إعـــــــلان

Collapse

.

,
See more
See less

تجربة الفكترا B مع البنزين 95

Collapse
X
 
  • Filter
  • الوقت
  • Show
Clear All
new posts

  • تجربة الفكترا B مع البنزين 95

    سيارة التجربة : فكترا 98 1600 كامة واحدة مانيوال

    فترة التجربة : حوالى اسبوع ونص او اسبوعين

    بداية او سبب التجربة :
    دايما كانت لية ملاحظة على الموتور دة انة خشن شوية وبالذات وهو بيطفى ساعات بيعمل رجة شوية كأنة مش مظبوط (خشن مش عربية لادا يعنى فى السلانسية هلدى وصوتة ناعم انما فى الجرى والقرص مش ناعم اوى) المهم سألت ميكانيكية اوبل كتير وسألت التوكيل وكلة بيقولى عادى مفيش حاجة وعلى الجهاز مفيش حاجة !! طيب الرجة دى اية (رجة خفيفة وانت بنطفى) الكل يقول لأ هى كدة عادى بالعكس عندك اخف وانعم من ناس كتير .. !!!
    موضوع محير وخصوصا احنا مبنتكلمش على شركة بتصنع عربيات من اول امبارح , فى الاول مكنتش مقتنع بس قولت مادام الكل بيقول كدة خلاص هوجع دماغى لية المهم بدأت الاحظ ان العربية وهى باردة بتطفى عادى عكس لما تسخن تحس بالرجة شوية عكس لما تبقى مشغل التكييف ومحمل على العربية او بتجرى والجو حر بتبقى زيادة !! معنى كدة ان الرجة دى مرتبطة بدرجة الحرارة مش الموتور هو اللى كدة لأن لو موتور العربية كدة مكنتش هتفرق باردة ولا سخنة.

    طيب اية علاقة درجة الحرارة بالرجة دية ؟؟
    علشان نعرف اية العلاقة لازم نقول ان الموتور دة نسبة الانضغاط بتاعتة 8,8 يعنى نسبة انضغاط منخفضة معنى كدة ان العادم طالع بكمية طاقة او حرارة عالية معنى كدة ان صمام العادم هتتنقل لية كمية حرارة عالية نتيجة خروج غازات العادم (عملية انتقال حرارة بين العادم والصمام) يعنى الصمام دة بقى hot spot او مصدر حرارة يعنى ممكن يعمل اشتعال للخليط غير البوجية .

    طيب اية علاقة دة بالرجة؟؟
    علاقتة انك لما هتطفى العربية وبالذات لو الجو سخن ومحمل على العربية هيبقى صمام العادم درجة حرارتة عالية وبالتالى ممكن يؤدى لاشتعال الخليط جوة السلندر لما تطفى ودة اللى هيعمل الرجة

    يبقى الحل ان احنا نقلل درجة حرارة الموتور بس دة هتضطر تلعب فى العربية وهتبرجل العربية لأن الموتور مصمم للعمل باعلى كفائة على درجة حرارة معينة ودة اللى نظام التبريد بيحاول يحافظ عليها فى الرينج دة ..
    طيب ماهو فية حل تانى اذا كان المشكلة فى درجة الحرارة واشتعال خليط الوقود بدون البوجية طيب منجرب نوع بنزين من البنزين بتاعنا اللى ربنا وحدة يعلم بية يقاوم الظاهرة دى , معروف كل لما يعلى رقم الاوكتان تبقى مقاومة البنزين دة للاشتعال الذاتى اعلى طيب بما ان انا بحط 92 يبقى اجرب 95 نظرا لأن دة اعلى حاجة موجودة هنا
    وبنظرة سريعة على الكتالوج العربية تشنغل على بنزين 87 , 91 , 95 , 98 "خالى من الرصاص"

