إعـــــــلان

Collapse

.

,
See more
See less

حصريا وبالصور ... تغيير جوان الكارتيره وزيت الفتيس لفكترا ١٦٠٠ مانيوال

Collapse
X
Collapse
 
  • Page of 3
  • Filter
  • الوقت
  • Show
Clear All
new posts
السابق 1 2 3 template التالي
  • #1

    حصريا وبالصور ... تغيير جوان الكارتيره وزيت الفتيس لفكترا ١٦٠٠ مانيوال

    بسم الله الرحمن الرحيم


    النهارده تجربه جديده وتقرير جديد لعيون الزملاء الأعزاء ... من العنوان باين إننا هانتكلم عن تغيير جوان كارتيره الزيت وتغيير زيت الفتيس

    هانبدأ بجوان الكارتيره :-

    أعراض تلف الجوان هو وجود ترشيح زيت على الكارتيره وهنلاحظ ان مصدر الزيت هو الجوان اللى بين الكارتيره وأسفل الموتور .. وطبعا بيكون الجوان ساعتها نشف والكاوتش بتاعه فقد ليونته وبلغه الصنايعيه ( اتحمص )

    طبعا بنبدأ بحل مصفحه الموتور .. هيبان لينا الكارتيره ومعدى من تحتها الشكمان وبنبدأ بحل فرن الشكمان ... زى الصوره دى



    ونفك جزء على يمين الكارتيره إسمه الموزه ... وساعتها بيكون فك الكارتيره فى متناول الإيد
    وطبعا انا من اسبوع كنت بربط على الكارتيره عشات تسريب الزيت ومسمار قطم منى ... والحمد لله طلع النهارده بحرفنه شديده من أستاذ إيمرى سلامه اللى كنت فى ورشته النهارده
    ودى صوره الموتور من تحت بعد فك الكارتيره





    بعد خروج الكارتيره بنلاقى الجوان وهو عباره عن صاجه راكب فى أطرافها الجوان الكاوتش .. وطبعا واحنا بنشترى الجوان قدامنا حلين :-

    الاول نشترى الجوان بالصاجه بتاعته وساعتها هانشيل ونحط من غير شغل كتير وتمنه حوالى ٢٧٠ جنيه .. وفى التوكيل تمنه ٣٦٠ جنيه زى ما قال أستاذنا فادى

    التانى وده اللى عملته النهارده وهو نشترى الجوان الكاوتش لوحده من غير صاجه ونشيل الجوان القديم من الصاجه بتاعتنا ونحط الجوان الكاوتش الجديد بتاعنا .. وده تمنه حوالى ٧٠ جنيه

    ودى صوره توضيحيه للصاجه بالجوان القديم وبعد كشط الجوان من عليها


    بعد كده هانركب الجوان الجديد على الصاجه وبيكون بالشكل ده


    وبكده يبقى مبروك علينا الجوان الجديد ونبدأ نركب بعكس طريقه الفك المذكوره .. وده الشكل بعد التركيب



    وكده تم بحمد الله تغيير جوان الكارتيره ... ونيجى بقى للفتيس اللى حكايته كانت حكايه


    طبعا زى ما كتير من الزملاء عارفين انى شارى العربيه من واحد صاحبى وجارى .. وكنا بندردش مره وقاللى انه لما غير اسطوانه قبل ما اشتريها الميكانيكى حط للفتيس ٤ كيلو زيت ... وبعد ما دخلت المنتدى عرفت انت الفتيس عياره ٢ كيلو زيت تروس فقط

    قلت طالما عند الميكانيكى يبقى اغيره بالمره ... وكانت المفاجئه .... الفتيس نزل منه زيت باور
    وطبعا قبل فك الطبه قاللى هانفك طبه ميزان الفتيس عشان نعرف فيه زياده قد ايه والمفاجئه انه نزل اكتر من ٢ لتر




    وبعد كده نفتح طبه زيت الفتيس وننزل الزيت الباقى اللى بيكون هو ده العيار الطبيعى بتاع الفتيس



