جديدة الاصلي
انا شاكك في الماف علشان قولت انظفه هو كمان بال كارب كلينر

كارب كلينر ده منظف انجكشن

طيار

[ayman hamdy]

الماف ما بيتنظفش كده الماف باظ ولازم يتغير وهو نادر جدا فى السوق ربنا معاك
شوف بتوع الاستيراد ودور شوية ولازم تاخد معاك القديم ولازم يكون نفس الرقم وال هيتعبك جامد اوى لازم نفس رقم القديم

تحياتى

[lamada]

يا عم غير البوجيهات

[Tiar]

الماف ما بيتنظفش كده الماف باظ ولازم يتغير وهو نادر جدا فى السوق ربنا معاك
شوف بتوع الاستيراد ودور شوية ولازم تاخد معاك القديم ولازم يكون نفس الرقم وال هيتعبك جامد اوى لازم نفس رقم القديم

تحياتى

ايه ياعم ايمن متخدنيش كده كل اللي انا عملته رشيت عليه شوية اسبراي من غير ما اجيب على الجزء الالكتروني اية رش
ده فيه ناس هنا بتنظفه بنزين وشغال تمام
تف بمن بقكك ماف يا نهار

[فادى محمد]

ربنا يستر..

[عمارمطر]

اكشف على الشراره اول شى واطمن ان الاربع اسلاك موصلين الشراره كويسه لحد البوجيه والاختبار سهل بتشيل السلك من البوجيه وتحط فيه مفك ليلمس الجذء المعدنى وتقربه من اى جذء حديد فيه ارضى لازم يدى معاك شراره ولو ما خرجش شراره غير السلك لتتاكد انه من المبينه وتكشف واحد بواحد وبعد كده تحكم على الموبينه او البوجيهات

[Hesham.H]

انت عملت برمجه للايدل بعد ما فكيته عشان تنضفه وركبته تانى ؟!

[Tiar]

يا جماعة انا شاكر ليكم جمعياُ والله انا سعيد جداُ بردودكم جزاكم الله كل خير

امبارح نزلت اشيك تاني ذي ما قولتم ببص كده لقيت ان فيشة الماف مش راكبة
اتاريني نسيت اركبها والحمد لله انها جت على كده

انا كنت عاوز اغير البوجيهات بالمره وعاوز اجيب زي اللي كان راكب عندي GM انا شاري العربيه بيهم من حوالي سنتين ياريت لو حد يقوليي اشتريهم من فين وسعرهم كام انا دورت في التوفيقية ومش لاقيهم خالص؟



طيار

[ayman hamdy]

يا جماعة انا شاكر ليكم جمعياُ والله انا سعيد جداُ بردودكم جزاكم الله كل خير

امبارح نزلت اشيك تاني ذي ما قولتم ببص كده لقيت ان فيشة الماف مش راكبة
اتاريني نسيت اركبها والحمد لله انها جت على كده

انا كنت عاوز اغير البوجيهات بالمره وعاوز اجيب زي اللي كان راكب عندي gm انا شاري العربيه بيهم من حوالي سنتين ياريت لو حد يقوليي اشتريهم من فين وسعرهم كام انا دورت في التوفيقية ومش لاقيهم خالص؟



طيار

الحمد لله ابقى خد بالك بعد كدة من فيشته لان وجود دخنة والعربية بتبطل وكمان نظفت الماف من الطبيعى دى اعراض تلف الماف والحمد لله ان مفيش مشكلة فيه لانه ارخم عطل فى الموديل ده واسأل أ/ طنانى عنه يقول لك فيه قصائد ههههههه
تحياتى

[فادى محمد]

انكتب لك عمر جديد ..
البوجيهات الجي ام عند امريكان ستارز في ش شامبليون ب135ج

[mem]

الحمد لله انها جت على اد كده

[Tiar]

انكتب لك عمر جديد ..
البوجيهات الجي ام عند امريكان ستارز في ش شامبليون ب135ج

فادي باشا
انا جبتها من عند سرور في ش شامبليون ب 120 جنيه

سؤال على جنبب انا عرفت انك من دمياط وانا بصراحة بحب اهل دمياط كلهم والسبب يعود لزميل لي اسمه اسامة سليم وهو حالياُ يعمل في شركة ايبكو للا ادوية
وهو على فكرة خدوم ومحب للخير مثلك كده وهو اللي حببني في اهل دمياط وحاسس انك هتطلع تعرفه ان مكنتش قريبه



طيار