    طيب فضلت ماشى بالبنزين اللى عندى لحد لما التانك قرب يفضى واللمبة تنور وروحت حطيت 20 لتر 95 وانتهزت فرصة نزولى فى مشوار تبع الشغل فى المهندسين فى اليوم دة يعنى حرارة واشارات وتكييف وقرف علشان اجرب
    حطيت البنزين وخرجت من المحطة العربية عادى مفيش فرق طبيعى الموضوع مش هيبان فى ساعتها 92 لسة جوة تانى يوم حسيت ان سحب العربية اتحسن والموتور بقى اهدى , بعدها بيومين تلاتة عبال لما كل ال 92 اتحرق العربية اتهبلت بقى عندها اسهال جرى العربية كانت بتبقى تقيلة على الاول والتانى وبالذات على عدد لفات منخفضة اوى دلوقتى لأ سحبها اتحسن كتير حتى لو على عدد لقات منخفض وحتى لو مشغل التكييف , حطيت بعدها 20 لتر كمان 95 ... الملاحظ كل لما بتمشى علية اكتر السحب بيتحسن والموتور بيهدى اكتر والرعشة اللى كانت لما بتطفى العربية قلت عن الاول حتى لو كنت بتجرى ومحمل وطفيت العربية وملحوظة كمان ان درجة الحرارة قلت عن الاول بس مش عارف احدد قلت اد اية بالظبط او دة مجرد احساس مش عارف بس دلوقتى مثلا لو ماشى عادى جوة البلد من غير تكييف وزحمة وحر بتبقى اقل من 90 لو وقفت فى اشارة بتوصل 90 (طبعا علشان تقيس مظبوط لازم تبقى بنفس طريقة السواقة وظروف الطريق ودرجة الحرارة قبل 95 وبعدة ودة استحالة)

    طبعا دة انطباع اولى مش كامل علشان تحس بالتأثير صح محتاج تمشى علية فترة طويلة وتغير الفلتر وتنضف دورة البنزين ورواسب الكربون اللى مترسبة على الصمامات والبساتم وبعدين تحكم الحكم النهائى وطبعا فى ظل اللتر ب 2.75 دة استحالة طبعا والعربية تبوس ايديها وش وضهر على ال 92 والنعمة اللى هى فيها

    وبكدة يبقى علمت على مهندسين التوكيل للمرة التالتة او الرابعة مش فاكر

    محتاجين بقى واحد فدائى يضحى فى سبيل اوبل ويدور على ال 98 لو لقى اصلا ويجربة ويقولنا عمل اية

  • #2
    انا قعدت فترة على البنزين ال 95 أكيد أحسن من ال 92 وفرق السعر كان مش كبير فمعوض فلرق الإستهلاك

    بس دلوقتى فرق السعر أعلى بكتير و مايعوضش فرق الإستهلاك فرجعت تانى لل 92

    معلومة بقى فالهالى واحد صاحبى معاه أسترا H

    عشان تأخد أحسن أداء مع البنزين ال 95 لازم الكونترول يونيت يتضبط غير كده الفرق هيبقى بسيط

    وبالنسبة للأسترا الجديدة و الفكترا الجديدة التوكيل لا ينصح بإستخدام ال 95 الا إذا كنت هتستخمه على طووووووول

    يعنى لو إستخدمت 95 ماينففعش ترجع تانى 92 وماتسألش ليه لأان الرد كام مش مقنع
    ٌRegards
    Hisham Abul Naga
    Opel Astra CD 1.6i 16v Auto

    Comment


    • #3
      المشاركة الأصلية كتبت بواسطة HNaga مشاهدة المشاركة
      انا قعدت فترة على البنزين ال 95 أكيد أحسن من ال 92 وفرق السعر كان مش كبير فمعوض فلرق الإستهلاك

      بس دلوقتى فرق السعر أعلى بكتير و مايعوضش فرق الإستهلاك فرجعت تانى لل 92
      معلومة بقى فالهالى واحد صاحبى معاه أسترا H
      عشان تأخد أحسن أداء مع البنزين ال 95 لازم الكونترول يونيت يتضبط غير كده الفرق هيبقى بسيط
      الفرق كبير بين الاتنين انا بفول 92 ب 111 لو هفول 95 هدفع 165 يعنى 54 جنية فرق فى التفويلة الواحدة يعنى لو هتفول مرتين فى الشهر عندك بالميت مش اقل من 108 جنية زيادة فى البنزين فى الشهر !!