    طبعا بعد الشغل ده جبنا فلتر زيت وجركن زيت شيل الأصفر و ٢ لتر زيت تروس موبيل ٨٠/٩٠


    وتم بحمد الله تغيير زيت الفتيس وستر ربنا ان الفتيس سليم بعد عك الزيت اللى كان فيه لأن إجماع كل الصنايعيه ان الزيت الاحمر ده للفتيس الاتوماتيك فقط

    الشكر طبعا لزميلنا العزيز فادى محمد اللى شرحلى كل اللى فى الخطوات دى كذا مره لغايه أما روحت نفذته فى ورشه صاحبى الأستاذ إيمرى سلامه اللى تعب جدا فى الشغل ده اللى ما يتقدرش بفلوس

    تحياتى وأرجو الفائده تعم على الجميع
    الكلمات الدلالية (Tags): الفتيس, الكارتيره, تغيير, جوان, حصريا, لفكترا, مانيوال, وبالصور, وزيت, ١٦٠٠
  • #2
    تسلم ايدك يا هتش ايوة طلع لنا حصرياتك الجامدة
    بصراحة الموضوع ممتاز والصور ممتاز وواضحة
    وارجو من الادارة تثبيت الموضوع لانه حصري فعلا
    وتقبل تحياتى لك يا هتش
    [SIGPIC][/SIGPIC]{رَبَّنَا آتِنَا فِي الدُّنْيَا حَسَنَةً وَفِي الْآخِرَةِ حَسَنَةً وَقِنَا عَذَابَ النَّارِ}

    Comment

    • #3
      اه صحيح يا هشام هو جوان فرن الشكمان ركب عادى ولا غيرته اصله بيبقى محمص [بلغة الصنيعية] لانه ممكن ما يطبعش كويس بعد ما اتفك ويجيب دخان
      [SIGPIC][/SIGPIC]{رَبَّنَا آتِنَا فِي الدُّنْيَا حَسَنَةً وَفِي الْآخِرَةِ حَسَنَةً وَقِنَا عَذَابَ النَّارِ}

      Comment

      • #4
        الف مبروك
        انا بقى لما غيرت جبته بالحديده بتاعته
        بس اتبهدلت على ما لقيته

        و ربنا يكفيك شر نقص الزيت
        [CENTER][COLOR=royalblue][URL="http://www.postimage.org/image.php?v=gx27Yct0"][SIZE=1][COLOR=royalblue]لا[/COLOR][/SIZE][/URL][URL="http://www.postimage.org/image.php?v=gx27Yct0"][SIZE=1][COLOR=royalblue] اله الا انت سبحانك انى كنت من الظالمين - اللهم اصرف مقتك و غضبك عنا و اعنا على ذكرك و شكرك و حسن عبادتك[/COLOR][/SIZE][/URL][/COLOR][/CENTER]
        [CENTER][B][SIZE=6][COLOR=darkorange]لو أن ابن آدم هرب من رزقه كما يهرب من الموت لأدركه رزقه كما يدركه الموت[/COLOR][/SIZE][/B][/CENTER]
        [CENTER][SIZE=3][COLOR=black]محمد الطنانى[/COLOR][/SIZE][/CENTER]

        Comment

        • #5
          المشاركة الأصلية كتبت بواسطة ayman hamdy مشاهدة المشاركة
          تسلم ايدك يا هتش ايوة طلع لنا حصرياتك الجامدة
          بصراحة الموضوع ممتاز والصور ممتاز وواضحة
          وارجو من الادارة تثبيت الموضوع لانه حصري فعلا
          وتقبل تحياتى لك يا هتش
          شكرا يا أيمن باشا على الرد والمرور الكريم ... بالنسبه للجوان ركب عادى مع شويه سيلكون عضم
          تحياتى يا جميل

