عايز اعدل ل 2002

[gomgom3]

عايز اعدل عربيتي فيكترا ل 2002
هي 98
عايز اعرف رايكوا
لاني هغير اكصدام امامي وخلفي
واركب عتب جانبي
واغير الفوانيس الاماميه والخلفيه
وارش العربيه كلها
هي عربيتي لونها ابيض بس بحيث ان الابيض بتاع 98 غير الابيض بتاع 2002 فهل كلامي دة صح ولا هو نفس اللون
وعايز اركب مرايات ضم كهرباء واوصلها مع السنتر وسعرها كام
وعايز اعلي العربيه لانها واطيه جدا وزهقت من كتر الحك في المطبات :( فيارت اي عضو هنا رفع العربيه بتاعته يقولي عمل ايه وغير ايه لانهي زهقت من المطبات

[Amr_650]

مش عارف بس مش بحب اعدل ال بى 1 الى 2 .. البى 1 لما تتشد بمزاج بتبقى افخم من البى 2 .. البى 2 سبورتيف اكتر ..

انا غيرت الفوانيس بس لبى 2 و لباقى جبتو جديد بى 1 و الحمد لله طلعت شيك اوى .

مرايات الضم فاكر لما سالت عند الاصدقاء كانت ب 450 . و على فكرة المساعدين لو مظبوطة مش هتحك ..خالصصص

[Hesham.H]

الفرق بين البى ١ والبى ٢ بكون فرق داخلى وفرق خارجى
الداخلى : طبعا الفتيس مختلف .. والبى ٢ فيها علبه بيئه فى الشكمان والدركسيون بيتعدل فوق وتحت ٣ حركات ومكان التخزين فى السقف
الخارجى : الفوانيس والعتب والاكصدامات والجنوط فى البى ٢ بتكون مقاس ١٥ اما فى البى ١ مقاس ١٤ .. والاكصدام الامامى بيكون مجهز بمكان للفوجات حتى ولو ما نزلتش فيها .. وطبعا الفوانيس الخلفيه مختلفه والاستوب فى البى ٢ فوق الزجاج الخلفى والبى ٢ تحت

طبعا تعديلك هايكون للشكل الخارجى فقط وزى ما قال عمرو فوانيس البى ٢ كويسه جدا وهاتفرق معاك فى شكل العربيه
بالنسبه للأسعار مش هاقدر افيدك غير فى سعر الفوانيس الامامى أصلى استيراد بحولى ٣٠٠ جنيه بالمواتير واللمبات و الطبب الكاوتش
تحياتى

[gomgom3]

انا كدة كدة السقف الي عندي بتاع 2002 والحنوط عندي 15
انا الي مدايق منه موضوع الشنطه شنطه 2002 غير شنطه 98 خااالص في مكان الكالون
فهل ممكن الشنطه اجلها كالون 2002 ويركب ولا لازم احفر في الصاج بتاعها

[keleshspot]

ياعم بلاش تتعب نفسك وتصرف فلوسك وفى الاخر لو جيت تبيعها فهتتباع على أساس بى 1