      موضوع الظبط دة اساسى لأن توقيت الشرارة هيختلف , عندى فى سوكيت فى الكبوت بتظبطة على نوع البنزين هو عبارة عن فيشة ناحية تشغلك 87 والناحية التانية لو قلبتها 91 فانا ظابطها على 91 على اساس اشتغل 92 , بس طبعا لو لقيت فيشة 95 هتعمل فرق كبير عن كدة كمان .. مش عارف نظام الاسترا
      على فكرة كل الفكترا الايكوتك اقل اوكتان 91 ودة من الكتالوج يعنى هتشتغل 92 علشان مفيش 91 اقل من كدة غلط وهتلاقى الاسترا نفس النظام

      وبالنسبة للأسترا الجديدة و الفكترا الجديدة التوكيل لا ينصح بإستخدام ال 95 الا إذا كنت هتستخمه على طووووووول

      يعنى لو إستخدمت 95 ماينففعش ترجع تانى 92 وماتسألش ليه لأان الرد كام مش مقنع
      هو يستحسن متفضلش تقلب فى اى عربية يعنى ثبت نوع وامشى علية , فى عربيات الكمبيوتر بيظبط اوتو فمتفضلش كل شوية تحطلة اوكتان شكل .. دايما المشكلة انك تقل مش تعلى المشكلة انك تنزل للاقل مش تطلع للاعلى

      Comment


      • #4
        انا كان عندي بقي يا جماعه..
        الفيشة فيها 91 و 95.. مفيش اقل من كده..
        العربية علي البنزين ال95.. جوة البلد استهلاكها احسن بكتير جدا.. و السحب افضل حاجة بسيطة قوي.. و صوت الموتور اهدا حاجة بسيطة برضه.. بس افضل في المجمل..
        لكن ف السفر بقي.. اجاركم الله.. استهلاك ال95 اسةأ بكتير جدااااااااااااااا
        يعني ممكن يفرق بتاع 70-80 كم في ال30 لتر .. فرق كبير يعني قوي..
        مش فاكر بالظبط عشان الموضوع ده كان من فترة..
        سبحانك اللهم ربنا و بحمدك.. اشهد الا اله الا انت..استغفرك و اتوب اليك..

        Comment


        • #5
          المشاركة الأصلية كتبت بواسطة HNaga مشاهدة المشاركة
          انا قعدت فترة على البنزين ال 95 أكيد أحسن من ال 92 وفرق السعر كان مش كبير فمعوض فلرق الإستهلاك

          بس دلوقتى فرق السعر أعلى بكتير و مايعوضش فرق الإستهلاك فرجعت تانى لل 92

          معلومة بقى فالهالى واحد صاحبى معاه أسترا H

          عشان تأخد أحسن أداء مع البنزين ال 95 لازم الكونترول يونيت يتضبط غير كده الفرق هيبقى بسيط

          وبالنسبة للأسترا الجديدة و الفكترا الجديدة التوكيل لا ينصح بإستخدام ال 95 الا إذا كنت هتستخمه على طووووووول

          يعنى لو إستخدمت 95 ماينففعش ترجع تانى 92 وماتسألش ليه لأان الرد كام مش مقنع
          المشاركة الأصلية كتبت بواسطة Ahmad Allawy مشاهدة المشاركة
          انا كان عندي بقي يا جماعه..
          الفيشة فيها 91 و 95.. مفيش اقل من كده..
          العربية علي البنزين ال95.. جوة البلد استهلاكها احسن بكتير جدا.. و السحب افضل حاجة بسيطة قوي.. و صوت الموتور اهدا حاجة بسيطة برضه.. بس افضل في المجمل..
          لكن ف السفر بقي.. اجاركم الله.. استهلاك ال95 اسةأ بكتير جدااااااااااااااا
          يعني ممكن يفرق بتاع 70-80 كم في ال30 لتر .. فرق كبير يعني قوي..
          مش فاكر بالظبط عشان الموضوع ده كان من فترة..
          متحطش اقل من 92 , اظبط الفيشة على 95 وامشى فترة علية وهتشوف الفرق

          هتلاقيك كنت بتفترى بس على الطريق السريع ;) خف رجلك

          Comment


          • #6
            لا والله عادي.
            ده حتيب كان علي نفس الطريق الزراعي..
            و ان عارف ده طريق مش بتاع جري يعني..
            يعني مش اكتر من 110.. و كنت بابقي لوحدي كمان..
            اما موضوع اني امشي فترة بقي..:) :) خلاص.. معادش ينفع..
            خلاص.. البنزين غلي و اللي كان كان..
            اهي تجارب و حواديت نحكيها لأحفادنا اننا في فترة م الفترات حطينا بنزين 95 ده اللي بيقولوا عليه.. :)
            سبحانك اللهم ربنا و بحمدك.. اشهد الا اله الا انت..استغفرك و اتوب اليك..