          Comment

          • #6
            المشاركة الأصلية كتبت بواسطة tananybasha مشاهدة المشاركة
            الف مبروك
            انا بقى لما غيرت جبته بالحديده بتاعته
            بس اتبهدلت على ما لقيته

            و ربنا يكفيك شر نقص الزيت
            الله يبارك فيك يا طنانى باشا والحمد لله الزيت ما كانش بينقص جامد
            وفادى الله يباركله هو اللى قاللى على فكره الجوان الكاوتش دى
            تحياتى

            Comment

            • #7
              فادى ده استااااااااااااااااااااااااااااااااااااااااااااذ
              [CENTER][COLOR=royalblue][URL="http://www.postimage.org/image.php?v=gx27Yct0"][SIZE=1][COLOR=royalblue]لا[/COLOR][/SIZE][/URL][URL="http://www.postimage.org/image.php?v=gx27Yct0"][SIZE=1][COLOR=royalblue] اله الا انت سبحانك انى كنت من الظالمين - اللهم اصرف مقتك و غضبك عنا و اعنا على ذكرك و شكرك و حسن عبادتك[/COLOR][/SIZE][/URL][/COLOR][/CENTER]
              [CENTER][B][SIZE=6][COLOR=darkorange]لو أن ابن آدم هرب من رزقه كما يهرب من الموت لأدركه رزقه كما يدركه الموت[/COLOR][/SIZE][/B][/CENTER]
              [CENTER][SIZE=3][COLOR=black]محمد الطنانى[/COLOR][/SIZE][/CENTER]

              Comment

              • #8
                الف مبروك يا هشام ..
                تسلم ايدك , تقرير رائع..
                ان شاء الله الموضوع يتثبت
                في قسم الورشه لاهميته...تقبل تحياتي
                اخوكم /فادي محمد عيد ..من مواضيعي المصوره للفيكترا بي ....

                [URL]http://www.nilemotors.net/Nile/97671-b.html#post3872017889[/URL] تغيير اويل سايل اسبراتير
                [URL]http://www.nilemotors.net/Nile/130445-b.html#post3872432932[/URL]تنظيف الايديال كونترول
                [URL]http://www.nilemotors.net/Nile/150353-b.html#post3872669019[/URL]تعديل في اضاءه التابلوه
                [URL="http://www.nilemotors.net/Nile/143705-b.html#post3872580355"]http://www.nilemotors.net/Nile/143705-b.html#post3872580355تغيير فرش السقف للفيكترا[/URL]
                [URL="http://www.nilemotors.net/Nile/181441-a.html#post3873046581%D8%AA%D8%BA%D9%8A%D9%8A%D8%B1"]http://www.nilemotors.net/Nile/181441-a.html#post3873046581تغيير[/URL] جوان وش التاكيهات

                hellboy سابقا

                Comment

                • #9
                  المشاركة الأصلية كتبت بواسطة tananybasha مشاهدة المشاركة
                  فادى ده استااااااااااااااااااااااااااااااااااااااااااااذ
                  ليه بس الغلط ده ياباشمهندس ؟؟؟
                  ازيك يابواحمد . منور يا كبير
                  اخوكم /فادي محمد عيد ..من مواضيعي المصوره للفيكترا بي ....

                  [URL]http://www.nilemotors.net/Nile/97671-b.html#post3872017889[/URL] تغيير اويل سايل اسبراتير
                  [URL]http://www.nilemotors.net/Nile/130445-b.html#post3872432932[/URL]تنظيف الايديال كونترول
                  [URL]http://www.nilemotors.net/Nile/150353-b.html#post3872669019[/URL]تعديل في اضاءه التابلوه
                  [URL="http://www.nilemotors.net/Nile/143705-b.html#post3872580355"]http://www.nilemotors.net/Nile/143705-b.html#post3872580355تغيير فرش السقف للفيكترا[/URL]
                  [URL="http://www.nilemotors.net/Nile/181441-a.html#post3873046581%D8%AA%D8%BA%D9%8A%D9%8A%D8%B1"]http://www.nilemotors.net/Nile/181441-a.html#post3873046581تغيير[/URL] جوان وش التاكيهات

                  hellboy سابقا

                  Comment

                  • #10
                    المشاركة الأصلية كتبت بواسطة فادى محمد مشاهدة المشاركة
                    الف مبروك يا هشام ..
                    تسلم ايدك , تقرير رائع..
                    ان شاء الله الموضوع يتثبت
                    في قسم الورشه لاهميته...تقبل تحياتي
                    شكرا يا باشا .. فى طبعا تفاصيل صغيره فاتت منى وانا بكتب الموضوع هاتبان ان شاء الله مع مناقشتنا فى الردود
                    تحياتى يا أستاذنا

                    Comment

                    • #11
                      وراك ان شاء الله في موضوع جوان الكارتيرة بس هاستنى شوية اما اشوف الاخبار معاك بعد شهرين كدا

                      بالنسبة للفتيس , كدا اللي عندك هو اللي عندي بالظبط وبالتالي بناكد لتاني مرة ان فتيس الفيكترا بي2 مختلف عن البي1
                      تقدر تقولنا فتحت طبة التفريغ ازاي ؟
                      وعلى فكرة الزيت اللي اتشفط من عندي اول مرة كان احمر باردوا والراجل استغرب وقالي هي العربية ديه اوتو ؟

                      وهل ظبط معاك 1.9 لتر بالظبط بعد اما عايرته بـ طبة مستوى الزيت ؟

                      Sent from my HTC
                      [FONT=Courier New]محمود[/FONT]

                      Comment

                      • #12
                        المشاركة الأصلية كتبت بواسطة Hesham.H مشاهدة المشاركة
                        شكرا يا باشا .. فى طبعا تفاصيل صغيره فاتت منى وانا بكتب الموضوع هاتبان ان شاء الله مع مناقشتنا فى الردود
                        تحياتى يا أستاذنا
                        ربنا يكرمك يا هشام باشا..
                        - نظفت مصفه طرمبه الزيت بالمره وانت فاكك , مش كده ؟
                        انا لاحظت في الصوره انك شيلت المصفه بالانبوبه بتاعتها
                        اخدت بتالك ان ليها o ring صغير كده رخم ؟؟
                        -خلي بالك سليكون العضم اللي حطيته علي جوان فرن الشكمان
                        مش هينفع خالص . السليكون هيتحرق وتلاقيه تراب , لو لقيته
                        بيسرب غيره , هو جديد ب20 ج ماركه توبران الماني..
                        اخوكم /فادي محمد عيد ..من مواضيعي المصوره للفيكترا بي ....

                        [URL]http://www.nilemotors.net/Nile/97671-b.html#post3872017889[/URL] تغيير اويل سايل اسبراتير
                        [URL]http://www.nilemotors.net/Nile/130445-b.html#post3872432932[/URL]تنظيف الايديال كونترول
                        [URL]http://www.nilemotors.net/Nile/150353-b.html#post3872669019[/URL]تعديل في اضاءه التابلوه
                        [URL="http://www.nilemotors.net/Nile/143705-b.html#post3872580355"]http://www.nilemotors.net/Nile/143705-b.html#post3872580355تغيير فرش السقف للفيكترا[/URL]
                        [URL="http://www.nilemotors.net/Nile/181441-a.html#post3873046581%D8%AA%D8%BA%D9%8A%D9%8A%D8%B1"]http://www.nilemotors.net/Nile/181441-a.html#post3873046581تغيير[/URL] جوان وش التاكيهات

                        hellboy سابقا

                        Comment

                        • #13
                          اضافة لموضوعك الرائع يا هشام
                          انا عرفت مكان طبة مستوى الزيت من الصورة اللي انت رافعها ، بس هاعرضها من منظور تاني ، لأنها ممكن ماتبانش بسهولة لأي حد ينزل تحت العربية