            Comment


            • #7
              لا لا بالراحة كده فين الفيشة دى؟
              ٌRegards
              Hisham Abul Naga
              Opel Astra CD 1.6i 16v Auto

              Comment


              • #8
                المشاركة الأصلية كتبت بواسطة Ahmad Allawy مشاهدة المشاركة
                لا والله عادي.
                ده حتيب كان علي نفس الطريق الزراعي..
                و ان عارف ده طريق مش بتاع جري يعني..
                يعني مش اكتر من 110.. و كنت بابقي لوحدي كمان..
                اما موضوع اني امشي فترة بقي..:) :) خلاص.. معادش ينفع..
                خلاص.. البنزين غلي و اللي كان كان..
                اهي تجارب و حواديت نحكيها لأحفادنا اننا في فترة م الفترات حطينا بنزين 95 ده اللي بيقولوا عليه.. :)
                loooolll
                تحكيلهم على جدهم ايام التهور والشقاوة ايام محط ال 95 ..علشان يعرفو جدو كان شاب عيفرييت بردو
                على ايامهم هيبقى اللتر ب 20 جنية وانت تقعد تحكلهم على ايام العز ايام ماكان ب 2.75 ايام ماكان العشرة جنية فيها بركة وهم يقولوك يااااااة و95 دة كانت العربيات بتمشى بية ازاى دة دة تعبان اوى
                وعربيتك ساعتها هتبقى من العربيات الاثرية اللى مينفعش تمشى فى الشارع

                Comment


                • #9
                  المشاركة الأصلية كتبت بواسطة HNaga مشاهدة المشاركة
                  لا لا بالراحة كده فين الفيشة دى؟
                  ماستر الفرامل العمومى فية قدامة اليونيت بتاعة ال ABS هتلاقى فوقها علبة سودة بلاستيط كبيرة افتحها المفروض لو عندك هتلاقيها جوة سلكة فى اخرها فيشة
                  بس غالباا مش عندك !!

                  Comment


                  • #10
                    يبدو ان اماكن الفيشة دي مختلفة من عربية للتانية..
                    يعني عندي في مكان مختلف تماما عن المكان اللي بتقول عليه يا احمد..
                    انا عندي لما تفتح الكبوت علي الشمال كده قدام الحاجز اللي هو ورا الموتور علي طول..
                    عربيته فعلا ممكن ميكونش فيها الموضوع ده..
                    تكون بتتظبط بالجهاز علي الكونترول يونيت علي طول.. مش مانيوال بفيشة..
                    علي اساس ان العربية متطورة و احدث شوية من عندنا..
                    سبحانك اللهم ربنا و بحمدك.. اشهد الا اله الا انت..استغفرك و اتوب اليك..

                    Comment


                    • #11
                      المشاركة الأصلية كتبت بواسطة Ahmad Allawy مشاهدة المشاركة
                      يبدو ان اماكن الفيشة دي مختلفة من عربية للتانية..
                      يعني عندي في مكان مختلف تماما عن المكان اللي بتقول عليه يا احمد..
                      انا عندي لما تفتح الكبوت علي الشمال كده قدام الحاجز اللي هو ورا الموتور علي طول..
                      عربيته فعلا ممكن ميكونش فيها الموضوع ده..
                      تكون بتتظبط بالجهاز علي الكونترول يونيت علي طول.. مش مانيوال بفيشة..
                      علي اساس ان العربية متطورة و احدث شوية من عندنا..
                      كل عربية حسب تصميمها
                      الموضوع مش موضوع تطور المواتير دى موجودة برة من الاول بس هنعمل اية نصيبنا كدة ربنا يسامح اللى فى بالى

                      Comment


                      • #12
                        ايه يا جماعه موضوع الفيشه ده ؟ .. أنا مش فاهم !! .. على العموم أنا عندي فيكترا 1600 سي سي موديل 2000 وبحطلها بنزين 90 وماشية 10 على 10 .. ايه رأي الجميــــع ؟؟
                        [CENTER][SIGPIC][/SIGPIC]
                        Superkenwood[/CENTER]

                        Comment


                        • #13
                          المشاركة الأصلية كتبت بواسطة superkenwood مشاهدة المشاركة
                          ايه يا جماعه موضوع الفيشه ده ؟ .. أنا مش فاهم !! .. على العموم أنا عندي فيكترا 1600 سي سي موديل 2000 وبحطلها بنزين 90 وماشية 10 على 10 .. ايه رأي الجميــــع ؟؟
                          انا كان معايا العربيه دى وكنت فى الاول بمون 90 وكانت شغاله تمام
                          بس بقيت بمون 92 وحسيت بفرق فى الاداء
                          حاليا معايا الموتور الايكوتك وبمون 92

                          بالسبة لموضوع الفيشه دى بتحدد هتستخدم انهى نوع بنزين عشان تظبط حاجات فى الموتور
                          ومكانها زى ما احمد نونيم قالك بس مش عارف عندنا ولا لأ :)
                          م/محمد مختار

                          [COLOR=darkred]سبحان الله والحمد لله ولا اله الا الله[/COLOR]

                          [CENTER][U][I]Opel, 1 Team, 1 Goal, 1 Family[/I][/U] [/CENTER]

                          [CENTER][SIGPIC][/SIGPIC][/CENTER]


                          [URL="http://www.nilemotors.net/Nile/showthread.php?t=23017"][B][U][COLOR=navy]تعديلات فى عربيتى فكترا موديل 2000[/COLOR][/U][/B][/URL]
                          [URL="http://www.nilemotors.net/Nile/showthread.php?t=82965"][B][U][COLOR=navy]السيارة الاكثر شعبية فى قسم أوبل تعود للتألق من جديد (تعديلات بسيطة)[/COLOR][/U][/B][/URL]
                          [URL="http://www.nilemotors.net/Nile/showthread.php?t=40134"][B][U][COLOR=navy]تعديل لاب توب لتشغيله او اغلاقه عن بعد لعمل كمبيوتر السياره[/COLOR][/U][/B][/URL]
                          [RIGHT][URL="http://www.nilemotors.net/Nile/showthread.php?t=40038"][B][U][COLOR=navy]عمل كابل Aux in لكاست بايونيير[/COLOR][/U][/B][/URL][/RIGHT]
                          [RIGHT][URL="http://www.nilemotors.net/Nile/showthread.php?t=40050"][B][U][COLOR=navy]عمل كابل Aux in لكاست كلاريون[/COLOR][/U][/B][/URL][/RIGHT]
                          [RIGHT][URL="http://www.nilemotors.net/Nile/showthread.php?t=40391"][B][U][COLOR=navy]عمل كابل Aux in لكاست سوزوكى SX4[/COLOR][/U][/B][/URL][/RIGHT]

                          Comment


                          • #14
                            المشاركة الأصلية كتبت بواسطة mimysheckles مشاهدة المشاركة
                            انا كان معايا العربيه دى وكنت فى الاول بمون 90 وكانت شغاله تمام
                            بس بقيت بمون 92 وحسيت بفرق فى الاداء
                            حاليا معايا الموتور الايكوتك وبمون 92

                            بالسبة لموضوع الفيشه دى بتحدد هتستخدم انهى نوع بنزين عشان تظبط حاجات فى الموتور
                            ومكانها زى ما احمد نونيم قالك بس مش عارف عندنا ولا لأ :)
                            الموتور ال 1.6 الكامة الواحدة اللى كودة 16lz2 فية الفيشة دية
                            غالبا الايكوتك لأ

                            Comment


                            • #15
                              ايوة ايوة ايوة..
                              اطلع بالمفيد.. :) :) :)
                              انا بارجح كده برضه..
                              سبحانك اللهم ربنا و بحمدك.. اشهد الا اله الا انت..استغفرك و اتوب اليك..

                              Comment

                              Working...
                              X