                          الدايرتين الحمر معلمين على مكان طبتين
                          - الدائرة اللي على اليمين: طبة مستوى الزيت الزائد ، فوق الإستيكر الأبيض
                          - الدائرة اللي على الشمال: طبة التفريغ اللي مزنوقة بين جنب الفتيس والشاسيه

                          [FONT=Courier New]محمود[/FONT]

                          Comment

                          • #14
                            المشاركة الأصلية كتبت بواسطة maam مشاهدة المشاركة
                            وراك ان شاء الله في موضوع جوان الكارتيرة بس هاستنى شوية اما اشوف الاخبار معاك بعد شهرين كدا

                            بالنسبة للفتيس , كدا اللي عندك هو اللي عندي بالظبط وبالتالي بناكد لتاني مرة ان فتيس الفيكترا بي2 مختلف عن البي1
                            تقدر تقولنا فتحت طبة التفريغ ازاي ؟
                            وعلى فكرة الزيت اللي اتشفط من عندي اول مرة كان احمر باردوا والراجل استغرب وقالي هي العربية ديه اوتو ؟

                            وهل ظبط معاك 1.9 لتر بالظبط بعد اما عايرته بـ طبة مستوى الزيت ؟

                            sent from my htc
                            بص يا باشا ... الفتيس بتاعنا فيه ٣ فتحات .. اتنين تحت وواحده فوق فى حوض الموتور .. اللى تحت هما اللى انا مصورهم .. واحده اسمها ميزان زيت الفتيس ومكانها فى الفتيس من ورا فى نصه بالظبط والتانيه هى مطبه زيت الفتيس اللى فى الصوره بينزل منها الزيت الاحمر .. واللى فوق هى اللى بنحط منها الزيت الجديد .. والتلاته بيتحلوا بمفتاح النكيه رقم ٨

                            نجيى بقى لطريقه فك الطبه .. مكانها مزنوق طبعا والاسطى عمل حركه ذكيه وهى قطع حوالى ٢ سم من مفتاح النكيه بالصاروخ وحطها فى الطبه وبدأ يفك بمفتاح ١٠ مشرشر
                            الاتنين التانين سهلين فى حلهم
                            ان شاء الله هتابع واقولك الزين منع ولا ايه الاخبار
                            تحياتى يا جميل

                            Comment

                            • #15
                              المشاركة الأصلية كتبت بواسطة فادى محمد مشاهدة المشاركة
                              ربنا يكرمك يا هشام باشا..
                              - نظفت مصفه طرمبه الزيت بالمره وانت فاكك , مش كده ؟
                              انا لاحظت في الصوره انك شيلت المصفه بالانبوبه بتاعتها
                              اخدت بتالك ان ليها o ring صغير كده رخم ؟؟
                              -خلي بالك سليكون العضم اللي حطيته علي جوان فرن الشكمان
                              مش هينفع خالص . السليكون هيتحرق وتلاقيه تراب , لو لقيته
                              بيسرب غيره , هو جديد ب20 ج ماركه توبران الماني..
                              ايوه الحمد لله نظفنا المصفه .. وقاللى ان طرمبه الزيت بتاعتنا هى نفسها بتاعه الليجانزا دايو ... وبتاعه الليجانزا ب ٢٥٠ جنيه وبتاعتنا ٨٥٠ جنيه حسب كلامه
                              وطقم العمره والبيلات بتاعتنا هو نفسه بتاع الليجانزا لانه قاللى انه عمر فيكترا قبل كده بعمره ليجانزا
                              بالنسبه للجوان بعد ما ربط بالسليكون جه فى دماغى الكلام اللى انت قلته دلوقتى بالظبط .. بس قلت فى اى وقت اجيبه وفى عندنا واحد بيعمل الجوانات دى بالمقص ممكن اعمله عنده لو لقيت الخامه بتاعته زى خامه الجوانات بتاعه الشكمان العاديه
                              تحياتى

                              Comment

                              السابق 1 2 3 template التالي
                              Working...
                              X